நாள்முழுக்க ஒரே இடத்துல உட்கார்ந்து கம்ப்யூட்டர்ல வேலை பார்க்கிறீஙகளா?... இந்த ஆசனத்தை செய்ங்க முதுகுவலி பறந்துடும்...

சில பேருக்கு முதுகுவலி, கண் பார்வை பிரச்சினைகள் போன்றவற்றை சந்திக்கிறார்கள். ஒரே இடத்தில் நகராமல் உட்கார்ந்தே இருப்பது முதுகுப்பகுதியில் உணர்வின்மை, கழுத்து வலி மற்றும் தோள்பட்டை வலி போன்றவற்றிற்கு வழி வகுக்கும். இது உங்க உடல் தோரணையை பாதிக்க வாய்ப்புள்ளது. கீழ் முதுகு வலி உங்களுக்கு அதிக சங்கடத்தையும் அதிக உடல் நலக் கோளாறுகளையும் ஏற்படுத்தும். குறிப்பாக ஒரே இடத்தில் நாள் முழுக்க உட்கார்ந்து வேலை செய்பவர்களுக்கு இந்த பிரசச்சினை மிக அதிகமாகவே இருக்கிறது. இந்த முதுகுவலி மற்றும் கழுத்து வலியை எப்படி யோகாசனம் மூலம் சரி செய்யலாம்.

தசை இறுக்கத்தில் இருந்து நீங்கள் விடுபட நினைத்தால் உங்க உடல் தோரணையை சரி செய்யும் யோகா ஆசனங்களில் ஈடுபடுங்கள். யோகா ஆசனங்கள் தசை நெகிழ்ச்சியை ஊக்குவிக்கிறது. தசை வலியை நீக்குகிறது. இது உங்க மனதை புத்துயிர் ஆக்கி மனதின் அமைதிக்கு உதவுகிறது. பல யோகா ஆசனங்கள் உங்களுடைய தோரணையை சரி செய்ய உதவி செய்யும். இதற்கு நீங்கள் பூனை மற்றும் மாடு போன்ற நிலை ஆசனங்களை செய்து உங்க தசைகளை வலிமைப்படுத்தலாம்.

ஆரோக்கியமான வாழ்க்கை வாழ ஊட்டச்சத்து நிபுணர்கள் கூறும் 10 விஷயங்கள் இதோ...

நாள் முழுவதும் ஒரே இடத்தில் உட்கார்ந்து இருப்பது உங்க மன மற்றும் உடல் நலனில் கடுமையான தாக்கத்தை ஏற்படுத்துகிறது. இது உங்க பிட்டத்தின் மீது அதிக அழுத்தத்தை ஏற்படுத்துகிறது. சக்கரவாகாசனா என்று அழைக்கப்படும் பூனை மற்றும் பசு நிலை உங்கள் பிட்டத்தின் பின்புறத்தில் சுழற்சியை மேம்படுத்த உதவும்.

முதுகின் கடினமான தசைகளை வளைப்பது முதுகுவலியை எளிதாக்கவும் மற்றும் உங்கள் முதுகெலும்பின் இயல்பான வளைவை பராமரிக்கவும் உதவுகிறது. எனவே தினமும் பூனை மற்றும் பசு போன்ற நிலையை பயிற்சி செய்ய தோரணையை சரி செய்து சமநிலையை மேம்படுத்துங்கள். இந்த நிலையில் முதுகெலும்பை நீட்டி ஆழ்ந்த மூச்சு விடுவது உடல், தோள்கள், கழுத்தில் இருந்து அழுத்தத்தை நீக்எ உதவுகிறது.

அரிசியை சமைக்கும்முன் ஏன் ஊறவைக்க வேண்டும்... ஊறவைக்காமல் சமைத்தால் ஏற்படும் ஆபத்துகள் என்ன...

இந்த ஆசனம் பார்ப்பதற்கு பூனை போன்ற நிலையில் இருக்கும். முதலில் இந்த ஆசனம் செய்ய இரண்டு கைகளையும் தரையில் ஊன்றி முழங்காலை மடக்கி பூனை மாதிரி நான்கு கால்களில் நிற்க வேண்டும்.

உங்க உடல் மேலேயும், உங்க கால் விரல்கள் தரையில் தொடும் படியும், கழுத்து நீளமாகவும் நடுநிலையாகவும் இருக்க வேண்டும்.

இப்பொழுது ஆழ்ந்த மூச்சை எடுத்துக் கொள்ளுங்கள். உங்கள் வயிற்றை கீழே இறக்கி, உங்கள் வயிற்று தசைகள் மற்றும் முதுகெலும்பை இறுக்கிப் பிடிக்கவும்.

உங்க பார்வையை மேல்நோக்கி கொண்டு போய் உங்கள் முதுகை தரையை நோக்கி மெதுவாக வளைக்கவும்.

உங்க வால் எலும்பை சாய்த்து மூச்சை வெளியே விடுங்கள். முதுகை தரையை நோக்கி அம்பு மாதிரி வளைக்க வேண்டும்.

உங்கள் தலையை கீழே இறக்கி, உங்கள் பார்வையை உங்கள் தொப்புள் நோக்கி எடுத்துச் செல்லவும்..

உடற்பயிற்சிக்கு முன்னும் பின்னும் சருமத்தில் என்னென்ன விஷயங்களைச் செய்யக் கூடாது...

இந்த ஆசனத்தை சரியான வழிகாட்டுதலுடன் செய்ய வேண்டும். தவறாக செய்வது கழுத்து மற்றும் முதுகு தசைகளை காயப்படுத்தி மேலும் தசை வலியை ஏற்படுத்தும். இந்த ஆசனத்தை செய்யும் போது கூடுதல் இரண்டு விஷயங்களில் கவனம் செலுத்த வேண்டும்.

உங்க கழுத்தை உயர்த்தும் போது அதிக அழுத்தம் கொடுக்க வேண்டாம். உங்க தோள்கள் மற்றும் கழுத்தை நிதானமாக வைத்திருக்க முயலுங்கள்.

முதுகெலும்பு இயக்கத்தை எப்பொழுதும் நடுநிலையாக வையுங்கள்.