நீரிழிவு நோயாளிகள் நாட்டுச் சர்க்கரை, பனை வெல்லம் சாப்பிடலாமா? சாப்பிடக்கூடாதா?

டைப் 1 நீரிழிவு நோயை விட டைப் 2 நீரிழிவு நோய் மிகவும் பொதுவானது. சரியாக நிர்வகிக்கப்படாவிட்டால், நீரிழிவு சிறுநீரக நோய், இதய நோய் மற்றும் முக்கிய உறுப்புகளின் செயலிழப்பு போன்ற கடுமையான உடல்நல சிக்கல்களை ஏற்படுத்தும் என மருத்துவர்கள் கூறுகின்றனர்.

எனவே தான் டைப் 2 நீரிழிவு நோயாளிகள் சாப்பிடுவதில் கூடுதல் கவனமாக இருக்க பரிந்துரைக்கப்படுகிறார்கள். இனிப்புகள், கோலாக்கள் மற்றும் பிற உணவுப் பொருட்களில் இருந்து தள்ளி இருக்க பரிந்துரைக்கப்படுகிறது. எனவே பெரும்பாலான மக்கள் செயற்கை இனிப்புக்கு பதிலாக இயற்கை இனிப்புகள் சிறந்தது என்று நினைக்கிறார்கள். உண்மையில் நீரிழிவு நோயாளிகளுக்கு இயற்கை இனிப்புகள் சிறந்ததா வாங்க தெரிஞ்சுக்கலாம்.

நீரிழிவு நோயாளிகள் பல ஆரோக்கியமான இயற்கை இனிப்புகளை நோக்கி நகருகின்றனர். உண்மையில் இது பாதுகாப்பானதா. இயற்கை இனிப்புகளில் தேன் மற்றும் வெல்லம் இரண்டும் அடங்கும். இவை பதப்படுத்தப்பட்ட சர்க்கரைக்கு மாற்றாக பயன்படுத்தப்படுகிறது. இந்த இயற்கை இனிப்புகள் பதப்படுத்தப்படாத காரணத்தால் இதில் குறைவான இரசாயனங்களே உள்ளன. எனவே இது பாதுகாப்பான ஒன்றாக கருதப்படுகிறது. வெள்ளை மற்றும் பழுப்பு சர்க்கரையுடன் ஒப்பிடும்போது, வெல்லம் மற்றும் தேன் சிறந்த மற்றும் ஆரோக்கியமான விருப்பங்களாக தேர்ந்தெடுக்கப்படுகிறது.

டயாபெட்டீஸ் நோயாளிகளுக்கு இயற்கை இனிப்புகள் பாதுகாப்பானதல்ல என்றே மருத்துவர்கள் வலியுறுத்துகிறார்கள். நீரிழிவு நோயாளிகள் தங்கள் இரத்த சர்க்கரை அளவை நிர்வகிக்க இனிப்புகளை தவிர்க்க பரிந்துரைக்கப்படுகிறது. ஏனெனில் நாம் உண்ணும் உணவில் கார்ப்ஸ் மற்றும் இயற்கை சர்க்கரைகள் நிறைந்து காணப்படுகிறது. இது நமது இரத்த சர்க்கரை அளவை சீராக வைத்திருக்கவும், மிகக் குறைவாக வீழ்ச்சியடையாமல் தடுக்கவும் போதுமானது. எனவே டயாபெட்டீஸ் நோயாளிகள் இயற்கை இனிப்புகள் என்றால் கூட அதை முடிந்த வரை தவிர்ப்பது நல்லது.

வெல்லம் ஆரோக்கியமானது என்றால் கூட நீரிழிவு நோயாளிகள் வெல்லம் சாப்பிடுவதில் கூட கவனமாக இருக்க வேண்டும். மிதமான அளவு மட்டுமே எடுத்துக் கொள்ள பரிந்துரைக்கப்படுகிறது. வெல்லத்தில் சர்க்கரை அளவு அதிகம் இருப்பதால் இது நீரிழிவு நோயாளிகளுக்கு இரத்த சர்க்கரை அளவை அதிகரிக்க வழிவகுக்கும். வெல்லத்தில் 84.4 உயர் கிளைசெமிக் குறியீடும் உள்ளது, இது நீரிழிவு நோயாளிகள் உட்கொள்ள தகுதியற்றது என்கிறார்கள் டயாபெட்டீஸ் மருத்துவர்கள்.

செயற்கை இனிப்பான்களுக்கு பதிலாக இயற்கை இனிப்புகளைத் தேர்ந்தெடுப்பது நிச்சயமாக ஆரோக்கியமான தேர்வாகும். ஆனால் அதற்காக நீரிழிவு நோயாளிகள் எந்த அளவும் சாப்பிடலாம் என்று அர்த்தமல்ல. மிதமான அளவு மட்டுமே எடுத்துக் கொள்ள பரிந்துரைக்கப்படுகிறது. ஏனெனில் நீங்கள் இனிப்புகளை அதிகமாக உட்கொள்வது எடை அதிகரிப்புக்கு வழிவகுக்கும். இது உடல் பருமன் மற்றும் நாள்பட்ட நோய்களுக்கான அபாயத்தை அதிகரிக்கும்.