பொதுவாக ஃபேசியல் ஆயில் என்பது சருமத்தை மிருதுவாகவும் ஹைட்ரேட்டடாகவும் வைத்துக் கொள்ள உதவுகிறது. ஆனால் இந்த கட்டுரையில் கொடுக்கப்பட்டுள்ள ஐந்து விதமான சரும பிரச்சினைகள் உள்ளவர்கள் ஃபேசியல் ஆயிலை பயன்படுத்தினால் அது மேலும் அவர்களின் பிரச்சினையை தீவிரப்படுத்த வழிவகுக்கும். மேலும் இவற்றை செய்வதற்கு முன்பு உங்கள் தோல் மருத்துவரை கலந்தாலோசித்து கொள்வது நல்லது.
முகப்பருக்கள்
பொதுவாகவே முகப்பருக்கள் உள்ள சருமத்தில் ஃபேசியல் ஆயில் வேலை செய்யாது. மேலும் அதிக பருவெடிப்புக்கே காரணாமகவும் அமைந்துவிடும்.
அதிகமாக எண்ணெய் வடியும் சருமம் அல்லது முகப்பருக்கள் கொண்ட சருமத்தில் ஃபேசியல் ஆயில்களை பயன்படுத்த கூடாது. அப்படி பயன்படுத்தியே தீருவீர்கள் என்றால் லைட் ஆயில்களை பயன்படுத்துங்கள்.
எடுத்துக்காட்டாக ஜோஜோபா ஆயில்( jojoba), hemp மற்றும் மாதுளை போன்ற இயற்கைப் பொருள்கள் அடங்கிய ஆயில்கள் சிறப்பாக செயல்படும்.
ரோசேசியா
ரோசேசியா போன்ற தோல் அரிப்பு அழற்சி முகத்தில் சிவந்து பெரிய கரைகளை போல உருவாகுதல் , நீர்கட்டிகள் போன்ற சரும பிரச்சினைகள் உள்ளவர்கள் ஃபேசியல் ஆயிலை பயன்படுத்தக் கூடாது. இது மேலும் எரிச்சல் , சிவத்தல், அரிப்பு ஆகியவற்றை அதிகமாக்கி விடும்.
செபோரியா
உச்சந்தலையில் பொடுகு போன்ற வெள்ளை நிற உதிர்தல் மற்றும் அழற்சி ஏற்படுவதற்கு செபோரிக் டெர்மட்டிட்ஸ் என்ற பிரச்சினை காரணமாகிறது.
உடலில் எண்ணெயை உற்பத்தி செய்யும் பாகங்களான முகம் காது புருவம் மூக்கு ஆகிய இடங்களிலும் இது ஏற்படுகிறது. தோல் பகுதி செதில் செதிலாக உறிதல், சிவப்பு நிறம் அழற்சி மற்றும் அரிப்பு ஆகியவை இதன் அறிகுறிகள்.
இந்த பிரச்சினை உள்ளவர்கள் ஃபேசியல் ஆயிலை பயன்படுத்துவதனால் மேலும் இந்த அறிகுறிகள் அதிகரிக்க வாய்ப்புள்ளது.
அழற்சி மற்றும் டெர்மட்டிட்ஸ்
உங்கள் சருமம் இயல்பாகவே அழற்சி பண்புடையதாகவும் அல்லது கான்டாக்ட் டெர்மட்டிட்ஸ் பிரச்சினை இருந்தாலோ ஃபேசியல் ஆயிலை நேரடியாக பயன்படுத்துவதை தவிர்க்கவும். இது மேலும் அரிப்பு, எரிச்சல், சிவப்பு அழற்சி போன்றவற்றை தூண்டி விட்டு அதிகரிக்க செய்யும்.
சருமங்களில் சிலருக்கு என்ன அப்ளை செய்தாலும் சென்சிடிவ்வாக இருக்கும். அழற்சி, சரும தடிப்புகள் ஆகியவை ஏற்படும்.
சருமத் துளைகள்
தூசு, எண்ணெய் மற்றும் இறந்துப்போன செல்களால் சருமத்தில் உள்ள துளைகள் அடைத்துக் கொள்கின்றன. இது பொதுவான சரும பிரச்சினை மற்றும் இதை எளிதாக குணப்படுத்தலாம் என்றாலும் இந்த பிரச்சினை உள்ளவர்கள் ஃபேசியல் ஆயிலை பயன்படுத்தாமல் இருப்பது நல்லது. இல்லையென்றால் இது அதிக எண்ணெய் உற்பத்தியை தூண்டி சருமம் பாழாகி விடும். எனவே சருமத்துளைகளை தொந்தரவு செய்யாத ஆர்கன் ஆயில், நல்லெண்ணெய், பூசணிவிதை எண்ணெய், திராட்சை விதை எண்ணெய் போன்றவற்றை பயன்படுத்தலாம்.