சருமத்தில் முதலில் தோல் வகை என்ன என்பதை அறிய வேண்டும். சருமம் எண்ணெய் பசையா, உலர்வான சருமமா, சென்சிடிவ் சருமமா, காம்பினேஷன் சருமமா என்பதை அறிய வேண்டும். சருமத்தின் தன்மைக்கேற்ப பராமரிப்பு மேற்கொண்டால் சரும ஆரோக்கியம் சிறப்பாக இருக்கும்.
குறைபாடற்ற சருமத்தை கொண்டிருக்க சரும பராமரிப்பை கவனமாக பின்தொடர வேண்டும். அதிக மேக் அப் இல்லாமல் அன்றாட பராமரிப்பில் சரும ஆரோக்கியத்தை எப்படி மேம்படுத்துவது என்று பார்க்கலாம்.
க்ளென்சிங் செய்யுங்கள்
சரும பராமரிப்புக்கான முதன்மை படி என்பது சருமத்தை முழுமையாக சுத்தம் செய்வது தான். உங்கள் சருமம் எப்படி இருந்தாலும் சருமத்திலிருந்து எண்ணெய் சுரப்பை இலேசான பொருட்களுடன் சுத்தப்படுத்தி அதை கட்டுக்குள் வைக்க வேண்டும்.
மாதவிடாய் சுழற்சி சீரற்று வரும் போது முடி உதிர்தல் பிரச்சனை அதிகமாகும் தடுக்க இதை செய்யுங்க!
அதிகப்படியான வியர்வை, மேக் அப், ஒப்பனை, அழுக்கு போன்றவற்றை எண்ணெய் அடிப்படையில் சுத்தப்படுத்தி விடுவது மிகவும் நல்லது. குறிப்பாக இரவு படுக்கைக்கு போகும் முன்பு முகத்தை சுத்தம் செய்வது மிகவும் நல்லது.
டோனிங்
இரண்டாவது மிகப்பெரிய பராமரிப்பு இது என்று சொல்லலாம். சருமத்துளைகளை சுருக்க உதவும் டோனர் பயன்பாடு மிக முக்கியமானது. இது சருமத்தை சுத்தம் செய்து துளைகளை மூட உதவுகிறது, இது சருமத்தை புதுப்பிக்க செய்கிறது.
டோனரை தேர்ந்தெடுக்கும் போது ஆல்கஹால் மற்றும் சருமத்துக்கு தீங்கு விளைவிக்கும் இரசாயன பொருள்கள் இருப்பதை தவிர்க்கவும். சருமத்தில் பாதுகாப்பான மற்றும் மென்மையான பொருள்களால் கொண்டு செய்யப்படும் டோனர்கள் வாங்குவதை உறுதி செய்யுங்கள்.
மாய்சுரைசர்
முகத்துக்கு மூன்றாவது மிகப்பெரிய பராமரிப்பு மாய்சுரைசர். இது முகத்துக்கு ஈரப்பதத்தை அளிக்கிறது. முகத்தை ஈரப்பதமாக வைத்து சருமத்துக்கு ஊட்டச்சத்தை வழங்கும் சிறந்த மாய்சுரைசர் சருமத்துக்கு உணவு போன்றது.
அதனால் எண்ணெய் பதம் அதிகம் இல்லாத மாய்சுரைசரை தேர்ந்தெடுக்கவும். சிறந்த மாய்சுரைசர் சரும வகைக்கு ஏற்றது. இது சருமத்தை ஈரப்பதமாக வைத்திருக்க செய்கிறது.
சன்ஸ்க்ரீன்
சரும பராமரிப்பின் இறுதியான பராமரிப்பு ஆனால் முக்கியமான பராமரிப்பு இது தான். சூரியனின் புற ஊதா கதிர்களிடமிருந்து சருமத்தை பாதுகாப்பதே மிக முக்கியமானது. மழைகாலம் அல்லது கோடைக்காலம் என எப்படி இருந்தாலும் சன்ஸ்க்ரீன் அவசியம்.
அதிகமாக வெயிலில் அலையும் போது உங்களுக்கு சன்ஸ்க்ரீன் அவசியம் தேவை.வெளியில் செல்பவர்களுக்கு 35 க்கும் அதிகமான எஸ்பிஎஃப் அளவு சன்ஸ்க்ரீன் வாங்குங்கள். அதிக நேரம் வீட்டிற்குள் இருப்பவர்கள் 15 எஸ்பிஎஃப் சன்ஸ்க்ரீன் பயன்படுத்தலாம்.
இந்த சரும பராமரிப்பு என்பது ஒருவருக்கொருவர் மாறுபடும். அவர்களது வயது, வானிலை, நேரம், வாழ்க்கை முறை போன்ற அம்சங்களை பொறுத்தது. எனினும் மேற்கண்ட இந்த நான்கு படிகள் எல்லா விதமான சரும பராமரிப்புக்கும் ஏற்றவை. இது தோல் வகையில் தேவைகளுக்கு ஏற்ப பயன்படுத்தும் பொருள்களின் சேர்க்கையில் மாறுபடலாம்.
சரும பராமரிப்பு நன்மைகள்
சருமத்தை பராமரிப்பதன் மூலம் சருமம் எப்போதும் சுத்தமாகவும் பொலிவாகவும் இருக்கிறது. தினசரி தோல் பராமரிப்பு முகத்தில் இருக்கும் அழுக்கு மற்றும் கரும்புள்ளிகளை நீக்குகிறது.
வெள்ளை முடி: தலைமுடி முழுவதையும் கருப்பு நிறமாக்கும் ஆர்கானிக் எண்ணெய்!
மன அழுத்தத்தை குறைக்கிறது. ஆரோக்கியமான சருமத்தை ஒளிரசெய்கிறது. சருமத்தின் நோய் எதிர்ப்பு சக்தியை பலப்படுத்துகிறது. சரும பராமரிப்பு செய்வதன் மூலம் அது வயதான செயல்முறையை தாமதப்படுத்துகிறது. நல்ல தோல் பராமரிப்பு நன்மை பயக்கும் என்கிறது ஆய்வுகள்.
ஏனெனில் டீன் ஏஜ் வயதிலும் சருமத்தின் உள்ளேயும் வெளியேயும் சேதம் உண்டாகலாம். இந்த சரும பராமரிப்பு சிக்கல்களை எதிர்த்து போராட செய்யும். வயதான அறிகுறிகளை தாமதப்படுத்தகூடும். பராமரிப்பு தாண்டி சருமத்தை அதிகமாக நீரேற்றத்துடன் வைத்திருங்கள்.