வேகமான நடைப்பயிற்சி
நடைப்பயிற்சி தான் உடற்பயிற்சிகளில் மிக அடிப்படையான விஷயம். நிறைய பேருக்கு நடைப்பயிற்சி எப்படி மேற்கொள்வது என்பதிலேயே குழப்பம் இருக்கும்.
சிலர் நடைப்பயிற்சியின் போது மெதுவாக நடந்தால் போதும் என்று சொல்லுவார். சிலர் நடைப்பயிற்சி என்றாலே வேகமாக நடப்பது தான் என்று சொல்வார்க்ள். உண்மையில் எப்படிதான் நடக்க வேண்டும்?
உடல் எடையைக் குறைப்பதற்காகவும் அதிகப்படியான கலோரிகளை எரிக்கவும் முயற்சி செய்பவர்கள் வேகமாக நடைப்பயிற்சி மேற்கொள்ள வேண்டும். குறிப்பாக, வயதானவர்கள் கடினமான உடற்பயிற்சிகளை மேற்கொள்ள மாட்டார்கள். அவர்கள் குறைந்தபட்சம் நடைப்பயிற்சியாவது வேகமாக மேற்கொள்ளலாம்
ஓட்டப் பயிற்சி
உடலில் உள்ள கெட்ட கொலஸ்டிராலைக் கரைத்து உடலின் எடையைக் குறைக்கவும் கட்டுக்குள் வைத்திருக்கவும் ஓட்டப்பயிற்சி பெரிதாக உதவும்.
வேகமான ஓட்டப்பயிற்சி உடல் எடையைக் குறைக்க உதவி செய்கிறது. இளம் வயதினர் வேகமாக ஓட்டப்பயிற்சியையும் வயதானவர்கள் மெதுவாக ஜாகிங்கும் செல்லலாம்.
நீச்சல் பயிற்சி
நீச்சல் பயிற்சி மேற்கொண்டால் உடல் எடையைக் குறைக்க முடியுமா என்று நீங்கள் ஆச்சர்யப்படலாம். ஆனால் மற்ற உடற்பயிற்சிகளைப் போலவே நீச்சல் பயிற்சியின் மூலமும் உடலில் தேங்கும் கொழுப்பையும் தேவையற்ற கலோரிகளையும் குறைக்க முடியும். சொல்லப்போனால் நீச்சல் பயிற்சி தான் உடலை ஆரோக்கியமாக வைத்துக் கொள்வதற்கான பர்ஃபெக்டான பயிற்சியாகக் கருதப்படுகிறது.
சைக்கிளிங்
உடலின் அதிகப்படியான கலோரிகளைக் குறைப்பதற்கான பயிற்சிகளில் சைக்கிளிங் மிக முக்கியமானது.
இது இடுப்புப் பகுதிக்கு வலு சேர்க்க உதவுகிறது. தோள்பட்டையை வலுவாக்குவதோடு உடலின் தேவையற்ற கலோரிகளை எரிக்கச் செய்கிறது.
HIIT டிரெயினிங்
இன்டர்வெல் டிரெயினிங் (HIIT) என்று அழைக்கப்படும் பயிற்சிகள் உடலுக்கு ஸ்டாமினைவைக் கொடுப்பதோடு, உடலுக்கு வலிமையைச் சேர்க்கிறது.
உடலில் உள்ள கெட்ட கொழுப்பை எரித்து உடல் எடையைக் கட்டுக்குள் வைக்க நினைப்பவர்கள் இந்த HIIT பயிற்சிகளை தினசரி மேற்கொள்ளலாம்.
த்ரட் மில்லில் நடப்பது, வேகமாக ஓடுவது, கயிறுகளைக் கொண்டு பயிற்சிகள் செய்வது போன்றவை இதில் அடங்கும்.
பளு தூக்குதல்
எடையைக் குறைக்க, தொப்பையைக் கரைக்க பளு தூக்குதலும் சிறந்த பயிற்சிகளில் ஒன்று.
பளு தூக்கும் பயிற்சிகளை மேற்கொள்ளும்போது உடலின் மெட்டபாலிசம் அதிகரிக்கச் செய்கிறது.
இது உடலின் கெட்ட கொழுப்புகளைக் கரைத்து உடலை உறுதியாக வைத்துக் கொள்ள உதவுகிறது.
பர்ப்பீஸ்
பர்ப்பீஸ் பயிற்சிகள் ஒட்டுமொத்த உடலையும் இயங்கச் செய்கிறது. ஒட்டுமொத்த உடலும் இயங்கும்போது உடலின் அதிகப்படியான கலோரிகள் எரிக்கப்படும்.
தோள்பட்டையை வலுப்படுத்தவும் உடலை உறுதியாக்கி கொழுப்பைக் குறைக்கவும் இந்த பர்ப்பீஸ் பயிற்சியை செய்யலாம்.
பந்து விளையாடுதல்
பந்து விளையாடுவதால் எடையைக் குறைக்க முடியுமா என்றால் முடியும். பந்துகளை தங்களுடைய இடுப்புக்குப் பக்கவாட்டில் மாறி மாறி போட்டு விளையாடுவதால் இடுப்பின் இயக்கம் அதிகரிக்கும். அதோடு இடுப்புப் பகுதி மற்றும் அடிவயிற்றில் தேங்கும் கொழுப்பையும் கரைக்க முடியும்.
இவையெல்லாமே மிக எளிமையான பயிற்சிகள் தான். இவற்றை தினமும ஒவ்வொரு பயிற்சி வீதம் செய்யலாம். அல்லது எல்லா பயிற்சிகளையும் தினந்தோறும் 10 நிமிடம் வீதமும் செய்யலாம்.
ஓரிரு வாரங்கள் தொடர்ந்து செய்யும்போதே உங்களுடைய எடையில் நல்ல மாற்றத்தை உணர முடியும்.