கடலை மாவு என்றால் என்ன?
பல நூற்றாண்டுகளாக கடலை மாவு தோல் பிரச்சனைகளை எதிர்த்து போராடும் மூலிகையாகவும், சருமத்தை திறம்பட வைக்கவும் செய்கிறது. இது எப்போதும் பிரகாசமான பளபளப்பை வழங்குகிறது.
எல்லா விதமான சருமத்துக்கும் கடலை மாவு பயன்படுத்தலாம் என்றாலும் சிலருக்கு ஒவ்வாமை காரணமாக தோலில் தடிப்பு மற்றும் அலர்ஜியை உண்டு செய்துவிடலாம். சருமத்துக்கு கடலை மாவு உண்டு செய்யும் பக்கவிளைவுகளை பார்ப்பதற்கு முன்பு அதன் நன்மைகள் குறித்து தெரிந்துகொள்வோம்.
சருமத்துக்கு கடலை மாவு நன்மைகள்
- கடலை மாவு சருமத்தை சுத்தம் செய்கிறது.
- இது கரும்புள்ளிகளை எதிர்த்து போராட செய்கிறது.
- சருமத்தை பளபளப்பாக வைத்திருக்க உதவுகிறது
- மூக்கின் மேல் கரும்புள்ளி மற்றும் வெள்ளை புள்ளிகளை போக்குகிறது.
- வயதான தோற்றத்தை தடுக்கிறது
- சருமத்தை மினுமினுப்பாக வைக்கிறது.
- முகத்தில் இருக்கும் முடியை வெளியேற்றுகிறது.
- சருமத்தின் எண்ணெய் சுரப்பை கட்டுப்படுத்துகிறது.
- சரும டான் ஆவதை தடுக்கிறது
- முகப்பருவை தீவிரமாகாமல் தடுக்கிறது.
கடலை மாவு எல்லா சருமத்துக்கும் நல்லதா?
இது இயற்கையானது என்பதால் சருமத்துக்கு நல்லது என்று சொல்ல முடியாது. சருமத்தின் அமிலத்தன்மை அளவுகள், ஆரோக்கியமான பாக்டீரியாக்கள் மற்றும் இயற்கை எண்ணெய்களுடன் இதன் இராசயனங்கள் எப்படி செயல்படுகின்றன என்பதை அறிந்து பயன்படுத்த வேண்டும்.
இயல்பாகவே இதை அடிக்கடி பயன்படுத்தினால் இவை சருமத்தை உலர்த்தலாம். இது இயற்கையில் காரமானது. அதனால் அடிக்கடி பயன்படுத்தும் போது சருமத்தின் பிஹெச் அமிலம் பாதிக்கப்படலாம். இது அதிக வறட்சியை உண்டு செய்யலாம். அதிலும் முகப்பரு புண்கள் அதிகமாக இருந்தால் இதை தவிர்ப்பதே நல்லது. எல்லோருக்கும் ஒவ்வாமை இருக்காது. சிலருக்கு இவை இருக்க செய்யலாம்.
கடலை மாவு சருமத்துக்கு உண்டாக்கும் பக்கவிளைவுகள்
- வறண்ட சருமம் இருந்தால் சருமத்துக்கு கண்டிப்பாக கடலை மாவு தவிர்க்க வேண்டும்.
- கடலை மாவு நீண்ட நேரம் முகத்தில் வைத்திருந்தாலும் எரிச்சல், வறட்சியை உண்டு செய்யும்.
- சிலருக்கு கடலை மாவு பயன்படுத்தியதும் கைகளில் தடிப்பு தென்படும். குழந்தைகளுக்கு கூட சருமத்தில் கட்டிகள் தென்படும். ஒவ்வொரு முறை கடலை மாவு பயன்படுத்திய பிறகும் இந்த வித்தியாசத்தை கவனிக்க முடியும். நீங்கள் கடலை மாவு பயன்படுத்திய பிறகு சருமத்தில் தடிப்பு இருந்தால் அது கடலைமாவு பக்கவிளைவாக இருக்கலாம்.
- கடலை மாவு பயன்படுத்துவதற்கு முன்பு உங்கள் காதுக்கு பின்புறம் சிறிது பேட்ச் பரிசோதனை செய்து அவை எந்த பாதிப்பும் இல்லையெனில் நீங்கள் பயன்படுத்தலாம்.
கடலை மாவுக்கு மாற்றாக என்ன பயன்படுத்தலாம்?
கடலை மாவுக்கு மாற்றாக பாசிப்பயறு மாவை பயன்படுத்தலாம். இவை கடலை மாவுக்கு இணையாக அல்லது அதற்கும் மேலாக சிறந்த சரும பாதுகாப்பை அளிக்கும். பாசிப்பயறு மாவு குளிர்ச்சியானது. இது கடலை மாவு போன்று வறட்சியை உண்டாக்காது. இது வழவழப்பு பண்புகளை உள்ளடக்கியதால் சருமத்தை மிளிர செய்யும்.