மென்மையான பளபளப்பான கூந்தலுக்கு ஹேர் மாஸ்க்
உங்கள் கூந்தல் மென்மையாக பளபளப்பாக மாற வாழைப்பழம் உதவும்.
தேவை
வாழைப்பழம் கூழ் போல் மசித்தது - கால் கப்
தயிர் - கால் கப்
தேன் - 1 டீஸ்பூன்
உங்கள் கூந்தலின் தன்மைக்கேற்ப இதை அதிகமாகவோ குறைவாகவோ எடுக்கலாம். இந்த மூன்று பொருள்களையும் சேர்த்து நன்றாக கலந்து கூந்தலில் தடவி விடவும். 30 நிமிடங்கள் கழித்து கூந்தலை அலசவும்.
வாழைப்பழம் கூந்தலுக்கு ஊட்டச்சத்து அளிக்கும். கூந்தல் வறட்சியை குறைத்து மினுமினுப்புடன் வைத்திருக்கும்.
கூந்தலின் நீரேற்றத்தை பாதுகாக்கும் ஹேர் மாஸ்க்
கூந்தலில் போதுமான ஈரப்பதம் இல்லாவிட்டால் கூந்தல் சோர்வாக டல்லாக இருக்கும். அப்போது இந்த ஹேர் பேக் செய்தால் உங்களுக்கு கை கொடுக்கும்.
தேங்காயெண்ணெய் - கால் கப்
தேன் - 1 டீஸ்பூன்
இரண்டையும் நன்றாக கலந்து உச்சந்தலையில் நன்றாக தேய்த்து மசாஜ் செய்து விடவும். பிறகு 20 நிமிடங்கள் கழித்து கூந்தலை நன்றாக அலசி எடுக்கவும். வாரம் இரண்டு முறை இதை செய்யலாம். நல்ல பலன் கிடைக்கும்.
கூந்தலுக்கு ஊட்டமளிக்கும் ஹேர் மாஸ்க்
அவகேடோ பயோட்டின் சிறந்த மூலமாகும். இது தலைமுடியை அதிசயமாக அற்புதமாக வைக்கும். இது தலைமுடியை பாதுகாக்கிறது. கூந்தலுக்கு ஈரப்பதம் அளிக்கிறது.
அவகேடோ பழம் - பாதி அளவு
ஆலிவ் என்ணெய் - 3 டீஸ்பூன்
இவை இரண்டையும் சேர்த்து நன்றாக மசித்து கொள்ளவும். இதை உச்சந்தலை மயிர்க்கால்கள் முதல் நுனி வரை தடவி கொள்ளவும். பிறகு 20 நிமிடங்கள் கழித்து கூந்தலை அலசி எடுக்கவும். இது கூந்தலுக்கு வேண்டிய ஊட்டச்சத்துக்களை அளிப்பதால் கூந்தல் ஆரோக்கியமாக இருக்கும்.
தலைப்பொடுகை போக்கும் ஹேர் மாஸ்க்
குளிர்காலத்திலும் பொடுகு மோசமான பாதிப்பை உண்டு செய்யும். அதை ஈடு செய்ய தயிர் சிறந்த தீர்வாக இருக்கும். தயிருடன் எண்ணெய் கலந்து ஹேர் பேக் போடும் போது பொடுகு நீங்கும். இதில் சேர்க்கும் எண்ணெய் தேங்காயெண்ணெயாக நல்லெண்ணெயாக இருக்கலாம்.
தயிர் - கால் கப்
எண்ணெய் - 3 டீஸ்பூன் அளவு
தயிரில் எண்ணெய் கலந்து நன்றாக சேர்க்கவும். இதை தலைமுடியின் வேர்க்கால்கள், நுனி வரை தடவி 30 நிமிடங்கள் வரை வைத்திருந்து பிறகு கூந்தலை அலசி எடுக்கவும். வாரம் இரண்டு முறை சென்றால் பொடுகு படிப்படியாக குறையும்.
கூந்தல் வறட்சி போக்கும் ஹேர் மாஸ்க்
கூந்தலுக்கு இயர்கையான ஹேர் பேக் போடுவதாக இருந்தால் இந்த பேக் உதவும்.
கற்றாழை உள்ளிருக்கும் ஜெல் போன்ற பகுதியை எடுத்து அதனுடன் சம அளவு தேங்காயெண்ணெய் கலந்து நன்றாக மிக்ஸியில் அடித்து கொள்ளவும். இதை கூந்தல் முழுமைக்கும் தடவி 30 முதல் 40 நிமிடங்கள் வரை வைத்திருந்து பிறகு கூந்தலை அலசி எடுக்கவும். இது மயிர்க்கால்கள் முதல் முனை வரை வறட்சி போக்க கூடும்.
இந்த குளிர் காலத்தில் கூந்தல் எதிர்கொள்ளும் பிரச்சனைகள் இதுதான். இதை சரியான முறையில் கையாண்டால் குளிர்காலத்ஹிலும் கூந்தல் வறட்சியின்றி இருக்கும்.