டெல்லி கேப்பிட்டல்ஸ் டூ ராஜஸ்தான்
கடந்த ஆண்டு வரை டெல்லி கேப்பிட்டல்ஸ் ஐபிஎல் அணிக்காக விளையாடிக் கொண்டிருந்த அஸ்வின் இந்த ஆண்டு ராஜஸ்தான் ராயல்ஸ் அணிக்காக ஏலம் எடுக்கப்பட்டிருக்கிறார்.
அதற்குக் காரணம் அவருடைய திறமையும் கிரிக்கெட்டுக்கான தன்னைத் தயார்ப்படுத்திக் கொள்ளும் விதமும் அர்ப்பணிப்பும் தான்.
பிடித்த உணவுகள்
அஸ்வின் பெரும்பாலும் இந்திய உணவுகளையே அதிகமாக விரும்பி சாப்பிடுகிறார். உடற்பயிற்சி இல்லாத, கட்டுக்கோப்பான டயட் இல்லாத நாட்களில் அஸ்வின் அவருக்குப் பிடித்த உணவுகளை விரும்பி சாப்பிடுகிறார்.
கோல்டு காபி, ஐஸ் க்ரீம், பழச்சாறுகள் தான் அஸ்வினின் ஃபேவரைட்.
லாக்டவுன் எடை குறைப்பு
78 கிலோ எடையுடன் இருந்த அஸ்வின் கோவிட்-19 பெருந்தொற்றால் நொடு முழுவதும் அமல்படுத்தப்பட்ட லாக் டவுனில் வீட்டில் இருந்தபடியே டயட், உடற்பயிற்சி என்று முயற்சி செய்து 7-8 கிலோ வரை குறைத்து தற்போது 70 கிலோவில் இருக்கிறார்.
இதற்கு அவருடைய கட்டுக்கோப்பான டயட்டும் சளிக்காமல் தினமும் வீட்டிலேயே செய்த உடற்பயிற்சிகளும் தான் காரணம்.
ஸ்குவார்ட்ஸ்
ஸ்குவார்ட்ஸில் எத்தனை வகை இருக்கிறது. அது எந்த மாதிரியான உடலுக்கு எப்படி பயன்தரும் என்பதை நன்கு புரிந்து கொண்டு அதை செய்கிறார். தான் செய்யும் உடற்பயிற்சிகளில் மிக முக்கியமானதாக ஸ்குவார்ட்ஸைக் கருதுகிறார். தசை வலிமையை மேம்படுத்துவதில் ஸ்குவார்ட்ஸ் மிகச்சிறப்பாக வேலை செய்யும்.
சிட்டிங் வால் சேர் ஸ்குவார்ட் (sitting wall chair squats), கோப்லெட் ஸ்குவார்ட் (goblet squat), பார்பெல் ஸ்குவாட் (barbell squat) என தசை வலிமை, எலும்புகளை வலுப்படுத்த, இடுப்பு மற்றும் கால்களுக்கு ஸ்டாமினா கொடுக்க என தனித்தனியே ஸ்குவாட் பயிற்சிகளைப் பிரித்து செய்கிறார்.
தோள்பட்டை வலிமையாக்க
ஒரு பந்து வீச்சாளராக இருப்பதால் தோள்பட்டையை வலிமையாக வைத்துக் கொள்வது மிக முக்கியம். அத்றகாக தோள் பட்டையை வலிமையாக வைத்துக் கொ்ளள வீட்டிலேயே YTW என்னும் பயிற்சியை செய்கிறார்.
இதை நின்று கொண்டு செய்வது, பெஞ்சில் உட்கார்ந்த படி, நின்றபடி என்று பல முறைகளில் இந்த YTW பயிற்சிகளைச் செய்கிறார். இந்த பயிற்சியின் மிக முக்கியமான விஷயமே இதை 45 டிகிரியில் தான் செய்ய வேண்டும்.
கையில் வாட்டர் பாட்டில் அல்லது தம்புள் என ஏதாவது வைத்துக் கொண்டு தோள்பட்டையை நிலையாக வைத்துக் கொண்டு கைகளை மேல், கீழ், பக்கவாட்டில் நீட்டி மடக்க வேண்டும்.
வாக்கிங் லஞ்சஸ்
அஸ்வின் தினமும் கட்டாயம் செய்யும் உடற்பயிற்சிகளில் ஒன்று லஞ்சஸ். இதுவும் ஸ்குவாட் பயிற்சியைப் போன்றது தான்.
குறிப்பாக ஓவர்ஹெட் வாக்கிங் லஞ்சஸ் தான் அஸ்வினின் விருப்பமான தேர்வாக இருக்கிறது. இதற்குக் காரணம் இந்த ஓவர்ஹெட் வாக்கிங் லஞ்சஸ் ஒட்டுமொத்த உடலையும் (எல்லா பாகங்களையும்) இயங்கச் செய்யும் பயிற்சியாக இருக்கிறது.
அதேபோல கால்களையும் கால் முட்டிகளையும் வலுவாக வைத்திருக்க இவர் ரிவர்ஸ் லஞ்சஸ் பயிற்சியை மேற்கொள்கிறார்.
பளு துக்கும் பயிற்சி
ஒரு விளையாட்டு வீரருக்கு செய்ய வேண்டிய உடற்பயிற்சிக்கு மிக முக்கியம் பளு தூக்கும் பயிற்சிகள். அது என்ன வகை விளையாட்டாக இருந்தாலும் சரி பளு தூக்கும் பயிற்சிகள் மிக அவசியம். ஏனெனில் விளையாடும்போது வீரர்கள் தங்களுடைய உடல் எடையை தானே தூக்கும் அளவுக்கு (பேலன்ஸிங்) ஸ்டாமினா இருக்க வேண்டும். அதற்கு இந்த பயிற்சிகள் பெரிதும் உதவியாக இருக்கும்.
டயட் பிளான்
அஸ்வின் வெஜிடேரியன் என்பதால் அவருடைய உணவுகளில் மூன்று வேளையும் காய்கறிகளும் பழங்களும் அதிகமாக இருக்கும்.
குறைந்த கார்போ உணவுகளை மதியம் மற்றும் இரவு வேளைகளில் எடுத்துக் கொள்கிறார்.
முழு தானியங்கள் (sprouts), பீன்ஸ் வகைகள் இருக்கும். ஸ்நாக்ஸ் நேரங்களில் பழச்சாறுகள் மற்றும் நட்ஸ் போன்றவை தான் அதிகமாக எடுத்துக் கொள்வாராம்.
காலையில் பிரௌன் பிரட், மற்றும் புரோட்டீன் ஷேக்குகள் அவருடைய தேர்வாக இருக்கிறது.
அதேபோல தன்னுடைய மூன்று வேளை உணவிலும புரதங்களுக்கான பருப்பு வகைகளும் நார்ச்சத்து நிறைந்த உணவுகளையும் அதிகம் எடுத்துக் கொள்கிறார்.
ஜங்க் ஃபுட் சாப்பிடும் பழக்கம் பெரிதாக அஸ்வினிடம் இல்லை. அதிகபட்சமாக ஜாலியான மனநிலையில் இருக்கும்போது ஐஸ்க்ரீம் சாப்பிடுவாராம்.