வழக்கமா சாப்பிடற உணவோடு இந்த 5 சூப்பர் உணவுகளை சேர்த்துகோங்க... எடை கிடுகிடுனு குறையும்...

கேரட் இனிப்புச் சுவையுடையது என்பதால் நீரிழிவு பிரச்சினை உள்ளவர்களும் எடையைக் குறைக்க டயட்டில் இருப்பவர்களும் சாப்பிடுவதைத் தவிர்க்க வேண்டும் என்று சொல்வார்கள்.

ஆனால் உண்மையில் கேரட்டில் அதிக அளவு நார்ச்சத்து இருப்பதால் மலச்சிக்கல் போன்ற பிரச்சினைகளும் ஏற்படாது.

நீண்ட நேரம் பசியின்றி, வயிறு நிரம்பிய உணர்வைத் தரும். குறிப்பாக, குளிர்காலத்தில் எடையைக் குறைக்க கேரட்டை சூப் அல்லது சர்க்கரை சேர்க்காமல் ஜூஸாக எடுத்துக் கொள்வது நல்லது.

தயிர் புரதச்சத்து நிறைந்த ஓர் உணவாகும். ஆனால் கார்போஹைட்ரேட் மிகக் குறைவு. சிறந்த புரோ பயோடிக் உணவான தயிர் வயிறு மற்றும் குடல் ஆரோக்கியத்துக்கு மிகவும் நல்லது. இதிலுள்ள நல்ல பாக்டீரியாக்கள் குடலில் உள்ள நச்சுக்களை நீக்கி, மெட்டபாலிசத்தை அதிகரிக்கச் செய்கிறது.

தயிர் உடல் எடையைக் குறைக்கும் பண்பு கொண்டது. குறிப்பாக உடலில் தேங்கும் கெட்ட கொழுப்புகளை எரிக்கிறது.

ஏலக்காய் இந்திய சமையலில் வாசனைக்காகப் பயன்டுத்தப்படும் மசாலாப் பொருள். குறிப்பாக, பிரியாணி போன்ற உணவுகளில் வாசனைக்காக மட்டுமல்லாது, ஜீரண சக்தியை அதிகரிக்கவும் பயன்படுத்தப்படுகிறது.

ஏலக்காயை அடிக்கடி உணவில் சேர்த்துக் கொண்டால், உடல் எடையைக் குறைக்க முடியும் என்பது நிறைய பேருக்குத் தெரிவதில்லை ஏலக்காயில் காணப்படும் மெலடோனின் என்னும் வேதிப்பொருள் உடலின் வளர்சிதை மாற்றத்தை அதிகரிக்கச் செய்து உடலில் தேங்கியிருக்கும் கொழுப்பை வேகமாக எரிக்கச் செய்கிறது.

குறிப்பாக 4 ஏலக்காயை 350 மில்லி தண்ணீரில் தட்டிப் போட்டு கொதிக்க வைத்து, அந்த தண்ணீரை வடிகட்டி, வெதுவெதுப்பாகவோ ஆறியவுடனோ பருக வேண்டும். இரவு தூங்குவதற்கு முன்பாக இந்த நீரைக் குடித்து வந்தால் எடை கணிசமாகக் குறைவதை சில நாட்களிலேயே பார்க்க முடியும்.

சோம்பில் மிக அதிக அளவில் ஆன்டி- ஆக்சிடணட்டுகள் நிரம்பியிருக்கின்றன. அதேபோல நார்ச்சத்தும் அதிகம். காலை நேரத்தில் வெறும் வயிற்றில் சோம்பு ஊற வைத்த நீரைக் குடிக்கலாம்.

டீக்கு பதிலாக பகல் பொழுதில் சோம்பு டீயை குடித்து வர உடலில் உள்ள கொழுப்புகள் எரிக்கப்பட்டு, எடை குறைய ஆரம்பிக்கும்.

நாம் உண்ணும் உணவுகளில் உள்ள ஊட்டச்சத்துக்களை உடல் உறிஞ்ச சோம்பு உதவுகிறது. மேலும் மெட்டபாலிசத்தை அதிகரிக்கச் செய்து உடல் எடையைக் கட்டுக்குள் வைத்திருக்கும்.

ஆன்டி - ஆக்சிடண்களின் தொகுப்பு என்றே லவங்கப்பட்டையை சொல்லலாம். அதோடு ஆல்டிகைடுகள் நிறைந்த ஒன்றாக இலவங்கப்பட்டை இருப்பதால், உடல் உள்ளுறுப்புகளின் செயல்களைத் துரிதப்படுத்தும் தன்மை கொண்டிது.

வளர்சிதை மாற்றத்தைத் தூண்டி, தொப்பை மற்றும் உடலில் தேவையில்லாமல் தேங்கும் கொழுப்பு ஆகியவற்றைக் குறைக்கிறது.

இலவங்கப்பட்டையை உணவைத் தாண்டி, டீ, சூப், சாலட், கஞ்சி, ஓட்ஸ், கேக் என பல வகைகளில் சேர்த்துக் கொள்ள முடியும்.