ஒவ்வொரு மாதமும் ஷேவிங் செய்யும்போது சில பிரச்சனைகளை பெண்கள் சந்திக்க வேண்டியுள்ளது. நமது சருமமானது மிகவும் மென்மையானது. அதில் ஷேவிங் செய்வதற்கு முன்பு சில விஷயங்களை நாம் அறிந்துகொள்வது முக்கியமாகும்.
முடியை அகற்ற ஷேவிங் செய்யலாமா?
பொதுவாக அனைத்து பாலினத்தவர்களும் தங்கள் உடலில் உள்ள முடியை அகற்றுவதற்கு பின்பற்றும் பொதுவான முறையாக ஷேவிங் முறை உள்ளது. ஆனால் அதில் சில வதந்திகளும் வலம் வருகின்றன.
ஷேவிங் செய்த பிறகு முடி முன்னை விடவும் அதிகமாக வளரும் என சிலர் நினைக்கின்றனர். இது ஒரு கட்டுக்கதை ஆகும். உண்மையில் அப்படி முடி வளருவதில்லை. எப்போதும் ஷேவிங் செய்யும்போது அதைப் பொறுமையாக செய்யவும்.
கவனிக்க வேண்டியவை
முகத்திற்கு ஷேவிங் செய்யப்போகிறீர்கள் எனில் முதலில் உங்கள் முகத்தில் உள்ள மேக்கப் நீக்கி சுத்தம் செய்ய வேண்டும். ஒருவேளை நீங்கள் உங்கள் உடலின் வேறு பகுதியில் ஷேவிங் செய்வதாக இருந்தால் அந்த பகுதியை மெதுவாக சுத்தம் செய்யவும்.
tips for constipation: மலச்சிக்கல், வயிற்று வீக்கத்தை குறைக்கும் தாளித்த மசாலா பால்...
சுத்தமாக வைத்திருங்கள்
ஷேவிங் செய்வதற்கு முன்பு உங்கள் ரேஸரானது மிகவும் சுத்தமாக உள்ளதை உறுதிபடுத்திக் கொள்ளுங்கள். சிலர் கிருமியை சுத்தம் செய்ய சுடுநீரில் ரேஷரை கழுவுவது உண்டு.
ஒருமுறை மட்டுமே பயன்படுத்தும் பிளேடு அல்லது ரேஸரை பயன்படுத்தவும். ஒரே ப்ளேடை மறுபடியும் பயன்படுத்தினால் அது கிருமி தொற்றுகளை ஏற்படுத்துவதற்கு வாய்ப்புண்டு.
ஒருவேளை பல முறை பயன்படுத்தும் ரேஷர்களை நீங்கள் வைத்திருந்தால் ஒவ்வொரு முறையும் பயன்படுத்துவதற்கு முன்பு 20 நிமிடம் வெந்நீரில் ஊறவைக்கவும்.
cooling foods: குளிர்காலத்தில் ஜில்லுனு இருக்கும் உணவுகளை சாப்பிட்டா என்னென்ன பிரச்சினைகள் வரும்...
ஷேவ் செய்யும் முறை
முடியை அது வளர்ந்துள்ள திசைக்கு ஏற்றாற் போல ஷேவ் செய்யவும். ஷேவ் செய்வதற்கென்று பிரத்தியேகமாக உள்ள ஜெல்களை நீங்கள் பயன்படுத்தலாம். இவை எரிச்சலைக் குறைப்பதுடன் ஷேவிங் செய்வதை எளிதாக்கும்.
ஷேவிங் செய்து முடித்த பிறகு பாக்டீரியா எதிர்ப்பு க்ரீம் அல்லது மாய்சரைசர் க்ரீம்களை கொண்டு முகத்தை சுத்தம் செய்யவும்.
ஷேவிங் செய்த பிறகு உங்கள் ரேஷர்களை சுத்தமான இடத்தில் வைக்கவும். உங்கள் ரேஷரில் எந்த விதமான கிருமி தொற்றுகளும் ஏற்படாத வண்ணம் பாதுகாப்பாக வைக்கவும்.
குளிர்காலத்தில் நோயெதிர்ப்பு ஆற்றலை அதிகரிக்கும் முரப்பா... இஞ்சி தவிர வேறு எதிலெல்லாம் செய்யலாம்?
நினைவில் கொள்ள வேண்டிய சில விஷயங்கள்
சிலர் சருமத்தை உலர செய்து ஷேவிங் செய்வது உண்டு. அப்படி ஷேவிங் செய்ய வேண்டாம். எப்போதும் ஷேவிங் செய்வதற்கு ஷேவிங் க்ரீம்களை பயன்படுத்துவது நல்லது. வாசனை இல்லாத க்ரீம்களுக்கு முன்னுரிமை அளிக்கவும்.
தோலில் வைத்து ஷேவிங் செய்யும்போது மிக அழுத்தமாக ஷேவிங் செய்யாதீர்கள். இது உங்களுக்கு காயங்களை அல்லது வெட்டுக்களை ஏற்படுத்துவதற்கு வாய்ப்புள்ளது.
ஷேவிங் க்ரீம் பழையதாகவோ அல்லது மாசுபட்டதாகவோ இருந்தால் அது உங்கள் சருமத்தில் தொற்றை ஏற்படுத்தலாம். அதே போல நீங்கள் பயன்படுத்தும் ரேஷர் அல்லது பிளேடும் பழையதாக இருந்தால் அவை தொற்றை ஏற்படுத்தும். எனவே இவை இரண்டையும் பயன்படுத்தும் முன்பு அவை புதியதா? என்பதை சரிபார்த்துக்கொள்ளவும்.
பேட்டரியில் இயங்கும் ஷேவர்கள் வந்துவிட்டன. பொதுவாக இவை கரடு முரடான கூந்தல்களை வெட்டுவதற்காக வடிவமைக்கப்பட்டுள்ளன. இவற்றை நாம் முகத்தில் பயன்படுத்தும்போது அவை முகத்தில் காயங்கள் அல்லது வெட்டுக்களை ஏற்படுத்துவதற்கு வாய்ப்புள்ளது. எனவே முகத்திற்கு மின்சார ஷேவர்களை பயன்படுத்த வேண்டாம், அல்லது கவனமாக கையாளவும்.