தேவையற்ற தொப்பை, உடல் எடை அதிகரிப்பு என்று மக்கள் கொரோனா அல்லாத வேறு உடல் உபாதைகளை வாங்கி கட்டிக் கொள்கிறார்கள் என்கிறார்கள் ஊட்டச்சத்து நிபுணர்கள். எனவே நீங்கள் வீட்டில் வொர்க் ஃபிரம் ஹோம் நிலையில் இருந்தால் கூட உங்க டயட்டை ப்லோ செய்வது முக்கியம் என்கிறார்கள் ஊட்டச்சத்து நிபுணர்கள். வீட்டில் இருக்கும் நெகிழ்வுத்தன்மையை சரியான சூழலில் பயன்படுத்திக் கொள்ள வேண்டும். திண்பண்டங்கள் நிறைந்த அலமாரியை கண்டால் கூட கட்டுக்கோப்பாக இருப்பது எப்படி, உங்க டயட்டை கட்டமைக்க நாங்கள் உங்களுக்கு கை கொடுக்கிறோம். இதோ உங்களுக்காக ஊட்டச்சத்து நிபுணர்களின் ஆலோசனைகள் காத்திருக்கிறது.
உணவு கட்டமைப்பு அவசியம்
வொர்க் ஃபிரம் ஹோமில் இருக்கும் பெரிய பிரச்சினையே உங்க கிச்சனும், பிரிட்ஜூம் அருகில் இருப்பது தான். கைக்கு எட்டும் தூரத்தில் இருப்பதால் கண்டதை எல்லாம் சாப்பிடத் தூண்டும். இதைத் தவிர்த்து ஒரு உணவுக் கட்டமைப்பை அமைப்பது அவசியம். காலை உணவு, மதிய உணவு மற்றும் இரவு உணவு இடை இடையே ஆரோக்கியமான ஸ்நாக்ஸ் வகைகள் என்று ஒரு நேரகால உணவுத் திட்டத்தை வடிவமைத்து கொள்ளுங்கள். இதன் மூலம் எல்லா நேரங்களிலும் கொறிப்பதை தவிர்க்கலாம் என்கிறார்கள் ஊட்டச்சத்து நிபுணர்கள். உங்க வேலையுடன் சேர்ந்து இந்த உணவு கட்டமைப்பிலும் நீங்கள் ஒட்டிக் கொள்ள முற்படுங்கள்.
உங்க பயணத்தை மீளுருவாக்கம் செய்யுங்கள்
இதுவரை வேலைக்கு இடையே ஓய்வு என்றால் காஃபிட்டேரியா செல்வது, அருகிலுள்ள பீட்சா கட் செல்வது, நண்பர்களுடன் அரட்டை அடிப்பது போன்று ஈடுபட்டு இருப்பீர்கள். ஆனால் வொர்க் ஃபிரம் ஹோம் சூழலில் இதை எல்லாம் தவிர்க்க முற்படுங்கள். இது எல்லாம் ஆரோக்கியமான செயல் கிடையாது. இடை இடையே ஓய்வு எடுக்க விரும்பினால் அருகிலுள்ள பூங்காவிற்கு நடைபயிற்சி மேற்கொள்ளலாம், குழந்தைகளுடன் விளையாடலாம், இரவு உங்களுக்கு தேவையான உணவை நீங்களே சமைக்கலாம் இப்படி உங்க பயணத்தை மாற்றங்கள்.
ஆரோக்கியமான உணவுப் பொருட்களை சேமியுங்கள்
இதுவரை உங்க கிச்சன் அலமாரி ஆரோக்கியமற்ற உணவுப் பொருட்களால் நிரம்பி வழிந்திருக்கலாம். இனி அதையெல்லாம் தூக்கி எறியுங்கள். ஒரு வேக வைத்த முட்டை, காய்கறி சாலட், ஆலிவ் ஆயில் பயன்பாடு என்று ஆரோக்கியமான உணவுப் பொருட்களைக் கொண்டு சமைக்க ஆரம்பியுங்கள். நீங்கள் செய்யும் கிச்சன் ஆரோக்கியம் உங்க ஒட்டுமொத்த ஆரோக்கியத்தையும் மாற்றும் என்பதை மறவாதீர்கள்.
வழக்கமாகக் கொரிக்கும் ஆரோக்கியமற்ற, கொழுப்பு நிறைந்த, வறுத்த நொறுக்குத் தீனிகளை முதலில் அகற்றுங்கள். முடிந்தவரையில் அவை உங்களுடைய கண்களில் படாமல் பார்த்துக் கொள்ளுங்கள்.
அலமாரியை சுத்தப்படுத்துங்கள்
உங்க அலமாரியில் உள்ள ஆரோக்கியமற்ற ஸ்நாக்ஸ் பாக்கெட்டுகள் உங்க நாவை தூண்டக் கூடியது. எனவே அந்த மாதிரியான பொருட்களை எல்லாம் வீட்டில் இருந்து ஓரங்கட்டுங்கள். ஆபிஸூல் இருக்கும் போது உங்க ஸ்நாக்ஸ் பாக்கெட் எல்லாருடைய டேபிளுக்கும் சென்று வரும். இதனால் நீங்கள் சாப்பிடும் கலோரிகளும் குறைவு. ஆனால் வீட்டில் அப்படி இல்லை. நீங்கள் தனியாக அதை முழுவதும் சாப்பிட முற்படுவீர்கள். இது தேவையில்லாமல் உங்க உடல் எடையை அதிகரிக்க வாய்ப்புள்ளது. எனவே தேவையில்லாத பொருட்களை வாங்காதீர்கள்.
போர் அடிப்பதை தவிர்க்க
ஆபிஸ் என்றால் உங்களுக்கு போர் அடிக்கும் சமயங்களில் நண்பர்களுடன் அரட்டை, காபி குடிப்பது, மொட்டை மாடி நடை போன்றவை உங்களுக்கு புத்துணர்ச்சி கொடுக்கும். இதுவே வொர்க் ஃபிரம் ஹோமில் போர் அடித்தால் முக்காவாசி பேர் எதையாவது கொறிக்க ஆரம்பித்து விடுவார்கள். எனவே இந்த மாதிரி செயல்களை தவிர்த்து போர் அடிக்கும் சமயங்களில் வேலையில் இருந்து எழுந்து காலார நடந்து வரலாம், டீவி பார்க்கலாம், பிரண்ட்ஸ் உடன் ஷேட், தியானம், குழந்தைகளுடன் விளையாட்டு போன்றவற்றை மேற்கொள்ளுங்கள். இது உங்களுக்கு ஏற்படும் சலிப்பை போக்கும்.
உங்க மேசையில் வைத்து சாப்பிடாதீர்கள்
நீங்கள் வேலை பார்க்கும் இடம் சமையல் அறைக்கு அருகில் இருந்தால் சாப்பிடுவது அதிகமாகும். இது அடிக்கடி பசியை தூண்டி கண்மூடித்தனமாக சாப்பிட வைக்கும். எனவே உங்களுக்கான சீட்டை சமையலறையில் இருந்து கொஞ்சம் தூரமாக அமைத்துக் கொள்ளுங்கள். இது சமையலறை ஸ்நாக்ஸ்களை பதம் பார்ப்பதை கொஞ்சம் குறைக்கும். நட்ஸ், பழங்கள், காய்கறிகள் மற்றும் வறுத்த முந்திரி போன்ற ஆரோக்கியமான சிற்றுண்டி என்றால் நல்லது. அவைகள் உங்க ஆரோக்கியத்தை மேம்படுத்துமே தவிர சீர்குலைக்காது.
காபி இடைவேளைகள்
வேலை நேரங்களில் நம்மை சுறுசுறுப்பாக வைப்பதில் காபி இடைவேளைகள் மிக முக்கிய பங்கு வகிக்கிறது. அதற்காக அதிகளவு காஃபைன் எடுப்பது உடலுக்கு நல்லது கிடையாது. எனவே எடுத்துக் கொள்ளும் காஃபைன் அளவை ஞாபகத்தில் வைத்துக் கொள்ளுங்கள். தூக்க கலக்கம் இருக்கும் சமயங்களில் ஒரு கப் காபி உங்களை புத்துணர்ச்சி ஊட்டி மீண்டும் வேலையில் ஈடுபட உதவிடும். வேண்டும் என்றால் ஹெர்பல் டீ கூட எடுத்துக் கொள்ளுங்கள். இது காபியை விட ஏகப்பட்ட நன்மைகளை உங்களுக்கு வழங்கும் என்கிறார்கள் ஊட்டச்சத்து நிபுணர்கள்.