இவர் தனது வரவிருக்கும் படமான பன்டி அவுர் பாப்லி 2 விளம்பரத்திற்காக புளோரல் பிரிண்ட் பச்சை நிற புடவையில் வந்து அசத்தியுள்ளார்.
இவர் இந்த பன்டி அவுர் பாப்லி விளம்பரங்களுக்காக மசாபா குப்தா என்ற பிரபல வடிவமையாளரால் வடிவமைக்கப்பட்ட மலர் அச்சு பட்டுப் புடவையைத் தேர்ந்தெடுத்துள்ளார்.
புளோரல் பிரிண்ட் புடவை
ராணி முகர்ஜி தனது பன்டி அவுர் பாப்லி 2 திரைப்படத்திற்காக விறுவிறுப்பாக தயாராகி வருகிறார். அழகான பிரிண்ட் புடவையும், ஒரு கையை தூக்கி வைத்து கவர்ச்சியாக அவர் போஸ் கொடுத்த விதமும் ரசிகர்களின் மனதை கொள்ளையடித்து விட்டது என்றே கூறலாம். ராணி முகர்ஜி அணிந்திருந்தது ஒரு அடர் பச்சை நிறப் பட்டுப்புடவை. அதில் ஆங்காங்கே சிவப்பு மற்றும் கருப்பு மலர்கள் அச்சிடப்பட்டு வடிவமைக்கப்பட்டு இருந்தது. புடவையின் முந்தானை விளிம்பில் குஞ்சம் இடப்பட்டு அழகான தோரணையை அளித்தது. அந்த புடவைக்கு அவர் அணிந்திருந்த ப்ளெவ்ஸ்ம் கழுத்தை கவர் பண்ணும் விதத்திலும், முழுக்கையுடனும் வடிவமைக்கப்பட்டு எடுப்பாக இருந்தது.
weight loss tips: உடல் எடையை குறைக்க நினைப்பவர்கள் பால் குடிக்கலாமா?
நகைகள்
இந்த புடவைக்கு மேட்ச் ஆகும் வகையில் அணிகலன்களாக கை நிறைய சிவப்பு நிற வளையல்கள், மூக்கில் சின்னதாக வெள்ளி மூக்குத்தி, இலை வடிவ காதணிகள், கைகளில் ஒரு அழகான மோதிரமும் அணிந்து காட்சி தந்தார். இதற்கு அவர் போட்டிருந்த மேக்கப்பும் படுதூக்கலாக இருந்தது. அவருடைய ஸ்மோக்கி கண்களும் , மஸ்காரா அழகும், மீடியமான உதட்டுச் சாயமும் அவருடைய ஒட்டுமொத்த தோற்றத்திற்கும் கூடுதல் அழகை சேர்த்தது.
விலை எவ்வளவு?
இந்த அழகான புகைப்படங்கள் யாஷ் ராஜ் பிலிம்ஸ் டேலண்ட் என்ற இன்ஸ்டாகிராம் பக்கத்தில் பதிவிடப்பட்டுள்ளன.
ராணி முகர்ஜி அணிந்துள்ள இந்த அழகான புடவையை நீங்களும் வாங்க நினைத்தால் மசாபாவின் இணையத்தில் ஆர்டர் செய்து கொள்ளலாம். இதன் விலை வெறும் 17,000 ரூபாய் மட்டுமே என்று அந்த நிறுவனம் தெரிவித்துள்ளது. இந்த புடவை சிறந்த பார்ட்டி மற்றும் நிகழ்ச்சிகளுக்கு அணிந்து செல்ல ஏற்றது. மற்ற பட்டுப்புடவைகள் போல் அல்லாமல் கட்டுவதற்கு லேசாக இருப்பதோடு உங்க உடம்போடு ஒட்டினாற் போல் ஒரு கச்சிதமான ஸ்டைலிஷ் லுக்கை கொடுக்கும். இந்த நல்ல வாய்ப்பை நழுவ விடாதீர்கள்.