லேசர் முறை உடலினுள் எவ்வாறு செயல்படுகிறது?
இம்முறையில் லேசர் கதிரானது உடலில் உள்ள செல் நுண்ணறை வரை செலுத்தப்படுகிறது. இதனால் ரோமங்கள் வளரும் நிறமியை தாக்கி, முடியின் வளர்ச்சியை தடுக்கிறது.
லேசர் முறையில் ஒளிக்கற்றைகள் ஒரே திசையை நோக்கி செலுத்தப்படுகின்றன. முடி அகற்றுதல் சிகிச்சைகளுக்குப் பயன்படுத்தப்படும் லேசர்கள், புலப்படும் அல்லது அகச்சிவப்பு வரம்பில் இருந்து, ஒளியின் குறிப்பிட்ட அலை நீளங்களால் ஆனவை.
உதட்டின் மேல்புறத்தில் லேசர் ஹேர் ரிமூவல் செய்வது
பெண்களுக்கு ஹார்மோன் மாறுபாடு காரணமாக உதட்டின் மேல்பகுதியில் அதிக முடி வளர்ச்சி ஏற்படுகிறது. இதை நிரந்தரமாக நீக்கும் முறைகளில் லேசர் முறை ஒன்று.
இம்முறையின் பலன் உடனே கிடைப்பது இல்லை நீண்ட காலம் சிகிச்சையளிக்க வேண்டும் , மேலும் விலையுயர்ந்தது , இதனால் சில ஆபத்துகளும் ஏற்படக்கூடும்.
உதட்டின் மேல் பகுதி மென்மையாக இருப்பதால் அங்கு உள்ள முடிகளை நீக்கும் பொழுது அந்த இடங்களில் எரிச்சல், தோல் சிவந்து போதல் மற்றும் வீக்கம் போன்றவை ஏற்படுகின்றன. இந்த எரிச்சல் நிரந்தரமாக இருந்தால் மருத்துவரை அணுகுவது நல்லது.
லேசர் ஹேர் ரிமூவலால் ஏற்படும் பக்க விளைவுகள்
கை மற்றும் கால் பகுதிகளில் உள்ள முடிகளை அகற்றும் போது மென்மையான சருமம் கொண்டவர்களுக்கு கருமை நிற புள்ளிகள் ஏற்படுவதற்கான வாய்ப்புகள் அதிகமாக இருக்கின்றன.
அக்குள் போன்ற மிக மென்மையான பகுதியில் லேசர் செய்யப்படும் போது, முடிகள் இல்லாமல் இருப்பதால் சிலருக்கு தோல் உரிதல் போன்ற பிரச்சனைகள் ஏற்படலாம்.
கை மற்றும் கால்களில் லேசர் செய்வது சில பெண்களுக்குத் தோலின் நிறத்தை கூட கருமையாக மாற்றுகிறது.
இம்முறையில் அதிக தழும்புகள் மற்றும் வடுக்கள் ஏற்பட வாய்ப்புகள் அதிகம். லேசர் முறையினை செய்யத் துவங்கும் போது அனுபவமிக்க நிபுணர்களிடம் ஆலோசனையை கேட்டுக்கொள்ள வேண்டும்.
கர்ப்ப காலத்தில் லேசர் ஹேர் ரிமூவல் செய்யலாமா?
லேசர் முறையில் முடி அகற்றுதல் கர்ப்பமடைவதற்கான வாய்ப்புகளைப் பாதிக்கிறது என்பதற்கு எந்த ஆதாரமும் இல்லை.
நீங்கள் கர்ப்பம் தரிக்க முயற்சிக்கிறீர்கள் என்றால், லேசர் முறையில் முடி அகற்றுதல் சிகிச்சைகளைத் தொடங்குவதற்கு முன்பு உங்கள் மருத்துவரிடம் கலந்து ஆலோசிக்க வேண்டும்.
பெரும்பாலான பெண்களுக்கு ஒன்பது மாதங்கள் வரை முடி வளர்ச்சியை குறைப்பது அவசியமாகிறது. இதனால் கர்ப்ப காலம் தொடங்குவதற்கு முன்பே இதுபோன்ற சிகிச்சைகளை மேற்கொண்டால் கருவிலுள்ள குழந்தைக்கு இந்த சிகிச்சை மூலம் எந்த பாதிப்பும் ஏற்படாமல் பாதுகாக்கலாம்.
பெண்கள் கர்ப்பம் தரித்ததை உறுதி செய்வதற்கு முன் லேசர் முறையை மேற்கொள்ளலாம். கர்ப்பம் தரித்த பின் முறையை மேற்கொள்ளுவது பாதுகாப்பானதாக இருக்காது.
சிலருக்கு தோல் எரிச்சல் ,தோல் நிறம் மாற்றங்கள்,கொப்புளங்கள், வடுக்கள் அரிதான சந்தர்ப்பங்களில், அதிகப்படியான முடி மீண்டும் வளர்வது போன்ற பல பிரச்சனைகள் ஏற்படுகின்றன.
லேசர் ஹேர்ரிமூவல் புற்றுநோயை ஏற்படுத்துமா?
சருமத்தில் உள்ள முடியை அகற்றுவதற்குப் பயன்படுத்தப்படுகிற லேசர்களில் புற ஊதா ஒளி எதுவும் இல்லை என்பதால், அவை தோல் புற்றுநோயை ஏற்படுத்தாது.
இருப்பினும், சிகிச்சையானது மற்ற வகையான புற்றுநோயின் அபாயத்தை ஏற்படுத்தக்கூடுமா இலலையா என்பது குறித்து எந்த ஆய்விலும் கண்டறியப்படவில்லை.
அனுபவம் வாய்ந்த மருத்துவரின் ஆலோசனைப்படி நல்ல தரமான லேசர் கிளினிக்கில் லேசர் முடி அகற்றுதல் முறையை மேற்கொண்டால் இதுபோன்ற நோய் அபாயங்கள் ஏற்படாமல் தடுக்க முடியும்.