முடி உதிர்வதற்கு என்ன காரணம் என்பதை அறிய ப்ளாசம் கோச்சார் குழும நிறுவனங்களின் தலைவர் டாக்டர் ப்ளாசம் கோச்சர் கூறும் காரணங்கள் என்ன என்பதை அறிந்து கொள்ளலாம். முடி மெலிவதற்கான காரணங்கள் அறிந்து கொள்வதில் இந்த 5 விஷயங்கள் முக்கியமானது.
மன அழுத்தம்
நாம் அதிகமாக சிந்திக்கும் போது மனக்கவலையுடன் இருக்கும் போது நமது முழு நரம்பு மண்டலமும் மற்றும் செரிமான அமைப்பும் சிரமத்துக்கு உள்ளாகிறது. இது உள்ளே சமநிலையின்மைக்கு வழிவகுக்கிறது. மேலும் சரியான ஊட்டச்சத்தை அளிக்காது. இதனால் முடி உதிர்தல் அதிகரித்து முடி மெலிவு அதிகரிக்கும்.
உணவு முறை
பயோட்டின், துத்தநாகம் மற்றும் வைட்டமின் டி குறைபாடுள்ள உணவு முடி உதிர்தலுக்கு வழிவகுக்கிறது. உண்மையில் வைட்டமின் டி குறைபாடு இருந்தால் அது அலோபீசியா என்னும் குறைபாட்டை உண்டாக்கிவிடுகிறது. சீரான உணவு மற்றும் ஆரோக்கியமான வாழ்க்கை முறையை பின்பற்றுவதை உறுதி செய்வது முடி மெலிதலை கட்டுப்படுத்தும்.
பொடுகு
பொடுகு மற்றொரு தீய செயல்பாடு. பொடுகு செதில்களாக உருவாகும் போது அரிப்பு, நமைச்சல் போன்றவை உண்டாகிறது. இது முடி தண்டு பலவீனமாக மாற்றுகிறது. இதனால் முடி மெலிவு உண்டாகி அடர்த்தியான முடியையும் மிக மெல்லியதாக்கி விடுகிறது.
dark buttocks : பிட்டம் ரொம்ப கருப்பா இருக்கா, இதுல ஒண்ணு செய்யுங்க, சீக்கிரம் கலர் மாறும்!
எடை இழப்பு
அதிக எடை கொண்டிருக்கும் போது எடை இழப்பை ஊக்குவிக்க செய்யும் செயல்கள் முடி இழப்பை ஊக்குவிக்க செய்யலாம். உடலில் ஊட்டச்சத்துக்கள் குறையும் போது அது முடி இழப்புக்கு வழிவகுக்கும். அதனால் ஊட்டச்சத்து குறைபாடுகளோடு எடை இழப்பு இருந்தால் அது உடலை ஆரோக்கியமற்றதாக வைத்திருப்பதோடு முடி இழப்பையும் அதிகரிக்க செய்யும்.
வயது
வயதாகும் போது உண்டாகும் உடல் மாற்றங்களில் முடி இழப்பும் ஒன்று. முடி நிறம் மங்குவது. நரை முடி, வெள்ளை முடி போன்ற பிரச்சனைகளோடு முடி அடர்த்தியும் படிப்படியாக குறையும். முடி மெலிவு வயதான காலங்களில் வரலாம். ஆனால் இதற்கு தீர்வு இல்லை. தீவிரமாகாமல் கட்டுக்குள் வைக்கலாம்.
முடி மெலிவை உண்டாக்கும் இந்த காரணங்களில் தடுக்க கூடியவற்றை மட்டும் கவனமாக கடைப்பிடித்தாலே முடி மெலிவு குறையும்.