மகிழ்ச்சியாக இருக்க வேண்டுமா? சரியாக 7 மணிநேரம் 6 நிமிடம் தூங்குங்கள்!

நன்றாக தூங்குவதன் மூலம் மகிழ்ச்சியான வாழ்க்கை வாழமுடியும் என்று சமீபத்திய ஆய்வில் தெரியவந்துள்ளது.

மகிழ்ச்சியான வாழ்க்கைக்கும் தூக்கத்திற்கும் என்ன சம்பந்தம் என்று கேட்டீர்கள் என்றால் நிச்சயமாக இருக்கிறது என்கிறது சமீபத்திய ஆய்வு! நிம்மதியான வாழ்க்கைக்கு சரியாக 7 மணி நேரம் 6 நிமிடங்கள் வரை தூங்க வேண்டும் என்று சமீபத்திய ஆய்வில் தெரியவந்துள்ளது. அதுவே 6 மணி நேரம் 48 நிமிடங்களுக்கு குறைவாக தூங்குபவர்கள் மகிழ்ச்சி இல்லாத வாழ்கையும், தொடர்ந்து கஷ்டங்களை அனுபவிக்கின்றனர் என்றும் தெரியவந்துள்ளது.

இளைஞர்களுக்கு ஒரு நாளைக்கு கண்டிப்பாக 7 மணி நேர தூக்கம் தேவை. தியானம் செய்பவர்கள் மற்றும் தூங்குவதற்கு முன்பு குளிப்பவர்கள் நன்றாக தூங்குகின்றனர் என்றும் ஆய்வில் தெரியவந்துள்ளது. இரவு நேர வேலைகளினால் மற்றும் வீடியோ கேம் விளையாடுவது தான் தூங்குவதற்கு தாமதமாக காரணம் என்றும் கூறப்படுகிறது. அதே போல் மூன்றில் ஒருவருக்கு தூக்கமின்மை காரணமாக மன அழுத்தம், ஹார்ட் அட்டாக், ல்டோக், நீரிழிவு நோய் மற்றும் ஆயுள் குறைவு ஏற்படுவதாகவும் தெரியவந்துள்ளது.

சரியான தூக்கம் மிகவும் முக்கியம் என்கின்றனர் விஞ்ஞானிகள். தினமும் ஒரே நேரத்தில் தூங்க செல்பவர்கள் மிகவும் ஆரோக்கியமாக இருப்பதாக ஆய்வு கூறுகிறது.