அண்ணாமலையை பங்கம் செய்த பாஜக; நிர்வாகி வெளியிட்ட ஆடியோவால்.. ஷாக்!

விழுப்புரம் மாவட்ட பாஜக தலைவர் கலிவரதன். இவரை, அக்கட்சியை சேர்ந்த மாவட்ட துணைத் தலைவரின் கணவர், மொபைல் போனில் சில தினங்களுக்கு முன்பாக தொடர்பு கொண்டு பேசினார்.அப்போது 20 பெண்கள் மற்றும் பாமகவினர் 50க்கும் மேற்பட்டோரை திருமண விழாவிற்கு வரும் அண்ணாமலை முன்னிலையில் பாஜகவில் இணைய ஏற்பாடு செய்யப்பட்டுள்ளதாக தெரிவித்தார். அதற்கு பதிலளித்த கலிவரதன், 'அண்ணாமலையும் வரமாட்டாரு, திருவண்ணாமலையும் வராது' என்றார்.

அதற்கு, ‘பசங்க ஆசைப்படுகிறார்கள்’ என துணைத் தலைவரின் கணவர் தெரிவித்தார். அதற்கு பதில் அளித்த கலிவரதன், 'அவங்க கேட்பதற்காக நாம் செய்ய முடியாது. பதவிக்கு மரியாதை கொடுங்கள். நான் வந்தால் தான் கட்சியில் சேரணும்.

அண்ணாமலை என்ன கடவுளா. உனக்கு நான் கடவுளா, அவர் கடவுளா? அப்பறம் ஏன் அண்ணாமலையை கூப்பிட்டு வா, திருவண்ணாமலையை கூப்பிட்டு வான்னு சொல்லிட்டு உட்கார்ந்திருக்கீங்க.

முதல்வருக்கு பிறகு நான் தான்; துண்டுப் போட்ட துரைமுருகன்!

என் தலைமையில் கட்சியில் சேர சொல்லுங்க. என்னை விட பெரிய ஆளு யாரும் கிடையாது' என்றார். இருவரும் பேசிய ஆடியோ 'வாட்ஸ் ஆப்' மற்றும் சமூக வலைதளங்களில் வைரலாக பரவி வருகிறது.

பாஜகவின் மாநிலத் தலைவரை கடவுளா? என அக்கட்சியின் மாவட்ட தலைவர் பேசியிருப்பது அரசியல் கட்சி வட்டாரத்தில் சர்ச்சையையும், பரபரப்பையும் ஏற்படுத்தியுள்ளது.

பாஜகவை குஷிப்படுத்தும் திமுக; அமைச்சர் பரபரப்பு வாக்குமூலம்!

இதுகுறித்து கலிவரதனை மொபைல் போனில் தொடர்பு கொண்டு கேட்டபோது, 'நான் எதையும் போனில் பேச விரும்பவில்லை' எனக்கூறி உடனடியாக அழைப்பை துண்டித்துவிட்டார்.

இந்த ஆடியோ விவகாரம் தற்போது, அண்ணாமலையை பங்கம் செய்து வருவதால் கட்சிக்கு உள்ளேயே கொளுக் சிரிப்பு சத்தம் கேட்கிறது. அதே சமயம் பாஜக வெறுப்பு மற்றும் எதிர்ப்பு அரசியல்வாதிகள் மத்தியில் இந்த ஆடியோ, வேற லெவலாக பகிரப்பட்டு வருகிறது.