சியா விதையிலுள்ள ஊட்டச்சத்துக்கள்
சியா விதையில் அதிகப்படியான நார்ச்சத்துக்கள், புரதச்சத்து மற்றும் அன்சாச்சுரேட்டட் கொழுப்புகள், ஆன்டி ஆக்சிடண்ட்டுகள் நிறைந்திருக்கின்றன.
அதோடு,
கால்சியம்,
இரும்புச்சத்து,
மக்னீசியம்,
பாஸ்பரஸ்,
ஜிங்க்,
பி வைட்டமின்கள்
ஆகியவை அதிக அளவில் இருக்கின்றன.
நீரிழிவு நோயும் எடை குறைப்பும்
சியா விதையின் நன்மைகள்
சியா விதையில் ஏராளமான ஆரோக்கிய நன்மைகள் நிறைந்திருக்கின்றன. அவை,
சியா விதை உயர் ரத்த அழுத்தத்தைக் கட்டுக்குள் கொண்டு வரும்.
நோய் தொற்றுக்களை எதிர்த்துப் போராடும் தன்மை கொண்டது.
இதய ஆரோக்கியத்தை மேம்படுத்தக் கூடியது.
எலும்புகளை உறுதியாகவும் ஆரோக்கியமாகவும் வைத்திருக்கும்.
சரும ஆரோக்கியத்தை மேம்படுத்தும்.
ரத்த சர்க்கரை அளவைக் கட்டுக்குள் வைத்திருக்க உதவி செய்யும்.
சியா தண்ணீர் குடிக்க சிறந்த நேரம் எது?
சியா விதை தண்ணீரை குடிப்பதற்கு குறிப்பிட்ட நேரம் என்று எதுவும் கிடையாது.
மதிய நேரத்தில் குடிக்கும் போது மாலை நேரத்தில் ஏற்படும் அதிகப்படியான பசியைக் கட்டுப்படுத்த உதவி செய்யும்.
மாலை நேரத்தில் குளித்தால் இரவு மற்றும் நடு ராத்திரியில் ஏற்படும் பசியைக் கட்டுப்படுத்தும்.
சாப்பாட்டுக்கு முன்னோ பின்னோ நீங்கள் தண்ணீர் குடிக்கும்போது வழக்கமான தண்ணீருக்கு பதிலாக சியா தண்ணீரை குடிக்கலாம்.
எடை குறைய எப்படி உதவுகிறது?
சியா விதை சாப்பிட்ட பிறகு நீண்ட நேரம் நம்மை நிறைவோடு வயிறு நிரம்பிய உணர்வோடு வைத்திருக்கும்.
சியா விதையை நீரில் கலந்து குடிக்கும்போது அது வயிற்றுக்குள் சென்று ஜீரண சக்தியைத் தூண்டும் என்சைம்கள் மற்றும் அமிலங்களை உறிஞ்சிக் கொண்டு பெரிதாகும்.
அதனால் மெட்டபாலிசம் அதிகரிப்பதோடு வயிறு நீண்ட நேரம் நிரம்பியிருக்கும். அதனால் பசி கட்டுப்படுத்தப்பட்டு அதிக கலோரிகள் எடுப்பதைத் தடுக்க முடியும். இதனால் எடை இழப்பும் வேகமாக நடக்கும்.
சியா தண்ணீர் தயாரிக்கும் முறை
சியா தண்ணீர் தயார் செய்வது மிக மிக எளிது தான்.
ஒரு கிளாஸ் தண்ணீரில் 1-2 ஸ்பூன் சியா விதைகளை சேர்த்து கலக்கி விட்டு இரண்டு நிமிடம் ஊற விடுங்கள்.
பிறகு இந்த சியா தண்ணீரை குடிக்கலாம். அல்லது எலுமிச்சை ஜூஸில் கலந்தும் குடிக்கலாம்.