ஆயில் ஸ்கின்னுக்கு கொய்யா இலைகள்
தேவையான பொருள்கள்
கொய்யா இலைகள் - 1 கைப்பிடி,
எலுமிச்சை சாறு - 2 ஸ்பூன்,
தண்ணீர் - சிறிதளவு,
பயன்படுத்தும் விதம்
கொய்யா இலைகளை நன்றாகக் கழுவி சுத்தம் செய்து அதனுடன் தண்ணீர் சேர்த்து ஸ்மூத்தான பேஸ்ட்டாக அரைத்து எடுத்துக் கொள்ளுங்கள்.
இந்த பேஸ்ட்டுடன் எலுமிச்சை சாறு கலந்து நன்கு மிக்ஸ் செய்து கொள்ளுங்கள்.
இந்த கலவையை முகத்தை நன்றாகக் கழுவிய பிறகு அப்ளை செய்யுங்கள். பின் 15- 20 நிமிடங்கள் வரை அப்படியே உலர விடுங்கள்.
நன்கு உலர்ந்த பின் குளிர்ந்த நீரால் முகத்தைக் கழுவிக் கொள்ளலாம். வாரத்தில் இரண்டு முறை அப்ளை செய்து வரலாம்.
இப்படி செய்வதன் மூலம் சருமத்தில் உள்ள அதிகப்படியான எண்ணெய்ப் பசையை உறிஞ்சி சருமத்தை மிருதுவாகவும் நீர்ச்சத்துடனும் வைத்திருக்க உதவி செய்யும்.
முகப்பரு, கரும்புள்ளிகளை போக்கும் கொய்யா இலை
தேவையான பொருள்கள்
கொய்யா இலைகள் - 5,
கற்றாழை ஜெல் - 1 ஸ்பூன்,
தண்ணீர் - சிறிதளவு,
மஞ்சள் - கால் ஸ்பூன்,
பயன்படுத்தும் விதம்
கொய்யா இலைகளை நன்கு கழுவிச் சுத்தம் செய்து வைத்துக் கொள்ளுங்கள். இந்த கொய்யா இலைகளுடன் தண்ணீர் சிறிது சேர்த்து நன்கு மை போல ஸ்மூத்தான பேஸ்ட்டாக அரைத்துக் கொள்ளுங்கள்.
இந்த பேஸ்ட்டுடன் கற்றாழை ஜெல் மற்றும் மஞ்சள் சேர்த்து நன்றாகக் கலந்து கொள்ளுங்கள்.
பின் இந்த கலவையை முகத்ததை நன்றாகக் கழுவிக் கொண்டு முகப்பருக்கள் மற்றும் கரும்புள்ளிகள் உள்ள இடங்களில் அப்ளை செய்யலாம் அல்லது முகம் முழுவதும் பேஸ்பேக்காகவும் பயன்படுத்தலாம்.
முகத்தில் அப்ளை செய்து 10 - 20 நிமிடங்கள் வரை அப்படியே உலர விடுங்கள். பின் நன்கு உலர்ந்ததும் குளிர்ந்த நீர் கொண்டு சருமத்தைக் கழுவிக் கொள்ளுங்கள்.
இதை வாரத்துக்கு இரண்டு முறை செய்து வந்தால் மிக வேகமாக முகப்பருக்களும் கரும்புள்ளிகளும் நீங்கும்.
சரும எரிச்சலை தீர்க்கும் கொய்யா இலைகள்
தேவையான பொருள்கள்
கொய்யா இலைகள் - 1 கைப்படி
தண்ணீர் - 1 கப்
பயன்படுத்தும் விதம்
ஒரு கப் தண்ணீரை ஒரு பாத்திரத்தில் ஒரு கைப்பிடி கொய்யா இலைகளைப் போட்டு நன்றாக பத்து நிமிடங்கள் வரை கொதிக்க விடுங்கள்.
அடுப்பை மிதமான தீயில் வைத்துக் கொள்ளுங்கள். நன்கு கொதித்து அதன் சாறுகள் முழுவதுமாக இறங்கும்வரை கொதிக்க விடுங்கள்.
பின் அடுப்பை அணைத்துவிட்டு நன்றாக இதை ஆறவிடுங்கள்.
தண்ணீர் நன்கு ஆறியதும் நீரையும் இலைகளையும் தனித்தனியே வடிகட்டிய பிறகு, அந்த நீரை ஒரு ஸ்பிரே பாட்டிலில் சேர்த்து சருமத்தில் எரிசசல் உள்ள இடங்களில் ஸ்பிரே செய்யுங்கள்.
முகப்பருக்கள் உள்ள இடத்திலும் இந்த நீரை ஸ்பிரே செய்து கொள்ளலாம். இதை ஸ்பிரே செய்து அப்படியே விட்டுவிடுங்கள். இதை கழுவத் தேவையில்லை.