மலச்சிக்கல்
பொதுவாகவே மலச்சிக்கல், மற்றும் குடல் சார்ந்த பிரச்சனைகள், அஜீரண கோளாறுகள் ஏற்படுவதற்கு நார்ச்சத்து பற்றாக்குறை ஏற்படுவதே காரணம் என்று கூறப்படுகிறது. அது போன்ற சூழலில் இந்த குளிர்காலத்து கொய்யா பழங்கள் உங்களுக்கு தேவையான நார்ச்சத்தை அள்ளி கொடுக்கும். காரணம், கொய்யாப்பழத்தில் நார்ச்சத்து அதிகம் நிறைந்துள்ளது. எனவே, காலை நேரங்களில் இதை உட்கொள்ளும்போது ஜீரண மண்டலம் மற்றும் குடல்பகுதிகள் ஆரோக்கியமாக இருக்கும்.
நோயெதிர்ப்பு சக்தியை அதிகரிக்கிறது.
மழை மற்றும் குளிர் காலங்களில் மிக இயல்பாக சளி மற்றும் காய்ச்சல் போன்ற நோய் தாக்கங்களுக்கு உள்ளாவது அதிகமாக காணப்படும். குறிப்பாக கொரோனா போன்ற தொற்றுக்கள் மிக சாதாரணாமாக உலாவி கொண்டிருக்கும் இந்த காலத்தில் நோயெதிர்ப்பு மண்டலம் வலுவாக இருந்தால் மட்டுமே சாதாரண நோய்கள் முதல் புது புது வைரஸ் தொற்றுகளிலிருந்து தப்பித்து வாழ முடியும். அதற்கு வைட்டமின் சி மற்றும் ஆன்டிஆக்ஸிடண்டுகள் நிறைந்த உணவுகளை எடுத்து கொள்ள வேண்டும். எனவே, ரெகுலராக கொய்யாவை உங்களது உணவில் சேர்த்து கொள்வது மூலம் காய்ச்சல் மற்றும் சளி போன்ற தொற்றுகளிலிருந்து தப்பிக்க தேவையான நோயெதிர்ப்பு சக்தி வலுவாக இருக்கும்.
மனஅழுத்தம்
பருவ காலங்கள் மாறும்போது மனநிலை மற்றும் உடல்நிலை மாற்றங்களும் ஏற்படுவது உண்டு. குறிப்பாக வின்டர் ப்ளூ என்று சொல்ல கூடிய குளிர்கால மனஅழுத்த டிசார்டர் பலரையும் தாக்குகிறது. மெக்னீசியம் சத்து உங்களது மனஅழுத்தத்தை போக்குவதில் முக்கிய பங்காற்றுகிறது. கொய்யா பழத்தில் மெக்னீசியம் நிறைந்துள்ளது. எனவே, ரெகுலராக அதை உண்பதன் மூலம் உங்கள் பருவகால மனஅழுத்த பிரச்சனைகளை சுலபமாக எதிர் கொள்ளலாம்.
உடல் எடை குறைப்பு
மழை மற்றும் குளிர்காலங்களில் கோடை காலங்களில் இருப்பதை விட உடல் செயல்பாடுகள் குறைந்து விடும். இதன் விளைவாக மிக சாதாரணமாக நமது கவனத்திற்கே வராமல் நமது உடல் எடை அதிகரித்திருக்கும். கொய்யா பழத்தில் உள்ள நார்ச்சத்துக்கள் , புரதம் மற்றும் மினரல்கள் உங்களது உடல் எடை கூடுவதை தடுக்கவும், கூடிய எடையை குறைப்பதற்கும் உதவி செய்யும். மேலும், இவை தைராய்டு வளர்ச்சிதை மாற்றத்தை மேம்படுத்தி கொழுப்பு திரள்வதை தடுக்கிறது.
சர்க்கரை நோய் எதிரி!
குளிர் காலங்களில் நமது அன்றாட செயல்பாடுகள் குறைவதால் சத்தமில்லாமல் நமது சர்க்கரை அளவும் கூடும் வாய்ப்புள்ளது. கொய்யாப்பழம் குறைந்த கிளைசமிக் கொண்ட பழம் என்பதால் அதை உண்பதால் உங்களது ரத்த சர்க்கரை அளவு அதிகரிக்காது. மேலும், இதன் அதிக நார்ச்சத்து கொண்ட தன்மையால் இதை உண்ணுவது உங்களுக்கு முழுமையான உணர்வை கொடுக்கும். எனவே, மேலும் கலோரி நிறைந்த உணவுகளை உண்ண உங்களை தூண்டாது.
கொய்யா பழத்தில் உள்ள ஊட்டச்சத்துக்கள்
வைட்டமின் சி, நார்ச்சத்து, மெக்னீசியம், கார்போஹைடிரேட் , புரதச்சத்து , ஆன்டிஆக்ஸிடன்ட் , வைட்டமின் எ, கால்சியம், பொட்டாசியம், மாங்கனீஸ் ஆகிய சத்துக்கள் உள்ளன. மேலும், கொய்யா குறைந்த கலோரி உணவாகும்.எனவே, கொய்யா பழத்தை சாப்பிடுவதால் இவ்வளவு சத்துக்களும் உங்களுக்கு கிடைக்கும்.
மேலும், இந்த பழத்தை ரெகுலராக எடுத்துக்கொள்வதால் உங்கள் உடல்நிலையை பொறுத்து உங்களுக்கு இந்த பலன்கள் கிடைக்கலாம். மற்றபடி உங்களுக்கு இது போன்று உடல்நல பிரச்சனைகள் ஏற்படும்போது மருத்துவரை சந்திக்க வேண்டும்.