கூந்தலில் எண்ணெய்ப் பசை
தலையில் எண்ணெய் பசை அதிகமாக இருந்தால் பொடுகு, முகத்தில் பருக்கள் மற்றும் கூந்தலில் அதிகமாக அழுக்கு சேர்வது போன்ற பிரச்சினைகளை சந்திக்க நேரிடலாம். இதுவே உங்க கூந்தல் வறண்டு போய் காணப்பட்டால் கூந்தல் உதிர்தல் மற்றும் பொலிவிழந்த கூந்தலை பெறுவீர்கள். எனவே இந்த பிரச்சினையை சமாளிக்க என்ன செய்ய வேண்டும் எந்த மாதிரியான டிப்ஸ்களை நாம் பின்பற்ற வேண்டும்.
கூந்தல் எந்த வகை என்பதை எப்படி அறிவது :
உங்க கூந்தலின் நுனி வறண்டு, பிளவுபட்ட முனைகளுடன் இருந்தால் உங்க கூந்தல் வறட்சியுடன் காணப்படுகிறது என அர்த்தம். மேலும் உங்க உச்சந்தலையில் அதிக எண்ணெய் பிசுக்கு இருந்தால் நீங்கள் தலைக்கு குளித்த 1-2 நாட்களுக்குள் மறுபடியும் எண்ணெய் பசை அதிகரிப்பு வந்தால் உங்க சருமம் எண்ணெய் தன்மை கொண்டது.
அதே மாதிரி ப்ளீச் மற்றும் ஹேர் கலரிங் செய்வது உங்க தலையில் உள்ள எண்ணெய் பசையை முற்றிலும் அகற்றி விடும். இதனாலும் உங்களுக்கு வறண்ட கூந்தல் பிரச்சினை ஏற்படலாம்.
வறண்ட கூந்தல் பிரச்சனை ஏற்பட சில காரணிகள் மிக முக்கியமான பங்கு வகிக்கிறது. அதிகமாக கூந்தலை அலசுவது, சூரிய ஒளியால் கூந்தலில் ஏற்படும் பாதிப்பு, கூந்தல் வகை, காலநிலை மாற்றம் மற்றும் கூந்தலை உலர வைக்க பயன்படுத்தும் ஹேர் ட்ரையர் இவற்றால் உங்க கூந்தல் வறண்டு போகக் கூடும்.
homemade facepack: முகம் ஜொலிஜொலிக்க கற்றாழை - வேப்பிலை பேஸ்பேக்... எப்படி பயன்படுத்தணும்...
எப்படி சமாளிப்பது
தலையில் உள்ள எண்ணெய் பசையால் நிறைய பேருக்கு பொடுகுத் தொல்லை அதிகரிக்க ஆரம்பித்து விடும். சாலிசிலிக் அமிலம், செலினியம் சல்பைட், கெட்டோகனசோல் மற்றும் ZPTO போன்ற பொடுகை எதிர்க்கும் ஷாம்புகளை அவர்கள் பயன்படுத்தலாம்.
அதற்குப் பிறகு உங்க கூந்தலுக்கு போதிய ஈரப்பதத்தை அளிப்பது அவசியம். இதற்கு கூந்தலுக்கு ஏற்ற நல்ல கண்டிஷனரை நீங்கள் பயன்படுத்தி வரலாம். ஏனெனில் கண்டிஷனர் உங்க கூந்தலை மிருதுவாகவும், கூந்தல் உதிர்தலை தடுக்கவும் உதவுகிறது. குளிர்காலத்தில் உங்க கூந்தலை சரியாக பராமரிக்க கண்டிஷனர் உதவுகிறது. உங்க கூந்தலுக்கு ஏற்ற போஷாக்குகளை அளிப்பது அவசியம்.
உங்களுடைய கூந்தலுக்கு ஏற்ற ஹேர் மாஸ்க்கை நீங்கள் அப்ளை செய்து வரலாம். இந்த ஹேர் மாஸ்க்கில் சேர்க்கப்படும் பொருட்கள் கூந்தலுக்கு உள்ளிருந்து போஷாக்குகளை அளிக்கிறது.
உங்க கூந்தலுக்கு கூடுதல் பொலிவைத் தர ஹேர் சீரத்தை அப்ளை செய்யுங்கள். இந்த ஹேர் சீரங்கள் கூந்தலுக்கு ஈரப்பதத்தையும் பொலிவையும் கொடுக்கும். இது சேதமடைந்த முடியை புத்துயிர் செய்ய உதவும். மேலும் உங்க வறண்ட கூந்தல் பிரச்சினைகளை போக்க போதுமான ஈரப்பதத்தை அளிக்கிறது.