குறைந்த அளவு சோடியம் உட்கொள்ளல்
சோடியம் உட்கொள்ளல் அளவை குறைத்துக் கொள்வது உயர் ரத்த அழுத்தம், தைராய்டு போன்ற பிரச்சினைகளை சரிசெய்வதோடு மட்டுமின்றி உடலின் எடையையும் குறைக்க உதவும்.
குறிப்பாக உடலில் தேங்குகின்ற அதிகப்படியான நீர்க்கழிவுகளில் நாம் எடுத்துக் கொள்ளும் சோடியத்தின் அளவு கலந்திருக்கும். அது உடலில் எடையாகத் தேங்கிவிடும். நாம் சோடியம் அளவு குறைவாக உட்கொள்ளும்போது உடலில் தேங்கியிருக்கும் நீர் எடையை குறைத்து உடல் எடையைக் கட்டுக்குள் வைத்திருக்கச் செய்யும்.
நிறைய தண்ணீர் குடிக்கவும்
ஏற்கனவே உடலில் நீர் எடை அதிகமாக இருக்கிறதே பிறகு ஏன் தண்ணீர் நிறைய குடிக்க வேண்டும் என்ற சந்தேகம் எழலாம். ஆனால் உடலை நீர்ச்சத்துடன் நீரேற்றமாக வைத்துக் கொள்வது என்பது வேறு.
உடல் நீரேற்றமாக இருந்தாலே சுறுசுறுப்பாகவும் செயல்பாடுகள் வேகமாகவும் இருக்கும். உடலில் தேங்கும் நீர்க்கழிவுகள் முறையாக வெளியேறும். அதனால் தண்ணீர் நிறைய குடித்து நீரேற்றமாக இருப்பது நல்லது.
நிம்மதியான ஆழ்ந்த உறக்கம்
டயட் மற்றும் உடற்பயிற்சி எவ்வளவு முக்கியமோ அதேபோல நம்முடைய எடையை கட்டுக்குள் வைப்பதற்கு நிம்மதியான போதிய உறக்கமும் அவசியம்.
போதிய அளவு தூக்கம் இருந்தால் சிறுநீரகத்திற்கு செல்லும் நரம்புகளின் சிறுநீரகத்தில் உள்ள சோடியம் மற்றும் தேவையற்ற நீரையும் உறிஞ்சிக் கொள்கிறது. போதிய அளவு ஆழ்ந்த தூக்கத்தைப் பெறுவதாலும் உடலை சரியான நீரேற்றத்துடன் வைத்திருக்கச் செய்வதோடு உடலில் அதிகப்படியாக தேங்கும் நீரை வெளியேற்றி நீர் எடையைக் குறைக்கச் செய்கிறது.
கார்போஹைட்ரேட் உட்கொள்ளல் அளவு
நாம் எடுத்துக் கொள்ளும் கார்போஹைட்ரேட் உணவுகள் நீரை உறிஞ்சி உடலில் தேக்கி வைத்துக் கொண்டே இருக்கும்.
கார்போஹைட்ரேட் அதிகப்படியான கிளைக்கோஜன் மூலக்கூறுகளை உடலில் சேர்த்து வைக்கிறது. ஒவ்வொரு கிராம் கிளைகோஜனும் 3 கிராம் அளவுக்கு தண்ணீரை உறிஞ்வும்.
அதனால் கார்போஹைட்ரேட் உட்கொள்ளல் அளவைக் குறைத்தாலே உடலில் இருக்கும் நீரின் எடையைக் குறைக்க முடியும்.
மன அழுத்தத்தை குறைக்கவும்
தொடர்ச்சியாக நீண்ட நாட்கள் வரை மன அழுத்தம் தொடர்ச்சியாக இருந்தால் அதற்கு கார்டிசோல் ஹார்மோன் உற்பத்தி அதிகமாக இருக்கிறது என்று அர்த்தம். இது நேரடியாக நம்முடைய உடலில் தேவையற்ற நீரையும் தங்க வைத்து நீர் எடையை அதிகரிக்கச் செய்யும். அதனால் உடலின் நீர் எடையைக் குறைக்க வேண்டுமென்றால் அதற்கு உங்களுடைய மன அழுத்தத்தைக் குறைக்க வேண்டும்.
மன அழுத்தம் அதிகரிக்க அதிகரிக்க சிறுநீரகத்தில் நீர்த்தேக்கமும் வீக்கமும் அதிகரிக்கச் செய்யும். அதனால் முதலில் மன அழுத்தத்தை குறைத்தால் தான் உடலில் உள்ள அதிகப்படியான நீர் எடையைக் குறைக்க முடியும்.
சப்ளிமெண்ட்டுகள்
இயற்கையாகவே உடலில் உள்ள அதிகப்படியான நீர்ச்சத்தை உறிஞ்சுவதற்கு வைட்டமின் பி6, மக்னீசியம் ஆக்ஸைடு ஆகிய ஊட்டச்சத்துக்கள் தேவைப்படும். இந்த ஊட்டச்சத்துக்கள் உடலில் உள்ள அதிகப்படியான நீரை உறிஞ்சுவதோடு அதிகப்படியான சோடியத்தையும் உறிஞ்சிக் கொள்ளும்.
மக்னீசியம் ஆக்ஸைடு மற்றும் வைட்டமின் பி6 ஆகிய இரண்டு ஊட்டச்சத்துக்கள் கொண்ட சப்ளிமெண்ட்டுகளும் சிறுநீரகத்தை சுத்திகரிப்பதோடு அவற்றிலுள்ள அதிகப்படியான சோடியத்தை வெளியேற்றச் செய்கிறது. இதனால் நீர் அதிகமாக அதனால் எடை அதிகமாக இருப்பவர்கள் அந்த நீர் எடையைக் குறைக்க முடியும்.