மாற்றம் நிகழ்ந்தது
அவர் உடல் எடை குறைய அல்லது குறைப்பதற்கு முயற்சி எடுக்க பல காரணங்கள் அவருக்கு கிடைத்தது. பல நிகழ்வுகள் அவர் உடல் எடை குறைத்தே ஆகவேண்டும் என்று அந்த நிகழ்வுகள் அவரைத் தூண்டியது. உடல் எடை அதிகம் இருந்தால் நண்பர்கள் கூட எளிமையாக பழகி விட முடியாது அனைவரும் நமக்கு அறிவுரை கூற வந்துவிடுவார்கள். நமது எடையை பற்றி பேசிக்கொண்டு இருப்பார்கள். அது பல நேரங்களில் என் மனதை காயப்படுத்த ஆரம்பித்தது. ஒருநாள் வார் என்ற இந்தி படம் ரிலீஸ் ஆகி இருந்தது. காலேஜில் உள்ள மொத்த மாணவர்களும் அதில் கிருத்திக் ரோஷன் உடலை பற்றி பேசிக்கொண்டே இருந்தார்கள். இந்த வயதிலும் உடலை இவ்வளவு கட்டாக வைத்திருக்கிறார்கள் என்று கிருத்திக் ரோஷன் பெருமை பற்றியே பேசிக் கொண்டிருந்தார்கள்.
நான் அருகில் இருக்கும் பொழுதே சிலரும் இந்த வயதில் குண்டாக எந்த வேலையும் செய்யாமல் இருக்கிறார்கள், ஆனால் கிருத்திக் ரோஷன் அந்த வயதிலும் உடலை இவ்வளவு கட்டுக்கோப்பாக வைத்திருக்கிறார் என்று கூறினார்கள். பின்பு எனது நெருங்கிய நண்பர் ரெபேக்கா என்னிடம் உடல் எடையை குறைக்குமாறு கூறினார்.
எவ்வளவு நாள்
நான் அவளிடம் எனக்கு நடந்த அவமானங்களை பற்றி கூறினேன். அவள் நானும் எடை அதிகமாகவே இருக்கிறேன் குறைந்தபட்சம் 15 கிலோ குறைய வேண்டும். நாம் இருவரும் சேர்ந்து உடல் எடை குறைக்கும் முயற்சியில் ஈடுபடலாம் நான் அதைப்பற்றி உனக்கு கூறுகிறேன் என்று கூறினாள்.
உடல் எடையை குறைப்பதற்கு நான் மூன்று மாதங்கள் எடுத்துக் கொண்டேன் மூன்று மாதங்களில் கிட்டத்தட்ட 27 கிலோ முதல் 30 கிலோ வரை குறைந்தது விடாமுயற்சியுடன் இதை செய்தேன். இதை செய்யும்பொழுது நான் என்ன என்ன உணவுகள் எடுத்தேன், பயிற்சி எடுத்தேன் என்பதே தற்போது கூறுகிறேன் உங்களுக்கு கண்டிப்பாக உபயோகமாக இருக்கும் என்று நம்புகிறேன்.
எடுத்துக்கொள்ளும் உணவுகள்
காலை உணவு:
காலையில் ஆப்பிள் வாழைப்பழம் அல்லது சிறிது பப்பாளி பழம் சாப்பிடுவேன். பழங்களைத் தவிர தேவையில்லாத எதையும் சாப்பிட மாட்டேன்.
மதிய உணவு:
மதியம் 2 கிண்ணங்கள் பருப்பு, ராஜ்மா அதனுடன் ஒரே ஒரு சப்பாத்தி சிறிதளவு சாலட் எடுத்துக் கொள்வேன்.
மாலை நேரம்:
ஒரே ஒரு ஆப்பிள் அல்லது கொய்யாப்பழம் அதனுடன் ஒரு கப் பால் குடித்துக் கொள்வேன்.
இரவு உணவு
இரவு உணவாக வெஜிடபிள் சாலட் மூன்று அவித்த முட்டைகள் எடுத்துக்கொள்வேன். ஒரு வாரம் இப்படியும் ஒரு வாரம் ஒரு கப் முசிலி மற்றும் பால் அப்புறம் மூன்று அவித்த முட்டைகள் எடுத்துக்கொள்வேன். உடல் எடை பயிற்சியில் இருக்கும் பொழுது நிச்சயமாக இரவு உணவை ஏழு முப்பதுக்கு முன் சாப்பிட்டு விடவேண்டும்
உடற்பயிற்சி
உடற்பயிற்சி நிலையத்திற்கு செல்வதற்கு முன்பு ஒரே ஒரு வாழைப்பழத்தை சாப்பிட்டு கொள்வேன். பொதுவாக மாலை நேரங்களிலேயே உடற்பயிற்சி செய்யும் பழக்கத்தை வைத்துள்ளேன். காலையில் எனக்கு போதுமான நேரங்கள் கிடைப்பதில்லை.மாலையில் ஒன்றரை மணி நேரம் கடுமையான உடற்பயிற்சிக்கு பின்பு அதிலிருந்து 15 நிமிடங்கள் கழித்து தண்ணீர் எடுத்துக் கொள்வேன்.
ஒவ்வொரு வாரமும் ஏதாவது ஒரு நாள் கண்டிப்பாக எனக்கு பிடித்த உணவுகளை சாப்பிடுவதை வழக்கமாக வைத்துள்ளேன். அனைவரும் சாப்பிடக் கூடிய சாதாரண உணவு வகைகளை வாரத்தில் ஒரே ஒரு நாள் இரவு மட்டும் சாப்பிடுவதை வழக்கமாக வைத்துள்ளேன்.
உடற்பயிற்சி அதிகபட்சமாக ஒன்றரை மணி நேரத்திற்கு அதிகமாக நான் பண்ணியது இல்லை. முதலில் 10 நிமிடங்கள் கிராஸ் ஃபிட் உடற்பயிற்சிகளை செய்வேன். பிறகு மூன்று நிமிடங்கள் தீவிரமான ஓட்டப் பயிற்சியில் ஈடுபடுவது. பிறகு 10 நிமிடங்கள் உடலை அடுத்த உடற்பயிற்சிக்கு தயார் செய்து கொள்வேன். குறிப்பாக மற்ற நிமிடங்களுக்கு எந்தெந்த பகுதியில் உடல் சதை அதிகமாக இருக்கிறதோ அதற்கு தேவையான அளவு உடற்பயிற்சி ஈடுபடுவேன். சிறிதளவு கார்டியோ பயிற்சிகளிலும் ஈடுபடுவேன்.
குறைந்த கலோரி உணவுகள்
அனைவரும் சரியான அளவு உணவை எடுத்துக்கொண்டால் உடல் எடையை தேவையில்லாமல் உயர்வதை கட்டுப்படுத்தலாம். அப்படி உடல் எடையை கூடியவர்கள் உடல் எடையை குறைப்பதற்கு அவர்கள் மனது வைத்தால் மூன்று மாதங்கள் முதல் ஐந்து மாதங்களே போதுமானதாக இருக்கும்.பலபேர் கோதுமை ரொட்டிகள் சாப்பிட வேண்டும், சிகப்பு அரிசிகள் சாப்பிட வேண்டும், கிரீன் டீ குடிக்க வேண்டும் என்று கூறுவார்கள் இதை மட்டும் செய்தால் உடல் எடை குறைந்து விடாது. நீங்கள் தீவிரமாக பல வேலைகளில் ஈடுபட்டால் மட்டுமே உடல் எடையை குறைக்க முடியும்.
நீங்கள் தீவிரமான உடற்பயிற்சியி மற்றும் உணவு கட்டுப்பாட்டில் இருக்கும் பொழுது சிகப்பு அரிசி கோதுமை மற்றும் க்ரீன் டீ போன்றவை உங்களுக்கு உதவி செய்யும்.ஆனால் இவைகள் இல்லாமலேயே உடல் எடை குறைக்கலாம். நீங்கள் பாஸ்மதி அரிசியை கூட மிகவும் சிறிதளவு சாப்பிட்டு கூட உடல் எடை குறைக்கலாம். சாப்பிடும் அளவு என்பது மிகவும் முக்கியம். தேவைக்கு குறைவாகவே சாப்பிட்டால் உடல் எடை குறையும் என்பதில் எந்த ஐயமும் இல்லை.
இலட்சியத்தில் தெளிவாக இருக்க வேண்டும்
உடல் எடை குறைக்க வேண்டுமென்று எண்ணங்கள் வந்து விட்டால் முதல் இரண்டு மூன்று நாட்களுக்கு நிச்சயமாக நம் வேகவேகமாக அனைத்து விஷயங்களையும் செய்து வருவோம். ஆனால் அதற்குப் பின்பு பிடித்த உணவை சாப்பிட முடியாமல் போகுதல், சோம்பேறித்தனம் போன்றவை நமக்கு பெரிய பரிட்சை வைக்கும்.
அதையும் தாண்டி நாம் நமது லட்சியத்தில் ஒரே கண்ணாக இருக்க வேண்டும். நாம் உடல் எடை அதிகமாக இருந்ததால் பட்ட பிரச்சனைகளை பற்றி யோசித்துப் பார்த்து உடல் எடை குறைந்த பிறகு நமக்கு கிடைக்கும் பாராட்டையும் நினைத்து பார்க்க வேண்டும். அதை நினைத்து பார்த்து வேலை செய்தாலே உடல் எடையை வேகமாக குறைந்து விடலாம்.