Mushroom benefits : தம்மாத்துண்டு காளான் நீ! உனக்குள்ள இவ்ளோ ஊட்டச்சத்தா!

இயல்பாகவே காளான் தன்னுள் எக்கச்சக்கமான ஊட்டச்சத்துக் கூறுகளை உள்ளடக்கியுள்ளது. இதன் ஆரோக்கிய பண்புகளால் உடலின் வெவ்வேறு பாகங்கள் பலவிதமான நன்மைகளை பெறுகின்றன.

இது குறித்து ஊட்டச்சத்து நிபுணரான லவ்நீத் பத்ரா தனது சமூக வலைதள பக்கமான இன்ஸ்டாகிராமில் ஒரு சில குறிப்புகளை பகிர்ந்துள்ளார்.

அவரது பதிவில் காளான் ஒரு கொழுப்பு சத்தற்ற சோடியம் மற்றும் கலோரிகள் குறைந்த உணவு. மேலும், அதில் ஏராளமான நார்ச்சத்து மற்றும் வைட்டமின்கள்,மினரல்கள் அதிகமாக உள்ளதாகவும் கூறியுள்ளார்.

இதய நலன்

குறைவான சோடியம் மற்றும் அதிகமான பொட்டாசியம் சத்துக்கள் காளானில் இருப்பதால் இது உடலில் உப்பின் தன்மையை சமநிலையில் வைத்து உடலுக்குள் ரத்த சுழற்சியை சீர்ப்படுத்துகிறது. நீங்கள் உயர் ரத்த அழுத்தத்தால் அவதி பட்டு வருகிறீர்கள் என்றால் உங்களுக்கான சிறந்த தேர்வாக காளான் இருக்கும்.

வயதாவதிலிருந்து தடுக்கிறது

பலருக்கும் சிறு வயதிலேயே வயதான தோற்றம் மற்றும் மிக சீக்கிரமாக வயதான தோற்றம் அடைதல் போன்றவற்றிலிருந்து உங்களை பாதுகாக்கிறது. இதன் கூறுகள் உங்கள் உடலில் உள்ள ஃபிரீ ரேடிக்கல்களை செயல்பட விடாமல் செய்து நீங்கள் வயதான தோற்றம் பெறுவதிலிருந்து தடுக்கிறது.

ஆரோக்கியமான குடல் செயல்பாடு

இதில் உள்ள கரையக்கூடிய நார்சத்தான ஆலிகோசேக்கரைட் உங்கள் குடல்பகுதிகளில் ப்ரீபையோட்டிக்காக செயல்பட்டு உங்கள் பெருங்குடலில் நல்ல பாக்டீரியாக்களை பரவ விடுகிறது. இதன் மூலமாக உங்களது ஜீரண சக்தியும் , குடல் செயல்பாடும் ஆரோக்கியமாக அதிகரிக்கும்.

புற்றுநோய்

காளானில் காணப்படும் லினோலெய்க் புற்றுநோய் எதிர்ப்பு கூறுகளாக செயல்பட்டு, உங்களை புற்றுநோயிலிருந்து காப்பாற்றலாம். குறிப்பாக மார்பக புற்றுநோயிலிருந்து காளான் அதிகமாக காப்பாற்றும்.