பீட்ரூட்
உங்க கன்னங்களுக்கு பிரகாசத்தை தர உங்க ப்ளஷரை தள்ளி வைத்து விட்டு பீட்ரூட் சீரத்தை பயன்படுத்துங்கள்.
இது பீட்ரூட் சீரம் உங்க சருமத்தில் விரைவாக உறிஞ்சப்பட்டு சரும தன்மையை மேம்படுத்த உதவுகிறது. சீரம் ஆனது க்ரீம்கள் மற்றும் மாய்ஸ்சரைசரைக் காட்டிலும் விரைவான முடிவுகளை தரக் கூடியது. இது உங்க சருமத்தில் இலகுவானது சரும துளைகளை தடுக்காது. இது உங்க சரும ஆரோக்கியத்தை மீட்டெடுக்க உதவுகிறது. எனவே உங்க சருமத்தை சீரமைக்க சீரம் அவசியம். சரி வாங்க உங்க சருமத்தை பொலிவாக்கும் பீட்ரூட் சீரத்தை எப்படி தயாரிக்கலாம் என அறிவோம்.
பீட்ரூட் சீரம் தயாரிக்க தேவையான பொருட்கள்
- 1 பீட்ரூட்
- 1 டேபிள் ஸ்பூன் ரோஸ் வாட்டர்.
- 1 டீ ஸ்பூன் பால்
- 2 விட்டமின் ஈ மாத்திரைகள்
- 1 டீ ஸ்பூன் கற்றாழை ஜெல்
- ஸ்பிரே பாட்டில்
பயன்படுத்தும் முறைகள்
படி 1 : பீட்ரூட்டை எடுத்து அதை நன்றாக நறுக்கி அதன் சாற்றை எடுத்துக் கொள்ளுங்கள். சல்லடை மூலம் வடிகட்டி எடுத்துக் கொள்ளுங்கள்.
படி 2: இப்போது அந்த சாற்றுடன் ரோஸ் வாட்டர், பால் மற்றும் கற்றாழை ஜெல் சேர்த்து கலந்து கொள்ளுங்கள். விட்டமின் ஈ மாத்திரைகளையும் அதனுடன் சேர்த்து கொள்ளுங்கள். இப்போது இந்த பொருட்களை நன்றாக கலந்து கொள்ளுங்கள்.
படி 3 : இந்த கலவையை பாட்டிலில் அடைத்து பிரிட்ஜில் வைக்கவும். இந்த சீரத்தை 15 நாட்களுக்குள் பயன்படுத்தி விட வேண்டும் அதன் பிறகு தேவை என்றால் ப்ரஷ்ஷான ஒன்றை தயாரித்து பயன்படுத்துங்கள்.
இந்த சீரத்தை எப்படி பயன்படுத்த வேண்டும்
முதலில் உங்க கைகளையும் முகத்தையும் கழுவி சுத்தம் செய்து கொள்ளுங்கள். சில துளிகள் பீட்ரூட் சீரத்தை எடுத்து முகத்தில் அப்ளே செய்து கொள்ளுங்கள். உங்க சருமம் அதை உறிஞ்சும் வரை சில நிமிடங்கள் மசாஜ் செய்யவும். அதை அப்படியே இரவு முழுவதும் விட்டு விடுங்கள். அடுத்த நாள் காலையில் சாதாரண நீரைக் கொண்டு முகத்தை கழுவுங்கள். ஒன்று முதல் இரண்டு மாதங்களில் நல்ல மாற்றத்தை நீங்கள் காண்பீர்கள். உதடுகளிலும் இதை நீங்கள் அப்ளே செய்யலாம்.
பீட்ரூட் சீரத்தின் நன்மைகள்
பீட்ரூட் சாற்றில் வைட்டமின் சி மற்றும் ஆன்டிஆக்ஸிடன்ட்கள் காணப்படுகிறது. இது உங்களுக்கு ரோஸி பளபளப்பை தர உதவுகிறது. இது சுருக்கங்கள் மற்றும் நேர்த்தியான கோடுகளை குறைக்கவும் பயன்படுகிறது. தோல் அமைப்பை மேம்படுத்த மற்றும் அதன் நெகிழ்வுத் தன்மையை அதிகரிக்க உதவுகிறது.
இதில் பயன்படுத்தும் ரோஸ் வாட்டர் சிறந்த டோனராக செயல்படுகிறது. இது உங்கள் சருமத்தை சுத்தப்படுத்தவும், அதிகப்படியான எண்ணெயை அகற்றவும் உதவுகிறது, இது முகப்பருக்கான வாய்ப்புகளை குறைக்கிறது. இது எண்ணெய் சருமத்திற்கும் சிறந்தது.
முகப்பருவை போக்கும்
வெயில் காலத்தில் சூரியனின் கடுமையான கதிர்கள் உங்க சருமத்தில் பலவித தாக்கத்தை உண்டாக்க வாய்ப்பு உள்ளது. இந்த சீரத்தில் பீட்ரூட், கற்றாழை இருப்பது வெயிலினால் ஏற்படும் சரும பிரச்சனைகளை போக்க உதவுகிறது. இதை நீங்கள் மாய்ஸ்சரைசராக பயன்படுத்திக் கொள்ளலாம். இது முகப்பருவை போக்க உதவுகிறது.
சரும நிறத்தை கூட்ட
இதில் பயன்படுத்தும் விட்டமின் ஈ எண்ணெய்யில் ஆன்டிஆக்ஸிடன்ட்கள் காணப்படுகிறது. அவை சேதமடைந்த சருமத்தை குணப்படுத்த உதவுகிறது. தழும்புகள் ஏற்படுவதை தடுக்கிறது. இது கருமையை ஏற்படுத்தும் நிறமிகளை குறைக்க பயன்படுகிறது.
உங்களுக்கு ஒளிரும் சருமம் பெற பால் என்பது மிகவும் அவசியம். இது உங்க சருமத்தை மென்மையாக ஆக்க உதவுகிறது. வேண்டுமானால் உங்க சருமத்தை ஈரப்பதமூட்ட வெள்ளரி சாற்றையும் பயன்படுத்தலாம். இந்த பீட்ரூட் சீரம் உங்க சருமத்திற்கு தேவையான அனைத்தையும் தரும்.