குளிர்கால தலைமுடி பிரச்சினை
பனிக்காலமானது முடி உதிர்தல் போன்ற கூந்தல் பிரச்சனைகளை ஏற்படுத்துகின்றன. கூந்தலுக்கு உதவும் சரியான தயாரிப்புகள் மற்றும் சரியான உணவுப்பழக்கத்தைக் கடைப்பிடிப்பதன் மூலம் நம்மால் கூந்தலின் ஆரோக்கியத்தை பாதுகாக்க முடியும்.
குளிர்காலத்தில் கூந்தலின் ஆரோக்கியத்தை மேம்படுத்தக் கூந்தலை அடிக்கடி அலசுவது சரியான தீர்வாகாது. குளிர்காலத்தில் எண்ணெய் கூந்தல் கொண்டவர்கள் பளபளப்பை பெறவும் அதன் ஆரோக்கியத்தை மேம்படுத்தவும் உதவும் சில வீட்டு வைத்தியங்களை இப்போது பார்க்கலாம்.
தேங்காய் பால்
கூந்தலின் ஆரோக்கியத்திற்கு உதவும் இயற்கையான பொருளாக தேங்காய் பால் உள்ளது. 4 அல்லது 5 துளிகள் எலுமிச்சை சாறுடன், தேங்காய் பாலை கலந்து அவற்றைக் கொண்டு ஹேர் மாஸ்க் செய்யலாம். வாசனைக்காக இதில் லாவெண்டர் எண்ணெய் சேர்க்கலாம். இந்த கலவையை உங்கள் கூந்தலில் 4 முதல் 5 மணி நேரம் விட்டு பின்னர் அலசவும்.
கண்டிஷ்னர்
எண்ணெய் பசையுள்ள கூந்தல் உள்ளவர்களுக்கு கண்டிஷனர் முக்கியமாகத் தேவைப்படுகிறது. ஆனால் வறண்ட கூந்தலைக் கொண்டவர்களுக்கு அதிகமான அளவில் ஹேர் கண்டிஷனர் தேவைப்படுவதில்லை. வறண்ட கூந்தலைக் கொண்டவர்கள் குறைவான அளவில் கண்டிஷனரை பயன்படுத்தினாலே போதும், அதன் மூலம் பளபளப்பான தலைமுடியை அவர்கள் பெற முடியும்.
கெட்ட கொழுப்பை கரைக்க எலுமிச்சை சாறுடன் இந்த ஒரு பொருளை கலந்து குடிங்க...
ஹோம்மேட் ஆனியன் கண்டிஷ்னர்
கண்டிஷனரை எளிதாக வீட்டிலேயே செய்யலாம். இதற்கு முதலில் வெங்காயம் மற்றும் முட்டைக்கோசை ஒன்றாக அரைத்து அவற்றை ஒரு செப்பு பாத்திரத்தில் வைக்கவும். ஒரு இரவு முழுக்க அதை ஊற வைக்கவும். சிலருக்கு வெங்காயத்தின் வாசனை பிடிப்பதில்லை. அவர்கள் சில துளிகள் வாசனை எண்ணெய்யைச் சேர்க்கலாம். இந்த கலவையை உங்கள் தலையில் தடவி 30 நிமிடங்கள் வைத்திருக்கவும். பிறகு கூந்தலுக்கு ஷாம்புவை பயன்படுத்தலாம். பளபளப்பான கூந்தலைப் பெறுவதற்கு வாரத்திற்கு ஒருமுறை இதைப் பின்பற்றலாம்.
குளிர்காலத்தில் பப்பாளி பழம் சாப்பிடலாமா? சாப்பிட்டால் என்னென்ன பயன்கள் கிடைக்கும்...
பொடுகு நீக்க உதவும் வீட்டு வைத்தியம்
பொடுகு பிரச்சனையை சரி செய்யவும் எளிய வீட்டு வைத்தியங்கள் உள்ளன. இதற்கு இரண்டு ஸ்பூன் வெந்தயத்தை எடுத்து அதை ஒரு இரவு முழுவதும் தண்ணீரில் ஊற வைக்கவும். பிறகு அதில் எலுமிச்சை சாறு சேர்த்து பசை போல அரைத்துக்கொள்ளவும். இந்த கலவையைத் தலையில் தடவிக் கொள்ளவும்.
இந்த செய்முறையை வாரத்திற்கு இருமுறை என செய்துவந்தால் அதன் மூலம் கூந்தலின் ஆரோக்கியத்தை மேம்படுத்தலாம்.
தலையில் பளபளப்பை பராமரிக்க 1 டேபிள் ஸ்பூன் தண்ணீரில் 10 துளிகள் அத்தியாவசிய எண்ணெய்யைச் சேர்த்து அந்த கலவையை உங்கள் தலைமுடி முழுவதும் தடவவும். இது கூந்தலில் உள்ள எண்ணெய்த்தன்மையை குறைத்து அதன் பளபளப்பை அதிகரிக்க உதவுகிறது.
அதே போல ஆப்பிள் சைடர் வினிகரை பயன்படுத்தியும் கூட உங்கள் தலைமுடியில் உள்ள எண்ணெய் தன்மையைக் குறைக்க முடியும். 1 டீஸ்பூன் ஆப்பிள் சைடர் வினிகரை 1 குவளை தண்ணீரில் கலந்து அதை கொண்டு உங்கள் கூந்தலை அலசலாம்.