என்னை டேட்டிங் செய்பவருக்கு ரூ.56 லட்சம் தருகிறேன்: இங்கிலாந்து பெண் அதிரடி!!

இங்கிலாந்தைச் சேர்ந்த ஜேன் பார்க் என்பவர், தன்னை டேட்டிங் செய்பவருக்கு சுமார் 60 ஆயிரம் பவுண்ட்களை வழங்குவதாக அறிவித்துள்ளார்.

இங்கிலாந்தில் உள்ள ஈடன் பார்க் என்ற பகுதியைச் சேர்ந்த ஜேன் பார்க் (Jane Park), தனது 17 ஆவது வயதில் லாட்டரியில் வெற்றிப் பெற்றார். அதில் அவருக்கு ரூ.1 மில்லியன் பவுண்ட் பரிசாக வழங்கப்பட்டது. இதன்மூலம், இளம் வயதில் ஒரு மில்லியன் டாலர் லாட்டரியில் வென்ற நபர் என்ற பெருமையைப் பெற்றார்.

அவர் அந்தப் பரிசுப் பணத்தைக் கொண்டு ஆடம்பர கார்களை வாங்கினார். மேலும் தன்னை அழகாக்கிக் கொள்ள பிளாஸ்ட்டி சர்ஜரி, மார்பக அறுவை சிகிச்சை உள்ளிட்டவற்றை செய்தார்.

இந்நிலையில், அவர் தனது காதலனைப் பிரிந்து விட்டதாக கூறப்படுகிறது. இதையடுத்து, தன்னை டேட்டிங் செய்யும் நபருக்கு 60 ஆயிரம் இங்கிலாந்து பவுண்ட்களைத்(இந்திய மதிப்பில் ரூ.56லட்சம்) தருவதாக அவர் அறிவித்துள்ளதாக தகவல் வெளியாகி உள்ளது.

தான் தனியாக இருப்பதால், தன்னைப் பாதுக்காக்கவும் உண்மையாக பார்த்துக்கொள்ளவும் ஆண் வேண்டும் என்பதற்காக அவர் இந்த முடிவை எடுத்துள்ளதாக கூறப்படுகிறது. இதற்காக, அவர் இணையதளம் தொடங்கியுள்ளதாகவும், அதில் விருப்பமுள்ளவர்கள் விண்ணப்பிக்கலாம் என்றும் தகவல் வெளியாகி உள்ளது.