மலைவாழ் மக்களுக்கு சாதி சான்று... திருப்பத்தூரில் சிறப்பு முகாம்!

திருப்பத்தூர் மாவட்டம், ஜோலார்பேட்டை அடுத்த ஏலகிரி மலையில் சுமார் 14-க்கும் மேற்பட்ட மலை கிராமங்கள் உள்ளன. இவற்றில் ஆயிரத்திற்கும் மேற்பட்ட மக்கள் வசித்து வருகிறனர். ஏலகிரி மலைவாழ் மக்களின் நீண்ட நாள் கோரிக்கையாக சாதி சான்றிதழ் கேட்டு அரசிடம் விண்ணப்பித்து வருகின்றன.

ஆனால், பல்வேறு காரணங்களுக்காக இந்த மக்களுக்கு சாதி சான்றிதழ் மறுக்கப்பட்டு வருவதாக கூறப்படுகிறது. ஆனாலும், விடாத முயற்சியாக அப்பகுதி மக்கள் மாவட்ட ஆட்சியர், வட்டாட்சியர் அலுவலகத்தில் தொடர்ந்து மனு அளித்து வருகின்றனர். குறிப்பாக இந்த மக்கள் தங்களுக்கு இந்து மலையாளி மற்றும் இந்து இருளர்கள் சாதி சான்றிதழ் வேண்டி மனுக்கள் அளித்துள்ளனர்.

இந்நிலையில், ஜூன் 20-ம் தேதி திருப்பத்தூர் மாவட்ட புதிய ஆட்சியர் அலுவலகத்தை திறந்து வைக்க வருகைத் தரும் முதலமைச்சர் மு.க.ஸ்டாலின் பல்வேறு நலத்திட்ட உதவிகளை வழங்க உள்ளார். இதற்காக ஏலகிரி மலை கிராம மக்களுக்கு சிறப்பு முகாம் அத்தனாவூர் அரசு மேல்நிலைப்பள்ளியில் நடைபெற்றது. இதில், திருப்பத்தூர் கோட்டாட்சியர் லட்சுமி, வட்டாட்சியர் சிவப்பிரகாசம், வருவாய் அலுவலர் ரவிமாராஜன், கிராம நிர்வாக அலுவலர் மஸ்தான், ஊராட்சி மன்றத் தலைவர் ராஜஸ்ரீ கிரிவேலன் ஆகியோர் கலந்துக்கொண்டனர்.
பிரசவத்திற்கு விடுப்பு எடுத்த மாணவி… தேர்வுக்கு மறுக்கும் கல்லூரி நிர்வாகம்!

இதில், கலந்துக்கொண்ட 700-க்கும் மேற்பட்ட மலைகிராம மக்கள் தங்களது நீண்ட நாள் கோரிக்கையான சாதி சான்றிதழ் கேட்டு விண்ணப்பித்தனர். ஆனால், மனுக்களை பெற்றுக்கொண்ட அதிகாரிகள் வீட்டுமனை பட்டா இருந்தால் மட்டுமே சாதி சான்றிதழ் வழங்க பரிசீலனை செய்யப்படும் என்று கூறியதாக தெரிவிகிறது.

இதுகுறித்து கருத்து தெரிவித்துள்ள மலைகிராம மக்களில் ஒருவரான பலராமன் என்பவர், “ஒவ்வொரு முறையும் தேர்தல் நேரத்தில் வாக்கு கேட்டு வரும் அரசியல் தலைவர்கள் தங்களுக்கு சாதி சான்று பெற்றுத்தருவதாக உறுதி அளித்துவிட்டு நடவடிக்கை எடுப்பதில்லை. தற்போதுள்ள அரசாவது நல்ல முடிவு எடுத்து சாதி சான்று வழங்க வேண்டும்” என்று கோரிக்கை விடுத்தார்.