உடற்பயிற்சிக்குப் பின்
உடற்பயிற்சிக்கு பிறகும் நீங்கள் செய்யக்கூடிய சில ஆரோக்கியமான பழக்க வழக்கங்கள், நீங்கள் செய்த உடற்பயிற்சியின் நன்மைகளை அதிகரிக்கச் செய்யலாம். இதனால் எடை இழப்பை இது விரைவுபடுத்துகிறது. மேலும், உங்கள் எடை இழப்பு பயணத்தை விரைவுபடுத்துவதற்கு, நீங்கள் பின்பற்றக்கூடிய நான்கு ஆரோக்கியமான பழக்க வழக்கங்கள் என்ன என்பது கீழே கொடுக்கப்பட்டு உள்ளது. அவற்றை தவறாமல் படித்து தெரிந்து கொள்ளுங்கள்.
உங்கள் உடலை குளிர்விப்பதற்கு நேரம் ஒதுக்குங்கள்
உடற்பயிற்சி செய்த பிறகு, உங்கள் உடலை குளிர்விப்பதற்கு நீங்கள் நேரம் ஒதுக்க வேண்டும். இது சிலருக்கு நேரத்தை வீணடிப்பது போல் தோன்றலாம். ஆனால், உங்களின் கை கால்களை நீட்டி ஸ்ட்ரெட்சிங் செய்வது, மற்றும் உங்கள் உடலை குளிர்விக்க நேரம் எடுப்பது போன்ற செயல்கள், நீங்கள் செய்யக்கூடிய உடற்பயிற்சியை போலவே மிகவும் முக்கியமான ஒன்றாகும். சரியான குளிர்ச்சி இல்லாமல், தீவிர பயிற்சியில் ஈடுபடுவது உங்கள் உடல் ஆரோக்கியத்தை பாதிக்கும். மேலும், உடற்பயிற்சிக்கு பிறகு உங்கள் இதயத் துடிப்பை இயல்பு நிலைக்கு கொண்டு வருவது மிகவும் முக்கியம். அதிக தீவிரம் கொண்ட உடற்பயிற்சியில் இருந்து உங்கள் இயல்பான செயல்பாடுகளுக்கு மாறும் போது, நீங்கள் செய்யக்கூடிய ஒரு சின்ன உடல் அசைவுகளும் (ஸ்ட்ரெட்சிங்) உங்களுக்கு பெரிதும் உதவுகிறது.
மாரடைப்பு பயமே இல்லாம இருக்கணுமா? இந்த காய்கறிகள்லாம் அடிக்கடி சாப்பிடுங்க...
உங்களை நீரேற்றமாக வைத்திருங்கள்
நம்மை நீரேற்றமாக வைத்திருப்பது மிக முக்கியமான ஒன்று என்பதை நாம் அனைவரும் நன்கு அறிவோம். ஆனால், உடற்பயிற்சி செய்த பிறகு இது இன்னும் முக்கியமானது. தீவிரமான பயிற்சிக்குப் பிறகு உங்களை உற்சாகப்படுத்துவதற்கான சிறந்த வழி, நீங்கள் நிறைய தண்ணீர் குடிப்பதும் மற்றும் ஊட்டச்சத்து நிறைந்த சிற்றுண்டியை சாப்பிடுவதும் தான். உடற்பயிற்சிக்கு பிறகு உங்களைப் புதுப்பிப்பது, வளர்ச்சி மற்றும் தசை மீட்புக்கு இன்றியமையாத ஒன்றாக உள்ளது.
இறுக்கமான தசைகளை தளர்ப்பது அவசியம்.
ஒரு நல்ல பளு தூக்குதல் அல்லது கார்டியோவிற்கு பிறகு ஆற்றல் அல்லது வலிமை மிக்க உடற்பயிற்சியை இதனுடன் சேர்த்து செய்வது முக்கியம். ஏனெனில், அந்த நேரத்தில் தசைகள் சூடாகவும் இணக்கமாகவும் இருக்கும். இறுக்கமான தசைகளை தளர்த்தவும், உங்களின் நிலைத்தன்மை மற்றும் தோரணையை மேம்படுத்தவும், நீங்கள் டென்னிஸ் பந்து அல்லது பிற வலிமை மிக்க கருவிகளைப் பயன்படுத்தலாம். இந்த வகையான பயிற்சிகள் உங்களின் மீட்டெடுப்பை மேம்படுத்தலாம்; மற்றும் ஏதேனும் காயங்கள் ஏற்படுவதில் இருந்து உங்களை தடுக்கலாம்.
அதிக புரதச்சத்து கொண்ட உணவை யாரெல்லாம் உண்ண வேண்டும்?
அதிகம் பதப்படுத்தப்பட்ட உணவுகளைத் தவிர்க்கவும்
உடற்பயிற்சிக்கு பிறகு, சிப்ஸ் போன்ற ஏதேனும் சிற்றுண்டி அல்லது தின்பண்டங்கள் சாப்பிட வேண்டும் என்ற எண்ணம் உங்களுக்கு வரலாம். ஆனால் அவ்வாறு செய்வது உங்களை புதுப்பிக்காது மற்றும் உங்களின் தசைகளை மீட்கவும் உதவாது. ஒரு நல்ல உடற்பயிற்சிக்கு பிறகு, உங்கள் உடலை நிரப்புவதற்கு நிறைய தண்ணீர் மற்றும் சில ஊட்டச்சத்து நிறைந்த உணவுகள் தேவை. விரைவான மீட்டெழுதலுக்கு, குறைவான கொழுப்புகள் கொண்ட புரதம், ஆரோக்கியமான கொழுப்புகள் மற்றும் காம்ப்ளெக்ஸ் கார்போஹைட்ரேட்டுகளை நீங்கள் சாப்பிட வேண்டும்.