உங்கள் உணவுகளை சரியாக பயன்படுத்துவது போன்ற சில் எளிய தந்திரங்கள் மூலம் உங்கள் உடல் எடை செயல்ப்பாட்டில் எளிமையாக முன்னேற்றத்தை காண முடியும். நாம் உண்ணும் உணவில் உடல் எடையை குறைக்க ஒன்றை விட மற்றொன்று சிறப்பானதாக இருக்கலாம்.
அவை உங்களுக்கு அதிக ஊட்டச்சத்துக்களை வழங்குபவையாக இருக்கலாம். மேலும் இவை உடலில் அதிக க்லோரிகளை எரிக்க உதவுகின்றன. எனவே உங்கள் எடையை எளிதாக இழக்க உணவில் சேர்க்க வேண்டிய 5 முக்கிய உணவுகளை நாங்கள் பட்டியலிட்டுள்ளோம். அவை உங்களுக்கு உதவியாக இருக்கும் என நம்புகிறோம்.
முட்டை மற்றும் கீரை
முட்டைகள் உடல் எடையை அதிகரிப்பதாக பலர் நினைத்துக் கொண்டுள்ளனர். ஆனால் குறைவான அளவில் முட்டையை எடுத்துக்கொள்ளும் போது அது நன்மை பயக்கிறது. முட்டைகளில் உயர்தர புரதம் உள்ளது. அவை சத்தானவையாக உள்ளன. மேலும் முட்டை ஒன்று சாப்பிட்டாலே அது வயிறை திருப்திப்படுத்தி விடுகிறது.
இதனால் அதிக உணவுகளை எடுத்துக்கொள்ள அவசியம் இருக்காது. ஆனால் உங்கள் எடை இழப்பிற்காக ஆம்லெட்டில் கீரையை சேர்க்கலாம். ஒரு ஆய்வின்ப்படி முட்டைகளுடன் இரும்புச்சத்து அதிகமாக உள்ள கீரைகளை பயன்படுத்துவதனால் அதிக எடையை குறைக்க முடியும் என கூறப்படுகிறது.
ஓட்ஸ் மற்றும் இலவங்கப்பட்டை
ஓட்ஸ் உடன் சில பெர்ரி பழங்கள் மற்றும் விதைகளை சேர்ப்பது சிறந்த காலை உணவாக இருக்கும். ஃபைபர் நிரம்பிய இந்த உணவுகள் உங்கள் வயிறை பசி ஏற்படாமல் முழுமையாக வைத்திருக்கவும் ஆரோக்கியமற்ற செயல்பாடுகளை தடுக்கவும் உதவுகின்றன. ஆனால் இந்த உணவில் மேலும் நன்மைகளை பெற வேண்டும் என்றால் இதில் சிறிது இலவங்கப்பட்டை தூளை சேர்க்கலாம்.
இலவங்கபட்டையில் ஆண்டி ஆக்சிடண்ட்கள் நிறைந்து காணப்படுகிறது. இது உடலில் வளர்சிதை மாற்றத்திற்கு மிகவும் உதவுகிறது. மேலும் இது இரத்த சர்க்கரை அளவை சீராக்குகிறது மற்றும் இன்சுலின் செயல்ப்பாட்டை மேம்படுத்துகிறது. இந்த விஷயங்கள் காரணமாக உங்கள் உடல் எடை எளிதாக குறையும்.
ஆலிவ் எண்ணெய் மற்றும் கீரைகள்
உங்கள் பசியை உடனடியாக போக்க அல்லது கட்டுப்படுத்த இந்த புதிய பச்சை கீரை சாலட்டை விட சிறந்த உணவு எதுவும் இருக்க முடியாது. இவற்றை மேலும் ஆரோக்கியமாக மாற்ற அதில் சில துளிகள் ஆலிவ் எண்ணெயை சேர்க்கலாம். இலை கீரைகள் மற்றும் ஆலிவ் எண்ணெய் இரண்டுமே உடல் ஆரோக்கியத்திற்கு நன்மை பயக்கும் உணவுகள் ஆகும்.
ஆனால் இவை இரண்டையும் ஒன்றாக இணைக்கும்போது அவை உடல் எடை இழப்பு செயல்முறையை இரண்டு மடங்கு துரிதப்படுத்துகிறது. ஆலிவ் எண்ணெய் பசியை குறைக்க உதவுகிறது மற்றும் இலை கீரைகள் உடலில் திருப்தியை ஏற்படுத்தும். மேலும் உங்கள் சாலட்டில் எண்ணெயை சேர்ப்பதன் மூலம் அவை பச்சை இலையில் உள்ள ஊட்டச்சத்துக்களை உறிஞ்சுவதை அதிகரிக்கின்றன.
ஆப்பிள் மற்றும் பீனட் பட்டர்
ஆப்பிள் மற்றும் பீனட் பட்டர் இரண்டுமே எடை இழப்பிற்கு உதவும் உணவுகளாகும். பீனட் பட்டரானது மோனோ சாச்சுரேட்டட் மற்றும் பாலி அன்சாச்சுரேட் கொழுப்புகள் அதிகம் நிறைந்த உணவாக உள்ளது. இது உங்களை முழுமையாக நினைக்க வைக்கும். மேலும் இது இன்சுலினின் வளர்சிதை மாற்றத்தை மேம்படுத்த உதவுகிறது.
ஆப்பிள் பழத்தில் ஃபைபர் சத்து நிறைந்து காணப்படுகிறது. இதுவும் உடலில் பசி ஏற்படாமல் திருப்தியை ஏற்படுத்தும். எனவே இவை இரண்டையும் சிற்றுண்டிக்காக கலப்பது நல்ல விஷயமாகும்.
எலுமிச்சை மற்றும் க்ரீன் டீ
க்ரீன் டீ என்பது உடல் எடை குறைக்க நினைப்பவர்களுக்கு உதவும் சிறந்த பானங்களில் ஒன்றாகும். இது குறைந்த கலோரி மற்றும் ஆண்டி ஆக்ஸிடண்ட்கள் நிறைந்த பானமாக உள்ளது. இது உடலில் அதிக கொழுப்பை எரிக்கவும் உடல் எடையை வேகமாக குறைக்கவும் உதவுகிறது.
பல ஆய்வுகளில் கூறும்போது ஒரு நாளில் 2 முதல் 3 முறை கிரீன் டீயை பருகும்போது அது வளர்சிதை மாற்றத்தை அதிகரிக்க உதவுகிறது. மேலும் உடல் எடையை குறைக்கவும் உதவுகிறது. இது மேலும் பயனுள்ளதாக அமைய அதனுடன் சிறிது எலுமிச்சை சாறை சேர்க்கலாம். எலுமிச்சையில் வைட்டமின் சி உள்ளது. இது உடலானது க்ரீன் டீயின் ஊட்டச்சத்துக்களை சிறந்த முறையில் உறிஞ்ச உதவுகிறது.