1700 kg silver vinayagar: 1700 கிலோ வெள்ளியில் விநாயகர் சிலை

வேலூர் மாவட்டம் அரியூர் பகுதியில் உள்ள பிரசித்திப் பெற்ற ஸ்ரீபுரம் தங்கக்கோவில் வளாகத்தில் சுமார் 15 கோடி ரூபாய் செலவில் 5 அடி உயரத்தில் 1,700 கிலோ வெள்ளியால் வடிவமைக்கப்பட்டுள்ள ஸ்ரீ கணபதி கோவில் கும்பாபிஷேகம் இன்று நடைபெற்றது.இதற்கான கருவூல கோவில் 700 டன் கருங்கற்களால் அமைக்கப்பட்டுள்ளது.

கும்பாபிஷேகத்தை ஸ்ரீபுரம் தங்கக்கோயில் மடாதிபதி சக்தி அம்மா முன்னிலையில் நடைபெற்றது. இந்த கோவிலானது உலகிலேயே முதன் முதலில் 1700 கிலோ எடைகொண்ட வெள்ளி விநாயகர் மூலவர் என்ற அந்தஸ்தை பெற்றுள்ளது.

கடந்த 15-ந் தேதி முதல் இன்னது நாள் வரை நவதானியங்களால் ஆன 1 லட்சத்து 8 ஆயிரம் லட்டுகளால் தமிழ் முறைப்படி யாகம் மற்றும் சிறப்பு பூஜைகள் செய்யப்பட்டு, வேதமுறைப்படி பூஜைகள் நடத்தி முடித்து தமிழ் மற்றும் வேதமுறைப்படி கும்பாபிஷேகம் நடைபெற்றது.

சசிகலாவுக்காக வெக்காளியம்மன் பக்தர்களாக மாறி ஆதரவாளர்கள்!

இதில் நெடுஞ்சாலைத் துறை மற்றும் போக்குவரத்து மத்திய இணை அமைச்சர் விகே சிங் சிறப்பு அழைப்பாளராக கலந்து கொண்டார். மேலும் வேலூர் மாவட்ட ஆட்சியர் சண்முகம் சுந்தரம் கலந்து கொண்டு விநாயகரை தரிசனம் செய்தனர்.