கல்லீரல் சுத்தம்
நம்முடைய உடலுக்குள் இருக்கும் மிகப்பெரிய உறுப்பு என்றால் அது கல்லீரல் தான். நம்முடைய உடலைச் சுத்தம் செய்வது, உடலில் தேங்குகிற கழிவுகளை வெளியேற்றுவது ஆகியவை தான் கல்லீரலின் மிக முக்கியமான பணி. நம்முடைய உடலின் வளர்சிதை மாற்றத்தில் மிக முக்கியப் பங்கு கல்லீரலுக்கு உண்டு.
அத்தகைய முக்கியமான பணிகளைச் செய்யும் கல்லீரல் நாம் எடுத்துக் கொள்ளும் அளவுக்கு அதிகமாக சர்க்கரை மற்றும் பதப்படுத்தப்பட்ட உணவுகள், ஆல்கஹால் போன்றவற்றின் காரணமாக மாசடைகின்றன.
அப்படி கல்லீரல் மாசடையாமல் சுத்தமாக வைத்துக் கொள்ள சாப்பிட வேண்டிய உணவுகள் குறித்து தெரிந்து கொள்ளலாம்.
கல்லீரலை சுத்தம் செய்யும் பீட்ரூட்
பீட்ரூட்டில் அதிக அளவிலான ஆன்டி ஆக்ஸிடன்கள் மற்றும் பீட்டாலைன் போன்ற சேர்மங்கள் காணப்படுகின்றன. இவை கல்லீரலில் ஏற்படுகின்ற அடிப்படை பிரச்சினைகளான ஆக்ஸிஜனேற்ற சேதம் மற்றும் கல்லீரல் வீக்கத்தைக் குறைப்பதற்கும், நச்சுத்தன்மையை அதிகரிக்கும் நொதிகளை அழிப்பதற்கும் உதவி செய்கிறது. அதனால் வாரத்தில் இரண்டு நாட்கள் தாராளமான பீட்ரூட் எடுத்துக் கொள்ளலாம்.
கல்லீரலை சுத்தம் செய்யும் டிராகன் பழம்
டிராகன் பழம் என்பது னற்றாழை வகையைச் சேர்ந்தது. இது உட்புறம் வெள்ளை மற்றும் பிங்க் என இரண்டு நிறங்களில் காணப்படுகிறது. இது எல்லா சமயங்களிலும் கிடைப்பதில்லை. பெரும்பாலும் குறிப்பிட்ட சீசன்களில் மட்டுமே கிடைக்கக் கூடிய இந்த பழம் கல்லீரலுக்கு மிகவும் நல்லது. நுங்கின் சுவையைப் போன்று இருக்கும் இந்த டிராகன் பழம் கல்லீரல் புண்களை ஆற்றக்கூடியது. ஆல்கஹால் அதிகம் எடுத்துக் கொள்வதால் கல்லீரலில் சேரும் டாக்சின்களைக் குறைக்க உதவுகிறது.
கல்லீரலை சுத்தம் செய்யும் சிட்ரஸ் பழங்கள்
சிட்ரஸ் பழங்களில் வைட்டமின் சி அதிக அளவில் நிறைந்திருருக்கும். அதோடு இவற்றில் இருக்கும் அதிக அளவிலான ப்ரீ ரேடிக்கல்ஸ் கல்லீரலைச் சுத்தம் செய்யும் வேலையைச் செய்வதோடு, கல்லீரல் வீக்கம் மற்றும் கல்லீரல் புற்றுநோய் ஏற்படாமல் தடுக்க உதவுகிறது. ஆனால் சிட்ரஸ் பழங்கள் அதிக அமிலத் தன்மை கொண்டிருக்கும் என்பதால் அவற்றை அளவோடு பயன்படுத்துவது நல்லது.
கல்லீரலை சுத்தம் செய்யும் ஸ்டிராபெர்ரி
ஸ்டிராபெர்ரியில் ஆந்தோசயின்கள் எனப்படும் ஆன்டி ஆக்ஸிடன்கள் அதிக அளவில் உள்ளன. நோயெதிர்ப்பு சக்தியையும், ஆக்ஸிஜனேற்ற நொதிகளையும் அதிகரிக்கின்றன.
கல்லீரல் புற்றுநோய் உயிரணுக்களின் வளர்ச்சியைத் தடுக்கிறது. 3-4 வாரங்களுக்கு தினமும் ப்ளூபெர்ரிகள் மற்றும் கிரான்பெர்ரிகளை சாப்பிடுவது புண்கள், வடு திசு மற்றும் ஃபைப்ரோஸிஸ் ஆகியவற்றின் வளர்ச்சியைத் தடுக்க முடியும்.
கல்லீரலை சுத்தம் செய்யும் திராட்சை
திராட்சை பழத்தில் அதிக அளவில் ஆன்டி ஆக்ஸிடன்கள் உள்ளன. இதில் முக்கியமாக நரிங்கெனின் மற்றும் நரிங்கின் என்ற ஆன்டி ஆக்ஸிடன்கள் அதிகமாகக் காணப்படுகின்றன. இது கல்லீரலில் உண்டாகும் வீக்கத்தைக் குறைக்கவும் கல்லீரல் செல்களைப் பாதுகாக்கவும் உதவுகின்றன. அவை அதிகப்படியான இணைப்பு திசுக்களின் வளர்ச்சியைத் தடுப்பதாகவும் கல்லீரலில் சேமிக்கப்படும் கொழுப்பின் அளவைக் குறைக்கவும் உதவுகிறது.