Foods For Skin Glowing : உங்க சருமம் தொட்டா வழுக்குற மாதிரி பளபளனு இருக்கணுமா? இந்த 5 பொருளை தினம் சாப்பிடுங்க...

க்ரீன் டீ என்று சொன்னால் அதிலுள்ள நல்ல விஷயங்கள் தான் நமக்கு நினைவுக்கு வரும். குறிப்பாக உடல் எடையைக் குறைக்க உதவும். இதிலுள்ள ஆன்டி ஆக்சிடண்ட்டுகள் ப்ரீ - ரேடிக்கல்ஸை எதிர்த்துப் போராடி உடலை மட்டுமின்றி சருமத்தையும் ஆரோக்கியமாகவும் அழகாககவும் வைத்திருக்க உதவுகிறது.

சூரியக் கதிர்வீச்சுகளால் ஏற்படும் சன் டேன், பிக்மண்டேஷன் போன்றவற்றை நீக்குவதில் க்ரீன் டீ மிகச்சிறப்பாகச் செயல்படும். அதோடு சருமத்தில் ஏற்படும் வயதான தோற்றத்தையும் சுருக்கங்களையும் குறைத்து இளமையாக வைத்திருக்க உதவி செய்யும். அதனால் வாரத்தில் இரண்டு முறை க்ரீன் டீ யை பேஸ்ட் போல பேஸ்பேக்காக பயன்படுத்தலாம்.

பாதாம் வைட்டமின் ஆ அதிகமாக இருக்கிற ஓர் உணவுப் பொருள். வைட்டமின் ஈ சருமத்தில் ஏற்படும் பிரச்சினைகளைச் சரிசெய்யும் தன்மை கொண்டது. அதனால் தான் எல்லா சருமப் பராமரிப்பு தயாரிப்புகளிலும் வைட்்டமின் ஈ ஆயில் பயன்படுத்தப்படுகிறது.

தினமும் சில பாதாம்களை உணவாக எடுத்துக் கொள்ளும்போது சருமம் மென்மையாகவும் பளபளப்பாகவும் இருக்கும். அதேபோல பாதாமை பவுடராக்கி நல்ல ஸ்கிரப்பாக பயன்படுத்தலாம்.

பாலுடன் சேர்த்து பாதாமை அரைத்து பேஸ்பேக்காக போட்டுக் கொள்ளும்போது சருமம் பளிச்சென்று இருக்கும். பாதாம் ஆயிலைக் கொண்டு மசாஜ் செய்து வர சருமம் நீரேற்றத்துடன் இருக்கும்.

வைட்டமின் ஏ மற்றும் அதிகப்படியான ஆன்டி ஆக்சிடண்ட்டுகள் கொண்டது தான் பேரிச்சை பழம். அதோடு வைட்டமின் சியும் இருக்கிறது. இந்த ஊட்டச்சத்துக்கள் சருமத்திற்கு இயற்கையாகவே நல்ல பொலிவைக் கொடுக்கும்.
சருமத்தின் நெகிழ்வுத் தன்மையை அதிகரிக்கும்.

தினமும் சில பேரிச்சை பழத்தை சாப்பிட்டு வரும்போது சருமம் வயதான தோற்றமின்றி பளபளப்புடனும் இளமையாகவும் இருப்பதை உணர முடியும். சருமத்தில் ரத்த ஓட்டமும் அதிகரிக்கச் செய்யும். இதனால் சருமப் பிரச்சினைகள் ஏற்படாமல் தவிர்க்க முடியும்.

வருடத்தின் எல்லா நாட்களும் நமக்குக் கிடைக்கிற பழம் தான் வாழைப்பழம். முக்கனிகளில் ஒன்றான வாழைப்பழம் ஆரோக்கிய நன்மைகள் கொட்டிக்கிடக்கிற பழம் என்றே சொல்லலாம்.

வாழைப்பழத்தில் ஆன்டி ஆக்சிடண்ட்டுகள் மற்றும் பொட்டாசியம் உள்ளிட்ட தாதுக்கள் அதிகம். அதில் பயோட்டின் இருக்கிறது. இது சருமத்தையும் தலைமுடியையும் ஆரோக்கியமாக வைத்திருக்க உதவி செய்கிறது.

இதிலுள்ள மாங்கனீசு வயதான தோற்றம் ஏற்படுவதைத் தடுத்து இளமையாக வைத்திருக்கச் செய்கிறது. அதேபோல சருமம் அதிக வறட்சியடையாமல் மாய்ஸ்ச்சராக இருக்கும்படி பார்த்துக் கொள்ள உதவுகிறது.

உலர் திராட்சை மிக எளிதாகக் கிடைக்கக்கூடிய உணவு தான். அதில் உள்ள ஆரோக்கிய நன்மைகள் ஏராளம். அதேபோல சரும ஆரோக்கியத்துக்கு மிகவும் நல்லது.

தினமும் சிறிதளவு உலர் திராட்சையை சாப்பிட்டு வருவதன் மூலம் நீங்கள் பளபளப்பான சருமத்தைப் பெற முடியும். உலர் திராட்சையில் உள்ள அதிக அளவிலான ஆன்டி ஆக்சிடண்ட்டுகள் சருமத்தைப் புத்துணர்ச்சி ஊட்டவும் ஆரோக்கியமாகவும் பொலிவாகவும் வைத்திருக்கச் செய்கிறது.

உலர் திராட்சை ரத்தத்தில் உள்ள டாக்சின்களை வெளியேற்றும் தன்மையைக் கொண்டிருப்பதால் முகப்பரு, கரும்புள்ளிகள் உள்ளிட்ட சருமப் பிரச்சினைகள் உண்டாகாமல தடுக்கிறது.