கொலாஜன் உற்பத்தி
கொலாஜன் சப்ளிமெண்ட்ஸ் சமூக வலைத்தளங்கள் மற்றும் விளம்பரங்களில் பரவலாக பேசப்பட்டாலும் இது இயற்கையாகவே நமது உடலில் சுரக்கக்கூடிய செய்யக்கூடிய ஒரு வகை புரதம். நமக்கு வயது ஆக ஆக கொலாஜெனின் உற்பத்தி இயற்கையாக குறையத் தொடங்குகிறது. முதுமை, சூரிய ஒளி, புகைபிடித்தல், மது அருந்துதல் ஆகியவை இந்த கொலாஜன் சிதைவுக்கு வழிவகுக்கிறது. இதனால் நமது சருமத்தில் சுருக்கங்கள், மெல்லிய கோடுகள் மற்றும் சருமத்தில் தோய்வு போன்றவை ஏற்படுகிறது.
கொலாஜன் சப்ளிமண்ட்டுகள்
தற்போது ஊட்டச்சத்து சார்ந்த மருந்துகளில் கொலாஜன் சப்ளிமெண்ட்ஸ் மிகவும் பிரபலம் அடைந்து வருகிறது. ஆனால் அவை நமது உடலுக்கு ஆரோக்கியமானதா என்ற பெரிய கேள்வி நம்மில் பலருக்கும் எழலாம்.
வாய் வழியாக பயன்படுத்தப்படும் இந்த கொலாஜன் சப்ளிமெண்ட்ஸ்களை 12 வாரங்களுக்கு மேலாக பயன்படுத்தும்போது அது சரும நெகிழ்ச்சி, நீர் சத்து மற்றும் கடினத் தன்மையை அதிகரிப்பதாக நிபுணர்கள் கூறுகிறார்கள்.
இது பக்கவிளைவுகள் இல்லாத பாதுகாப்பானது என்றும், இதனுடைய பலன்கள் குறைந்தபட்சம் மூன்று மாதங்கள் அல்லது அதற்கு மேல் பயன்படுத்தப்பட்டால் மட்டுமே கிடைக்கும் என்றும் நிபுணர்கள் கூறுகிறார்கள்.
கொலாஜனின் நன்மைகள்
கொலாஜன் சப்ளிமெண்ட்ஸ் ஆரம்பத்தில் தளர்ந்த சருமத்தை இறுக்கமாக்கவும், அதன் எலாஸ்டிசிட்டி தன்மையை அதிகரிக்கவும், அதன் தரத்தை மேம்படுத்தவும் உதவுகிறது.
தொடர்ந்து இந்த சப்ளிமெண்ட்ஸ் பயன்படுத்தப்படும் பொழுது சருமத்தில் ஒருவித நெகிழ்ச்சித் தன்மை, அதாவது சுருக்கங்கள், கடினத்தன்மை மற்றும் வயதானது போன்ற அறிகுறிகள் ஆகியவற்றை சரி செய்கிறது. மேலும் இது இதயம், முடி, நகங்கள், குடல் மற்றும் மூளை ஆரோக்கியத்தை மேம்படுத்தவும் உதவுவதாகக் கூறப்படுகிறது.
கொலாஜன் சப்ளிமெண்ட்டுகளின் தீமைகள்
இந்த சப்ளிமென்ட் அனைவருக்கும் பொருந்துவதில்லை. சிலருக்கு ஒவ்வாமை போன்ற எதிர் விளைவுகளை ஏற்படுத்தலாம்.
தொடர்ந்து பயன்படுத்தும்போது ஒரு சிலருக்கு முகப்பரு பிரச்சனை ஏற்படலாம். மேலும் திரவ கொலாஜன் சப்ளிமென்ட் வகைகளில் சில நேரங்களில் வைட்டமின்கள், தாதுக்கள் அல்லது மூலிகைகள் நிறைந்து இருக்கும்.
இதை குறைவான அளவில் பயன்படுத்தப்படும் பொழுது பாதுகாப்பானதாக இருக்கலாம். ஆனால் அளவுக்கதிகமாக ஒரு நபர் இவற்றை பயன்படுத்தும் போது சருமம் சார்ந்த பிரச்சினைகளை சந்திக்கலாம்.
மேலும் நெஞ்சு எரிச்சல், வீக்கம் போன்ற லேசான பக்க விளைவுகளும் ஏற்படலாம். எந்த ஒரு சப்ளிமெண்ட்டையும் தொடர்ந்து எடுத்துக் கொள்வதற்கு முன் உங்கள் மருத்துவரை கலந்து ஆலோசியுங்கள்.