வெந்தயமும் யூகலிப்டஸ் எண்ணெயும் சேர்த்து தலை அலசுங்க... முடி அவ்ளோ ஸ்டிராங்கா இருக்கும்...

இன்றைய நவநாகரீக உலகில் யுவன்கள், யுவதிகள் செயற்கைத் தனமான அழகுக்கு தங்களை அடிமை ஆக்கிக்கொண்டு உள்ளனர். ஹேர் கலரிங் போன்ற ரசாயன பொருட்களை கொண்டு மேற்கொள்ளும் நடவடிக்கை உள்ளிட்ட காரணங்களினால், அவர்களின் தலைமுடி வறண்டு, எளிதில் உடையும் தன்மை கொண்டதாய் மாறுகிறது. இத்தகைய குறைபாடுகள் ஏற்படாவண்ணம் காக்க, நாம் முடி பராமரிப்பில் போதிய கவனம் செலுத்த வேண்டியது அவசியம் ஆகிறது.

நாம் முடியை நீரால் கழுவிய பின், கண்டினர்களை கொண்டு முடியை நன்கு அலசுவதன் மூலம், நமது முடி நன்கு பளபளப்பாக மாறும். தலைமுடியை அலச உதவும் கண்டிஷனரை, நாம் இயற்கையான முறையிலேயே நாம் வீட்டிலேயே தயாரிக்கலாம். கண்டிஷனரில், வேதிப்பொருட்கள் இல்லாமல் இல்லாது பார்த்துக்கொள்ள வேண்டும். இது உச்சந்தலையில் உள்ள முடிகளுக்கு போதிய பளபளப்பு அளித்து அதை பொலிவு ஆக மாற்ற உதவுகிறது.

பொடுகு காரணமாக முடி உதிர்வு பிரச்சினையால் அவதிப்படுபவர்கள் மற்றும் வலுவான முடி வேண்டும் என்று விரும்புபவர்களுக்கு யூகலிப்டஸ் எண்ணெய் மற்றும் வெந்தயம் சிறந்த தேர்வு ஆகும்.

தேவையான பொருட்கள்

• வெந்தயம் – 3 தேக்கரண்டி
• யூகலிப்டஸ் எண்ணெய் – 10 துளிகள்
• தண்ணீர் – 250 மில்லி

செய்முறை

வெந்தய விதைகளை, நாள் முழுவதும் அந்த 250 மில்லி தண்ணீரில் ஊற வைக்க வேண்டும்.

இந்த கலவையை, 5 முதல் 7 நிமிடங்கள் கால அளவிற்கு மெதுவான சூட்டில் சூடேற்ற வேண்டும்.

இந்த தண்ணீர் உடன் யூகலிப்டஸ் எண்ணெயை சேர்க்க வேண்டும். இதை தேவையான அளவிற்கு மட்டுமே தயாரித்துக்கொள்ள வேண்டும்.

யூகலிப்டஸ் எண்ணெயில் உள்ள அத்தியாவசிய சத்துகள் விரைவில் நீர்த்துப்போகி விடும் என்பதால், இந்த ஹேர் கண்டிஷனரை நீண்ட நாள் வைத்து பயன்படுத்த முடியாது. இந்த ஹேர் கண்டிஷனரை, போதிய அளவு நீர் சேர்த்தே பயன்படுத்த வேண்டும். அவ்வாறு செய்யவில்லை என்றால், இதை அப்படியே உச்சந்தலையில் தடவினால், அது அப்பகுதியில் அரிப்பு மற்றும் சேதத்தை ஏற்படுத்தி விடும் என்பதை மறந்துவிட வேண்டாம்.

ஷாம்பூவை கொண்டு முதலில் தலையை சுத்தம் செய்து கொள்ள வேண்டும். பின், இந்த யூகலிப்டஸ் எண்ணெய், வெந்தயம் கலந்த ஹேர் கண்டிஷனரை, உச்சந்தலை உள்ளிட்ட இடங்களில் தடவி 5 முதல் 10 நிமிடங்கள் வரை மசாஜ் செய்து கொள்ள வேண்டும்.

பின் வெதுவெதுப்பான நீரால் தலைமுடியை கழுவ வேண்டும். இந்த இயற்கை ஹேர் கண்டிஷனரை, உச்சந்தலை உள்ளிட்ட பகுதிகள் முழுவதும் உறிஞ்சும் வரை காத்திருந்து பின்னர் தலைமுடியை அலசுவதால் நல்ல பலன் கிடைக்கும்.

வெந்தய விதைகள் முடி உதிர்வு பிரச்சினைகளுக்கு சிறந்த தீர்வினை அளிப்பது மட்டுமல்லாது, வலுவான முடி கிடைக்க உதவுகிறது. வெந்தயத்தில் அதிகளவில் உள்ள புரோட்டீன் மற்றும் ஆன்டி ஆக்சிடண்ட்கள், தலைமுடியை வலுவாக மாற்றுவதில்லை. அதற்குப்பதிலாக முடி உதிர்வை தடுத்து, முடியின் தன்மையை பேணிக்காக்க உதவுகிறது.

யூகலிப்டஸ் எண்ணெய், பூஞ்சைகளின் வளர்ச்சியை தடுக்கும் சிறந்த பண்பையும், வீக்கங்களை குறைக்கும் தன்மை கொண்டதாகவும் உள்ளது. பொடுகு பிரச்சினையால் அவதிப்படுபவர்கள், யூகலிப்டஸ் எண்ணெயை தொடர்ந்து உச்சந்தலை உள்ளிட்ட பகுதிகளில் பயன்படுத்தி வந்தால், உச்சந்தலைக்கு செல்லும் ரத்த ஓட்டத்தை இது அதிகரிப்பதோடு மட்டுமல்லாது, மயிர்க்கால்களை வலு பெறச் செய்து, முடி உதிர்வு பிரச்சினைக்கு தீர்வு காண்பதாக, ஆசிய பசிபிக் ஜர்னல் ஆப் டிராபிக்கல் டிசீசஸ் மருத்துவ ஆய்விதழில் குறிப்பிடப்பட்டு உள்ளது.