பேக்கிங் சோடா முகத்துக்கு பயன்படுத்தலாமா? எப்படி எதற்கு பயன்படுத்தணும்? தெரிஞ்சுக்கலாமா!

முகத்தில் இருக்கும் இறந்த செல்களை வெளியேற்ற பேக்கிங் சோடா பயன்படுத்தலாம். ஆரஞ்சு சாறு அல்லது எலுமிச்சை சாறு, பன்னீர் மற்றும் பேக்கிங் சோடா கலந்து பேஸ்ட் போல் குழைத்து கொள்ளவும்.

பாலிவுட் அழகி கத்ரீனா கைஃப் கொள்ளை அழகாய் இருக்க காரணம் இதுதானாம்! நீங்களும் முயற்சிக்கலாம்!

முகத்தை சுத்தம் செய்து அழுக்கு நீங்க துடைத்து கொள்ளவும். பிறகு இந்த பேக்கிங் சோடா பேஸ்ட்டை முகத்தில் வட்ட வடிவில் மசாஜ் போன்று தேய்க்கவும்.பேக்கிங் சோடா முகத்தில் இறந்த செல்களை நீக்கும். வைட்டமின் சி நிறைந்த எலுமிச்சை அல்லது ஆரஞ்சு சாறு முகத்துக்கு புதுப்பொலிவு கிடைக்கும்.

இதை அடிக்கடி பயன்படுத்த வேண்டாம். வாரம் ஒரு முறை செய்துவந்தாலே போதுமானது. முகத்தில் இறந்த செல்கள் நீங்கி பளிச்சென்று சருமம் மின்னும்.

இது எல்லோருக்குமே உண்டாகும் பிரச்சனை தான். உடலில் கை மற்றும் கால் மூட்டுகள் கருமையாக இருக்கும். இந்த கருமையை போக்க பேக்கிங் சோடாவை பாலில் குழைத்து கருப்பாக இருக்கும் இடங்களில் தடவி விடவேண்டும்.

பேக்கிங் சோடா முட்டியில் கருமையாக இருக்கும் பகுதியை அகற்றி அந்த கடினமான இடத்தை மென்மையாக்க செய்துவிடும். அதிக அடர்த்தியான கருமையான தோலையும் மென்மையாக்க செய்து கருமையை படிப்படியாக குறைக்க செய்யும்.

சிலருக்கு கழுத்து பகுதியில் கருமையாக இருக்கும். இந்த கருமையை போக்கவும் பேக்கிங் சோடாவை நீரில் குழைத்து தடவி வரலாம். கழுத்தின் கருமை போகும் அளவு இதை தொடர்ந்து செய்துவரலாம். நிச்சயம் வித்தியாசம் தெரியும்.

முகத்தில் பருக்கள், கரும்புள்ளிகள் இருக்கும் போது பருக்களை போக்க பலவிதமான பராமரிப்புகள் செய்வது வழக்கம். முகப்பருவை போக்க வெறூமனே பேக்கிங் சோடாவை பயன்படுத்தலாம்.

பேக்கிங் சோடாவை நீரில் குழைத்து பேஸ்ட் போல் ஆக்கி பருக்கள் இருக்கும் இடத்தில் மட்டும் பற்று போல் போடுங்கள். இவை 45 நிமிடங்கள் வரை உலரவிட்டு பிறகு வெதுவெதுப்பான நீரில் கழுவி விட வேண்டும். கையோடு ஐஸ்கட்டியை கொண்டு முகத்தில் ஒத்தடம் கொடுப்பதன் மூலம் சருமத்துளைகள் மூடி கொள்ளும்.

வாரத்துக்கு இரண்டு முறை இதை செய்யவும். இதை பயன்படுத்தும் போது சருமத்தில் எரிச்சல், அரிப்பு பிரச்சனை இருக்கிறதா என்பதை கவனிப்பது அவசியம். இதை பயன்படுத்திய பிறகு நீங்கள் வெளியில் செல்வதாக இருந்தால் சருமத்துக்கு உரிய பாதுகாப்பு தரும் சன்ஸ்க்ரீன் லோஷனை சருமத்துக்கு பயன்படுத்துவதை தவிர்க்க வேண்டாம்.

உதட்டின் வறட்சி போக்கவும் உதட்டில் இருக்கும் இறந்த செல்களை அகற்றவும் பேக்கிங் சோடா பயன்படுத்தலாம். ஒரு டீஸ்பூன் தேனில் இரண்டு சிட்டிகை பேக்கிங் சோடாவை சேர்த்து நன்றாக குழைத்து உதட்டின் மீது இலேசாக மசாஜ் செய்து விட வேண்டும். பிறகு உதட்டை வெதுவெதுப்பான நீர் கொண்டு கழுவி விட வேண்டாம். இப்படி செய்து வந்தால் உதடு மென்மையாக இருக்கும்.

இதை கால்களில் இருக்கும் அழுக்கை நீக்கவும் பயன்படுத்தலாம். வெதுவெதுப்பான நீரில் எலுமிச்சை நீர் பிழிந்து அரை டீஸ்பூன் அளவு பேக்கிங் சோடா கலந்து கால்களை நனைக்கவும். இதனால் பாதத்தில் இருக்கும் இறந்த செல்கள் நீங்கும்.

வெடிப்புகள் அகலும். பிறகு கால்களை ஸ்க்ரப் செய்து கழுவி மாய்சுரைசர் பயன்படுத்தவும். அளவுக்கு அதிகமாக இதை பயன்படுத்த வேண்டாம்.

முக்கிய குறிப்பு

பேக்கிங் சோடாவை சருமத்துக்கு பயன்படுத்துவதற்கு முன்பு உங்கள் சருமத்தின் மீது பரிசோதனை செய்த பிறகு பயன்படுத்துவது நல்லது.

கழுத்து டல்லா இருந்தா, இந்த 5 பொருள் யூஸ் பண்ணுங்க, முகம் போலவே பளிச்னு இருக்கும்!

ஏனெனில் சருமத்தின் வறட்சியை உண்டாக்கி, சருமத்துக்கு பொருந்துமா என்பதை கவனித்த பிறகு பயன்படுத்துவது நல்லது. சரும உணர்திறன் கொண்டவர்கள் இதை தவிர்ப்பது நல்லது. சமயங்களில் சிலருக்கு சருமம் தடித்து, சிவந்து வறட்சிக்குள்ளாக செய்யும்.