ஓங்கி அடிக்கும் ஓபிஎஸ் டீம்; எடப்பாடி அன்கோ அதிர்ச்சி!

சென்னை வானகரத்தில் கடந்த ஜூன் 23ம் தேதி அதிமுக பொதுக்குழு கூட்டம் நடைபெற்றது. இந்த பொதுக்குழு கூட்டம் கடும் அமளியில் முடிந்தது. பொதுக்குழு கூட்டத்தில் உரிய மரியாதை கிடைக்காததால் அதிமுக ஒருங்கிணைப்பாளர் ஓபிஎஸ் பாதியில் வெளியேறினார்.

அதுமட்டும் இல்லாமல் ஓபிஎஸ் மற்றும் அவரது ஆதரவாளர்கள் மீது தண்ணீர் பாட்டில் வீசப்பட்டது மற்றும் ஓபிஎஸ் மட்டும் ஆதரவாளர்களுடன் ஓட்டலில் உணவு உண்டது என சில, பல விரும்பத்தகாத சம்பவங்கள் அதிமுக பொதுக்குழு கூட்டத்தில் நடந்தன.

அதிமுகவுக்குள் நடக்கும் இந்த சம்பவங்களை தி.மு.க தலைவரும், தமிழக முதல்வருமான மு.க.ஸ்டாலின் சமீபத்தில் சென்னை, திருவான்மியூரில் கட்சி நிர்வாகி ஒருவருடைய இல்ல திருமண விழாவில் குறிப்பிட்டு விமர்சித்து இருந்தார்.


முதலமைச்சரின் இந்த விமரசனத்துக்கு அதிமுக முன்னாள் அமைச்சர் சி.வி.சண்முகம் பதிலடி கொடுத்து இருந்தார். இவ்வாறாக அதிமுக கட்சியில் குழப்பமான சூழ்நிலை நிலவுகிறது.

சொடக்கு போட்ட செல்லூர் ராஜூ; ஓ.பன்னீர்செல்வம் கடும் அதிர்ச்சி!
இந்நிலையில் விருதுநகர் மாவட்டம் ஸ்ரீவில்லிபுத்தூர் அருகே மல்லி கிராமத்தில் சிவகாசி பிரதான சாலையில் எம்ஜிஆர் மன்ற பொருளாளர் சண்முகவேல் பாண்டியன் தலைமையில் 100க்கும் மேற்பட்ட அதிமுகவினர் ஒன்று கூடினர்.

இதன் பின்னர் அதிமுக இணை ஒருங்கிணைப்பாளரும், முன்னாள் முதல்வருமான எடப்பாடி பழனிச்சாமியின் உருவ பொம்மையை திடீரென எரித்து போராட்டத்தில் ஈடுபட்டனர்.

இந்த போராட்டத்தின் போது ஓ.பன்னீர்செல்வத்துக்கு ஆதரவாகவும், எடப்பாடி பழனிச்சாமிக்கு எதிராகவும் கண்டனக் கோஷங்களை எழுப்பி கடும் எதிர்ப்பை பதிவு செய்தனர்.

அதிமுக ஒற்றை தலைமை சசிகலா?; பரபரப்பு கிளப்பும் காங்கிரஸ் எம்.பி!
ஸ்ரீவில்லிபுத்தூர்- சிவகாசி பிரதான சாலையில் உருவ பொம்மை எரிக்கப்பட்டதால் அப்பகுதியில் சிறிது நேரம் போக்குவரத்து பாதிக்கப்பட்டதோடு, பெரும் பரபரப்பும் ஏற்பட்டது.

இதுபோன்று பல்வேறு இடங்களில் ஓபிஎஸ் ஆதரவாளர்கள் ஓங்கி அடிக்க தொடங்கி இருப்பதால் எடப்பாடி ஆதரவாளர்கள் உதறல் கண்டுள்ளதாக, நம்பத் தகுந்த வட்டாரம் காதை கடிக்கின்றது.