ஷில்பா ஷெட்டி
நடிகை ஷில்பா ஷெட்டி அவர்களின் பிட்னஸ் மட்டுமல்ல அவரின் பேஷன் உலகமும் தற்போது மாறி வருகிறது. அந்த வகையில் தற்போது அவர் பளிச்சென்ற ஆரஞ்சு புடவையில் வெளியிட்ட புகைப்படங்கள் ரசிகர்கள் மத்தியில் பெரும் வரவேற்பை பெற்றுள்ளது. ஷில்பா ஷெட்டி அவர்கள் வார இறுதி நாட்களில் சூப்பர் டான்சர் அத்தியாயம் 4 இல் தோன்றி அசத்தியுள்ளார். இதற்காக அவர் எடுத்துக் கொண்ட போட்டோ ஷூட் புகைப்படங்களை இன்ஸ்ட்டாகிராமில் வெளியிட்டு மக்களின் கவனத்தை தன் பக்கம் ஈர்த்து உள்ளார். 46 வயதான ஷில்பா ஷெட்டி அவர்கள் இன்னமும் தன்னுடைய அழகு குறையாமல் அழகாக ஜொலித்து வருகிறார்.
காக்டெய்ல் புடவை
இந்த சூப்பர் டான்சர் நிகழ்ச்சியில் தோன்றுவதற்காக ஷில்பா ஷெட்டி அவர்கள் ஆரஞ்சு கலரில் டபுள் பல்லு காக்டெய்ல் புடவை அணிந்து மேடையை அலங்கரித்தார். இந்த புடவையின் ஸ்பெஷாலிட்டி என்ன தெரியுமா இது இரண்டு பக்கங்களிலும் இரண்டு பல்லுகளைக் கொண்ட ப்ரீ-ப்ளீட் புடவையாகும். இந்த உடையை தனித்துவமாக காட்டவே இதில் தைக்கப்பட்ட ஃபேக்ஸ் லெதர் பெல்ட்டும் உள்ளது. புடவையில் பெல்ட் வைத்து தைக்கப்பட்டது பேஷன் உலகில் ஒரு புதுமையான விஷயமாகும். அதே நேரத்தில் இந்த புடவைக்கு கூடுதல் அழகு சேர்க்க ஷில்பா ஷெட்டி ஸ்லீவ்லெஸ் ஜாக்கெட்டுடன் இந்த புடவையை அணிந்து வலம் வந்தது பார்வையாளர்களை வெகுவாக கவர்ந்தது.
சமந்தாவின் ஃபிட்னஸ் சீக்ரெட் என்ன... மூன்று வேளையும் என்ன சாப்பிடுகிறார்... அவரே சொன்னது...
அணிகலன்
இந்த புடவைக்காக ஷில்பா ஷெட்டி அவர்கள் நிறைய அணிகலன்கள் எதுவும் அணியவில்லை. சிம்பிள் லுக்கில் வெண்கல காதணிகளையும், ஒரே ஒரு பிரேஸ்லெட் மட்டும் அணிந்து இருந்தார். அவர் கூந்தலை தன் புடவைக்கு ஏற்றவாறு அலை அலையாக கேர்ளிங் செய்து இருந்தார். கூந்தல் நிறமும் புடவைக்கு ஏற்றவாறு கலரிங் செய்யப்பட்டு இருந்தது. மேக்கப்பும் எளிய முறையில் செய்யப்பட்டு இருந்தது. கண்ணுக்கு மெட்டாலிக் பிரவுன் நிற ஐ ஷேடோவும், கண்ணுக்கு அழகாக கண்மை இட்டும், கண் இமைகளை துணிப்பாக காட்ட மஸ்காரா பயன்படுத்தி இருந்தார். ஒட்டுமொத்த அழகையும் மேலும் மெருகூட்ட அவர் உதட்டிற்கு பளபளப்பான பிரவுன் நிற லிப்ஸ்டிக்கை பயன்படுத்தி அனைவரையும் மெய் சிலிர்க்க செய்தார்.
மொத்தத்தில் சூப்பர் டான்சர் நிகழ்ச்சியில் ஷில்பா ஷெட்டி தான் சூப்பராக வந்து கலக்கி சென்றுள்ளார்.