கொலாஜன் மாஸ்க்செய்தா5 நிமிஷத்துல ஃபேஷியல் எஃபெக்ட் கிடைக்குமாம்...ட்ரை பண்ணி பாருங்க..

சருமம் பளபளப்பா இருக்க உதவும் முக்கியமான புரதம் தான் கொலாஜன் அப்படின்னு சொல் றாங்க. இது ஆரோக்கியமா எல்லோருடைய உடலிலும் காணப்படுகிறது. நாம் ஆரோக்கியமாக சாப்பிடும் உணவுகளிலிருந்து இயற்கையாகவே நம் மூட்டுகள், செரிமான பாதை, ரத்த குழாய்கள் போன்றவற்றில் உற்பத்தியாகிறது. உண்ணும் உணவு முறையில் கிடைக்கும் கொலாஜனின் உற்பத்தி தடையாகும் போது சருமத்தின் பளபளப்பு குறைந்து மங்கி சோர்வாக இருக்கிறது.

இளவயதில் வயதுக்கே உரிய சக்தியும் ஆற்றலும் உடல் பெற்றுவிடுவதால் இளவயதில் சருமம் இயற்கையாகவே பளபளவென்று இருக்கிறது. ஆனால் மாறிய உணவு பழக்கத்தால் 30 வயதை கடந்தவர்களே இன்று இளவயதில் சரும சுருக்கத்தை பெற்றுவிடுகிறார்கள். உணவு பழக்கத்தை முறையாக கடைபிடித்தாலே கொலாஜன் உற்பத்தியை இயற்கையாக அதிகரித்துவிடலாம். என்ன மாதிரியான உணவுகள் இவை அதிகரிக்க உதவுகிறது என்பதை வேறொரு கட்டுரையில் பார்க்கலாம்.

உடலில் போதிய நீர்ச்சத்து, நல்ல கொழுப்பு குறையும் போது இந்த கொலாஜன் உற்பத்தி குறையும். அப்போது சருமத்தில் சுருக்கங்கள் அதிகரிக்கும். அப்போது முகத்தில் மேல் பூச்சாக கொலாஜன் பயன்படுத்தலாம். அழகு சாதன பொருள்களில் கொலாஜன் ஜெல் கிடைக்கும். தரமான நிறுவனத் தின் தயாரிப்பை பார்த்து வாங்கி முகத்துக்கு பயன்படுத்தி வரலாம்.

நாளடைவில் முகத்தில் இருக்கும் சுருக்கம் மறைவதோடு மேலும் சுருக்கம் கோடுகள் வராமல் இருக் கும். கொலாஜன் ஜெல் போன்று கொலாஜன் மாஸ்க் வகைகளும் விற்பனை செய்கிறார்கள். இதை யும் உங்கள் அழகு கலை நிபுணர்களோடு கலந்து ஆலோசித்து பயன்படுத்தலாம். இதை பயன் படுத்தி வருபவர்கள் குறைந்தது 30 வயதுக்கு மேற்பட்டவர்களாவது இருக்க வேண்டும்.

இதை வீட்டில் தயாரிக்க முடியாது. கடைகளில் ஹீட் மாஸ்க் கிடைக்கின்றது. இதை முகத்தில் வைத்து இலேசாக கீழிருந்து மேல் நோக்கி மசாஜ் செய்ய வேண்டும். இவை மாத்திரை போன்று ட்யூப் வடிவில் கிடைக்கும். மிதமான சூட்டில் இருக்கும் இது சருமத்தின் அடுத்தடுத்த அடுக்குகள் வரை நுழைந்து அழுக்கை வெளியேற்றக்கூடியது. தொடர்ந்து ஐந்து நிமிடங்கள் இதை செய்து பிறகு பத்து நிமிடங்கள் கழித்து முகத்தை துடைத்து அதன் பிறகு கொலாஜன் மாஸ்க் போட வேண்டும். இவை தண்ணீர் பட்டதும் ஜெல் போன்று மாஸ்க் போல் மாறிவிடும்.

தற்போது ஆரஞ்சு பழத்தின் தோலிலிருந்து தயாரிக்கப்படும் கொலாஜன் மாஸ்க் கடைகளில் கிடைக்கிறது. அசல் ஆரஞ்சு தோலில் செய்யப்பட்ட இந்த மாஸ்க் பாக்கெட்டில் கிடைக்கிறதுல. இதை வாங்கி ஃப்ரிட்ஜ்ஜில் வைத்து கொள்ளலாம். ஓய்வாக இருக்கும் போது இந்த மாஸ்க்கை முகத்தில் போடலாம்.தேவைப்பட்டால் முகத்தில் கண்களுக்கு அடியில், மூக்கின் மீது, கன்னங்களில் பயன்படுத்தலாம். உடனடியாக ஃபேஷியல் லுக் தரும் இந்த மாஸ்க் சிறந்த பலன் தரும்.

சருமத்தை காக்கும் ஃபேஷியல், மாய்சுரைசர்கள் எல்லாமே சருமத்துக்கு கொலாஜன் அதிகப் படுத்தவே செய்யும். குறிப்பாக வைட்டமின் சி இருக்கும் அழகு பொருள்கள் இதை அதிகரிக்கும்.

எனினும் உடன் கொலாஜன் ஃபேஷியல் மாஸ்க் செய்து வருவதும் அவசியம். வாரத்துக்கு இருமுறை செய்தாலும் இவை சருமத்தை தளரவிடாமல் இறுக்கி பிடிக்கும். இதனால் சருமத்தில் சுருக்கங்களும் கோடுகளும் விழாமல் வரசெய்யும். வயது கூடும் போதும் சருமத்தில் சுருக்கங்களை கொண்டு வராது. வறட்சியான சருமத்திலும் ஈரப்பதத்தை கொண்டுவரும். ஆனால் இந்த கொலாஜன் மேற் பூச்சு மட்டுமே சருமத்துக்கு நன்மை தரும் என்று நினைக்காமல் உணவு முறையிலும் பழக்க வழக்கங்களை மாற்றிகொள்ள வேண்டும்.

உணவின் வழியாக கொலாஜன் உற்பத்தியை அதிகரிக்க அன்றாட உணவில் காய்கறிகள், கீரை கள், பழங்கள் குறிப்பாக வைட்டமின் சி நிறைந்தவை, பச்சை நிற காய்கறிகள், பூண்டு போன்றவை கொலாஜனை உற்பத்தி செய்ய கூடியவை. அசைவம் எடுப்பவர்கள் ஆட்டு எலும்பு, மீன், முட்டை வகைகளை எடுத்துகொள்ளலாம்.

அதிக கார்போஹைட்ரேட் நிறைந்த உணவு, மைதா, அதிகப்படியான இனிப்பு போன்றவையெல் லாமே கொலாஜன் உற்பத்தியை குறைக்க செய்யும் என்பதால் அதிகமாக எடுக்க வேண்டாம்.