இளமையான தோற்றம் பெற
இளமை மற்றும் ஒளிரும் சருமத்திற்கு தினமும் தோல் பராமரிப்பை மேற்கொள்வது மிகவும் அவசியமாகும். உங்கள் சருமத்துக்கு சரியான பராமரிப்பு இருந்தால் தான் வயதும் குறைந்த தோற்றம் கிடைக்கும். சரும பராமரிப்புக்கு என்று கடைகளில் கிடைக்கும் பல கிரீம்களை ஆர்வமாக வாங்கி பயன்படுத்தி வருகின்றனர். ஆனால், அவை கெமிக்கல் நிறைந்தவை. அவை தற்காலிக தீர்வை மட்டுமே தரும். அத்தோடு சில அலர்ஜிகளும் ஏற்படுவதற்கு வாய்ப்புண்டு.
ஏன் ஹையலூரோனிக் அமிலம்?
ஹையலூரோனிக் அமிலம் சருமத்தை ஹைட்ரேட் செய்யும் திறன் பெற்றவை. ஏனெனில், இது உங்கள் சருமத்தை ஈரப்பதமாகவும், கதிரியக்கமாகவும் வைத்திருக்க பயன்படும். அதுமட்டுமின்றி ஹையலூரோனிக் அமிலம் தோலில் ஏற்படும் சுருக்கங்கள், தோல் சிவந்து போதல் மற்றும் தோல் அழற்சியைக் கணிசமாகக் குறைக்கும். அத்தோடு இது தோலின் நெகிழ்ச்சித் தன்மையை மேம்படுத்தும். மேலும், உங்கள் சருமத்தை உறுதியாகவும், இளமையாகவும் வைத்திருக்க உதவும்.
ஹையலூரோனிக் அமில சீரம் தயாரிப்பது எப்படி..?
தேவையான பொருள்கள்
இரண்டு ஹையலூரோனிக் அமில காப்ஸ்யூல்கள்,
2 டீஸ்பூன் ரோஸ் வாட்டர்,
இரண்டு டீஸ்பூன் காய்ச்சி வடிகட்டிய நீர்,
ஒரு டீஸ்பூன் கற்றாழை ஜெல்,
ஒரு டீஸ்பூன் ஜோஜோபா எண்ணெய்,
அரை டீஸ்பூன் கிளிசரின்
செய்முறை
மேலே கூறியவற்றை எடுத்துக் கொள்ளுங்கள். காய்ச்சிய நீரில் கற்றாழை ஜெல்லை கட்டியில்லாமல் கலந்து கொள்ளுங்கள். பின்னர் கிளிசரின் மற்றும் குளிர்ந்த ரோஸ் வாட்டர் கலந்து நன்றாகக் கலக்கவும். அதனுடன் ஹையலூரோனிக் அமில காப்ஸ்யூல்களை உடைத்து விடவும். பின்பு ஜோஜோபா எண்ணெயைக் கலந்து ஸ்ப்ரே பாட்டிலில் அடைத்து குளிர்சாதனப் பெட்டியில் வைத்திருக்கவும். 5 மணி நேரம் கழித்து ஹையலூரோனிக் அமில சீரம் பயன்படுத்த தயாராகி இருக்கும். இதனை நீங்கள் அதிகபட்சம் 15 நாட்களுக்கு மட்டுமே பயன்படுத்தப்படலாம்.
எப்படி பயன்படுத்தலாம்..?
உங்கள் முகத்தை கழுவி, உலர்ந்தவுடன் இந்த ஹையலூரோனிக் அமில சீரத்தை சில துளிகள் எடுத்து, முகம் மற்றும் கழுத்துப் பகுதியில் தடவவும். பின்னர் உங்கள் விரல் நுனி கொண்டு மெதுவாக மசாஜ் செய்யவும். வேகமாகவோ அல்லது அழுத்தம் கொடுத்தோ மசாஜ் செய்யக்கூடாது. இரவில் அதனை அப்படியே விட்டுவிட்டு காலை எழுந்ததும் சுத்தமான நீரில் கழுவ வேண்டும். இந்த சீரம் உங்கள் சருமத்தை ஹைட்ரேட் செய்யும். இது வயதானதை எதிர்த்துப் போராடவும், தோல் அழற்சியைக் குறைக்கவும் உதவுகிறது.
நீங்கள் தயாரித்த ஹையலூரோனிக் அமில சீரத்தில் உள்ள ரோஸ் வாட்டார் சிறந்த டோனராக செயல்படும். அதேபோல் கற்றாழை ஜெல் உங்கள் அழகு தேவைகளுக்கு ஒரு வெளிப்புற தீர்வாகும். இது கொலாஜனின் உற்பத்தியை அதிகரித்து, வயதான அறிகுறிகளைக் குறைக்க உதவுகிறது. ஜோஜோபா எண்ணெய்யின் ஆக்ஸிஜனேற்ற பண்புகள் உங்கள் தோலில் பயன்படுத்தப்படும் போது வயதான அறிகுறிகளை மெதுவாக்க உதவும். கிளிசரின் சுருக்கங்களின் தோற்றத்தைக் குறைத்து, உங்கள் சருமத்தை மென்மையாக வைத்திருக்க உதவுகிறது. இந்த சீரத்தை பயன்படுத்தி உங்கள் வயதை மறைத்து இளமையாக வாழுங்கள்