சுருள் முடிக்கு ஏற்ற சீப்பு
உங்கள் கூந்தல் சுருளாக இருந்தால் நீங்கள் அகலமான பற்களை கொண்டமர சீப்புகளை பயன்படுத்தலாம். இது சுருளான தலைமுடிக்கு சிறந்த கூடுதலான பாதுகாப்பை அளிக்கும். இந்த மர சீப்புகள் கூந்தலை மென்மையாக வைத்திருக்கும். பரந்த பல் பகுதி எந்த உடைப்பும் ஏற்படாமல் முடியை சீராக பிரிக்க உதவும். கூடுதலாக இந்த சீப்புகள் சுருள் முடியின் சேதத்தை அதிகரிக்காது. தேவையற்ற வகையில் முடி வறட்சியை சிக்கலை உண்டு செய்யாது.
மென்மையான கூந்தலுக்கு ஏற்ற சீப்பு
மென்மையான பன்றி முட்கள் கொண்ட சீப்புகள் உங்களுக்கு தேவைப்படும். இந்த வகையான சீப்புகள் உச்சந்தலையில் மசாஜ் செய்வதற்கும் இரத்த ஓட்டத்தை தூண்டுவதற்கும் உதவும். ஆரோக்கியமான முடி வளர்ச்சிக்கு இவை உதவும். பன்றி முட்கள் கொண்ட சீப்புகள் மென்மையான கூந்தலை வலுவாக வைக்கும் என்றாலும் தரமானதாக வாங்கி பயன்படுத்த வேண்டும்.
அடர்த்தியான மற்றும் கரடுமுரடான முடிக்கு ஏற்ற சீப்பு
கடினமான முடிக்கு நைலான் ப்ரிஸ்டில் பிரஷ் உதவும். இந்த முடிக்கு பன்றி முட்கள் அல்லது மென்மையான முட்கள் கொண்ட தூரிகைகள் உதவாது. உங்கள் தடிமனான இழைகளை சீவுவதற்கு நைலான் பிரஷ் போன்ற கடினமான ஒன்று உங்களுக்கு தேவைப்படும். இந்த சீப்பில் உள்ள முட்கள் அடர்த்தியான புதரான முடியை கட்டுப்படுத்தும் செயற்கை பொருளால் செய்யப்படுகின்றன. இவை உங்கள் முடியை மேலும் சேதப்படுத்தாமல் பாதுகாக்கும்.
நீண்ட மற்றும் நேரான கூந்தலுக்கு ஏற்ற சீப்பு
உங்கள் கூந்தல் நீண்ட மற்றும் நேரான கூந்தல் இழைகளை கொண்டிருந்தால் நீங்கள் ஒரே நேரத்தில் அனைத்து இழைகளையும் சீவ பேடில் பிரஷ் பயன்படுத்தலாம். மேலும் நீளமான முடி இயற்கையாகவே எண்ணெய்களை சமமாக விநியோகிக்க இந்த பேடில் பிரஷ் உதவுகின்றன. இந்த சீப்புகளில் வட்டமான நுனி முடிகள் உள்ளன.. அவை முடி சிக்கலை விரைவாக குறைக்கின்றன.
உங்கள் கூந்தலின் தன்மைகேற்ப நீங்கள் சரியான சீப்புகளை பயன்படுத்தினால் உங்கள்கூந்தல் தன்மை மாறாமல் அப்படியே இருக்கும். இனி சரியானதை பயன்படுத்துங்கள்.