பேஷன் உலகில் பட்டய கிளப்பும் பெல்ட் புடவைகள்!

காலத்திற்கு ஏற்ப பேஷன் உலகில் மாற்றங்கள் நிகழ்ந்து கொண்டே இருக்கும். லேட்டஸ்ட் டிரெண்டிற்கு ஏற்ப பழைய நகை, துணிகளை இன்றைய ரசனைக்கு, பேஷனுக்கு ஏற்றவாறு மாற்றி அமைத்துக்கொண்டே இருப்பர். பழைய காலத்து அணிகலன்கள், நகைகள் இன்று மாற்றம் கண்டுள்ளது போல், அப்போதில் இருந்து பயன்படுத்தி வரும் பெண்களின் பெல்ட்டும் இன்று மாற்றம் கொண்டுள்ளது. குறிப்பாக புடவைகள் உடனான பெல்ட்களை ஷில்பா ஷெட்டி முதல் சோனம் கபூர் வரை பயன்படுத்துகின்றனர்.

பழைய புடவைகளை கூட மாடர்னாக மாற்றும்படி பெல்ட்டுகள் வடிவமைக்கப்படுவதாக டிசைனர்கள் கருத்து தெரிவிக்கின்றனர். ஸ்மார்ட் லுக் வேண்டுமென்றால் பல்லு ஸ்டைல் புடவையில் பெல்ட் அணிந்து கொள்ளலாம். லெதர் பெல்ட்கள் அணிந்து கொண்டீர்களேயானால் அவை இன்டோ-வெஸ்டர்ன் லுக்கை தருகின்றன. தற்போது இந்த பெல்ட் புடவைகள் பெண்கள் மத்தியில் டிரெண்டாகி வருகிறது.