30 வயசு ஆனதும் சரும சுருக்கம் வந்துடுதா? இரவில் இந்த டிப்ஸ் ஃபாலோ பண்ணுங்க... இளமையாயிடுவீங்க...

நம் 30 களில் எல்லாருமே வறண்ட சருமம், கரு வளையம், சூரிய ஒளிக்கதிரால் ஏற்படும் பாதிப்பு, சரும பிரச்சனைகள் போன்றவற்றை எதிர்கொள்ள வேண்டியிருக்கும். இந்த பிரச்சினைகளை எதிர்கொள்ள ஒரு சிறந்த தீர்வு என்றால் அது இரவு நேர பராமரிப்பு மட்டுமே. உங்க வயது 30 யை கடந்ததும் இந்த இரவு நேர தோல் பராமரிப்பை பின்பற்றுங்கள் என சரும மருத்துவர் கூறுகிறார்.

ஏனெனில் இரவு நேரத்தில் தான் நமது சருமமானது பாதிப்புகளை சரி செய்யும் வேலையை செய்கிறது. இது சருமமானது உள்ளிருந்து நன்மை பெற உதவுகிறது. எனவே இனி மேல் தூங்கச் செல்வதற்கு முன்பு இந்த இரவு நேர தோல் பராமரிப்பை நீங்கள் மேற்கொள்ளலாம்.

படுக்கைக்கு செல்வதற்கு முன்பு உங்க முகத்தில் உள்ள அலங்காரத்தை ரிமூவ் செய்வது மிகவும் முக்கியம். அப்படி நீங்கள் செய்யாவிட்டால் சரும பாதிப்புகளை உண்டாக்கும். இரவில் நீங்கள் தூங்கும் போது உங்க தோலானது தன்னைத் தானே சரி செய்து கொள்கிறது. எனவே, உங்கள் முகத்தை ஒரு க்ளென்சர் அல்லது தண்ணீரைக் கொண்டு கழுவுவதன் மூலம் உங்கள் சருமம் சரியாக சுவாசிக்கட்டும்.

உங்கள் மேக்கப்பை நீக்கிய பிறகு, உங்கள் தோல் வகைக்கு ஏற்ற ஒரு க்ளென்சரைத் தேர்ந்தெடுக்கும் நேரம் இது.பகலில் உங்கள் சருமத்தில் குவிந்து கிடக்கும் அழுக்கு, அதிகப்படியான எண்ணெய் மற்றும் அசுத்தங்கள் அனைத்தையும் அகற்றுவதற்கு க்ளென்சர் அவசியம் மற்றும் அடைபட்ட சரும துளைகளை சரி செய்ய இது உதவுகிறது.

அடுத்ததாக உங்க சருமத்தை ஹைட்ரேட் செய்வது மிகவும் அவசியம். அதற்கு ஒரு காட்டன் பஞ்சை எடுத்துக் கொள்ளுங்கள். காட்டன் பஞ்சை எடுத்து மாய்ஸ்சரைசர் போன்றவற்றை அப்ளே செய்து கொள்ளுங்கள்.

உங்க சருமத்தை அழகாக்குவதற்கு என்றே பல்வேறு வகையான சீரம் கிடைக்கின்றன. உங்க சருமத்திற்கு ஏற்ற ஒரு சீரத்தை அப்ளே செய்யுங்கள்.

கண்கள் தான் சீக்கிரமே சுருக்கங்களை விரைவுபடுத்துகிறது. எனவே உங்க வயதான அறிகுறிகளை தாமதப்படுத்தவும், நேர்த்தியான கோடுகளின் தோற்றத்தை குறைக்கவும், ஐ க்ரீம் பயன்படுகிறது. இது கண்களைச் சுற்றி உள்ள சருமத்தை சுருக்கங்கள் இல்லாமல் நெகிழ்வுத் தன்மையுடன் வைக்க உதவுகிறது.

வறண்ட சருமம் தான் சீக்கிரமே வயதாகி விடும். எனவே அதை பராமரிக்க மாய்ஸ்சரைசர் அப்ளே செய்து ஈரப்பதத்துடன் வைத்திருக்கலாம். இது உங்க தோலுக்கு மென்மை மற்றும் ஈரப்பதமான தன்மையை தரும்.