பாஜக இடம்பெறும் கூட்டணியில் நாங்கள் இருக்கமாட்டோம்... மஜக முடிவு!

நெல்லை வண்ணார்பேட்டை தனியார் விடுதியில் மனிதநேய ஜனநாயக் கட்சியின் ஒன்பதாவது தலைமை செயற்குழு கூட்டம் அக்கட்சியின் பொதுச் செயலாளரும் சட்டமன்ற உறுப்பினருமான தமிமுன் அன்சாரி தலைமையில் இன்று நடைபெற்றது.

கூட்டத்தில் நிறைவேற்ற பல்வேறு தீர்மானங்கள் குறித்து தமீமுன் அன்சாரி செய்தியாளர்களிடம் கூறியது:

நாங்கள் அதிமுக கூட்டணியில் இருந்தாலும், அவர்களின் அரசியல் குறித்த முடிவுகள் விமர்சிக்கும் வகையில் இருந்தால் அதை கண்டிப்பாக சுட்டிக் காட்டுவோம்.

எதிர்வரும் தமிழக சட்டமன்ற தேர்தலில், சமூக நீதிக்கு எதிராக செயல்பட்டு வரும் பாஜக அங்கம் வகிக்கும் கூட்டணியில் இடம் பெறப் போவதில்லை என செயற்குழு கூட்டத்தில் ஏகமனதாக முடிவு செய்யப்பட்டுள்ளது.

எடப்பாடியின் டெல்லி பயணம்... சசிகலாவின் உடல்நிலை பாதிப்பு... சந்தேகம் கிளப்பும் சீமான்!

சசிகலா பூரண உடல் நலன் பெற்று வீடு திரும்பவேண்டும் என்பதே எங்களது நோக்கம். சசிகலாவின் உடல்நிலை குறித்து பொதுமக்களுககும், சசிகலாவின் உறவினர்களுக்கும் சந்தேகம் எழுந்துள்ளது.

இலங்கை கடற்படை தமிழக மீனவர்களுக்கு கடுமையான இன்னல்களை தந்து வருகிறது. மத்திய அரசு இலங்கை கடற்படை மீது வழக்குப் பதிவு செய்து ஐக்கிய நாடுகள் சபையில் முறையிட வேண்டும்.

அம்மனின் அருளைப் பெற முதல்வரின் செம பிளான்!

தமிழக - இலங்கை மீனவர் பிரச்சினைக்கு ஒரே தீர்வு, மறைந்த முன்னாள் ஜனாதிபதி அப்துல் கலாமின் யோசனைப்படி, ஒருநாள் விட்டு ஒருநாள் என சமரச உடன்பாடு செய்து இரு நாட்டு மீனவர்களும் மீன் பிடிக்க அனுமதி அளிக்க வேண்டும்.

விவசாயிகள் மற்றும் மீனவர்கள் நலனுக்காக மதிமுக அறிவித்துள்ள போராட்டத்திற்கு மனித நேய ஜனநாயக கட்சி முழு ஆதரவு தெரிவிக்கிறது என்று அன்சாரி தெரிவித்தார்.