ஓட்டுக்கு டவர் ஃபேன், விழுப்புரத்தில் செம கிஃப்ட்: இறுதி நேரத்தில் தூக்கி வந்த அதிகாரிகள்!

கள்ளக்குறிச்சி மாவட்டம் திருக்கோவிலூர் அருகே கூவனூர் ஊராட்சிக்குட்பட்ட மெலரிப்பட்டு கிராமத்தில் வசித்து வருபவர் மணிகண்டன். இவர் 3ஆவது வார்டு பகுதியில் வேட்பாளராக போட்டியிட்டு வருகிறார்.

இந்த நிலையில் இவர் தனது உறவினர் ரகோத்தமன் வீட்டில் வாக்காளர்களுக்கு கொடுப்பதற்காக நூறு டவர் பேன்கள் பதுக்கி வைத்திருந்தது தெரியவந்தது.

இதுகுறித்து தகவலறிந்த திருக்கோவிலூர் துணை வட்டாட்சியர் மற்றும் பறக்கும் படை அதிகாரிகள் சம்பவ இடத்திற்கு சென்று சோதனை மேற்கொண்டனர்.

2 ஆயிரம் லிட்டர் எதற்காக கடத்தல்: தேர்தல் ஆணையம் விழுப்புரத்தில் தீவிர விசாரணை!
அதில் தேர்தல் நேரத்தில் வாக்காளர்களுக்கு கொடுப்பதற்காக பரிசுப் பொருட்கள் வைக்கப்பட்டிருந்தது உறுதி செய்யப்பட்டது. சோதனையில் அவர்களிடமிருந்து நூறு டவர் ஃபேன்கள் பறிமுதல் செய்யப்பட்டது.


தேர்தல் விதிமுறைகளை மீறி வாக்காளர்களுக்கு சலுகை கொடுக்க முயன்றவர் மீது வழக்குப் பதிவு செய்யப்பட்ட திருக்கோவில் போலீசார் விசாரணை மேற்கொண்டு வருகின்றனர்.