யாருக்கெல்லாம் வரும்?
குழந்தைகளுக்கு
பெரும்பாலான குழந்தைகளுக்கு இந்த ஆசனவாய் வலி மற்றும் எரிச்சல் பிரச்சினை மிக இயல்பாகவே இருக்கும்.
குறிப்பாக பிறந்து ஒரு வயது ஆகும்வரை பெரும்பாலான குழந்தைகளுக்கு இந்த பிரச்சினை ஏற்படுவதாகவும் அதற்கான காரணம் என்னவென்றே மருத்துவர்களாலும் கண்டறிய முடிவதில்லை என்று கூறப்படுகிறது.
வயதானவர்களுக்கு
வயதானவர்களுக்கு இந்த ஆசனவாய் வலி அதிக அளவில் ஏற்படுகிறது. பொதுவாகவே வயதாகும்போது உடலில் ரத்த ஓட்டத்தின் வேகம் குறைய ஆரம்பிக்கும்.
ரத்த ஓட்டம் குறையும்போது கீழ்நோக்கி இருக்கும் ஆசனவாய் பகுதி வரைக்கும் ரத்த ஓட்டம் சீராக இருக்காது. இதனால் வயதானவர்களுக்கு அதிக அளவில் இந்த ஆசனவாய் சம்பந்தப்பட்ட பிரச்சினைகள் உண்டாகின்றன
மலச்சிக்கல் உள்ளவர்களுக்கு
போதிய நீர்ச்சத்து மற்றும் நார்ச்சத்து உணவுகளை எடுத்துக் கொள்ளாமல் கொழுப்பு மற்றும் கார்போ உணவுகளை மட்டுமே எடுக்கும்போது இந்த மலக்கட்டு பிரச்சினை அதிக அளவில் உண்டாகிறது.
குடலில் மலக்கட்டு பிரச்சினை ஏற்படுவதால் அதன் பாதிப்பு ஆசனவாய் பகுதியின் நரம்புகள் வரை பாதிப்பை ஏற்படுத்தும். இதனால் சில சமயங்களில் தாங்க முடியாத வலி மற்றும் மலம் கழிக்கும்போது ரத்தப்போக்கு போன்ற பிரச்சினைகளும் உண்டாகும்.
குழந்தை பிறப்பிற்கு பின்
பெண்கள் குழந்தை பெற்ற பிறகு, ஆசனவாய் எரிச்சல் மற்றும் வலி என்பது அவர்களுக்கு இயல்பான பிரச்சினைகளில் ஒன்றாக மாறிவிடும்.
யாரெல்லாம் தங்களுடைய கர்ப்ப காலத்தில் மூலம் (piles) மற்றும் ஆசனவாய் வலியால் அவதிப்படுகிறார்களோ அவர்களுக்கு நிச்சயமாக குழந்தை பிறந்த பிறகு ஆசனவாய் வலி மற்றும் எரிச்சல் கட்டாயமாக இருக்கும்.
கிரோன் நோய் (crohn's disease)
தொடர்ச்சியான அஜீரணக் கோளாறுகளால் அவதிப்படும் போது, குடல் மற்றும் வயிற்றுப் பகுதியில் சில பாதிப்புகள் உண்டாகும். இதை inflammatory bowel disease என்று சொல்வார்கள்.
இந்த குடல் பாதைகளில் ஏற்படுகிற தொற்றுக்களினால் அது ஆசனவாய் வரைக்கும் தொடரலாம். அதனால் ஆசனவாய் பகுதிகளில் எரிச்சல், கட்டிகள் மற்றும் வலி உண்டாவதற்கான வாய்ப்புகள் அதிகம். இந்த வகை பிரச்சினையை தான் க்ரோன் என்று சொல்வார்கள்.
உடலுறவும் ஒரு காரணமாகலாம்
சிலர் உடலுறவில் சுவாரஸ்யம் லேண்டுமென பிறப்புறுப்புகளை தாண்டி, ஆசனவாய் வழி உறவில் ஈடுபட்டாலும் இந்த ஆசன வாய் வலியும் எரிச்சலும் உண்டாகும். ஏனெனில் பிறப்புறுப்புகளில் பய்னபடுத்துவது போன்று லூப்ரிகேஷன் ஆயில் அல்லது ஜெல் வகைகள் ஆசன வாய்ப்பகுதிகளில் பயன்படுத்த முடியாது.
இதுபோன்ற விபரீதமான முயற்சிகளால் தேவையில்லாத பிரச்சினைகள் தான் வரக்கூடும். ஆசன வாய்ப் பகுதியில் எரிச்சல், வலி மட்டுமின்றி தோல் கிழிந்து போதல் போன்ற பிரச்சினைகளும் ஏற்படும்.
ஆசனவாய் வெடிப்பு பிரச்சினையின் அறிகுறிகள்
மலம் கழிக்கும்போது அதிகப்படியாக வலி ஏற்படுவது,
மலம் கழிக்கும் போது உண்டாகும் வலி அதிக நேரம் வரை நீடிப்பது,
மலம் கழிக்கும்போதோ அல்லது கழித்த பிறகோ ரத்தப்போக்கு ஏற்படுவது,
ஆசனவாய் பகுதியில் அரிப்பு மற்றும் எரிச்சல் உண்டாவது,
ஆசனவாய் பகுதியை சுற்றியுள்ள தோலில் கீறல்களோ கிழிசலோ அல்லது லேசான காயங்களோ ஏற்படுதல்,
ஆசனவாய் பகுதிக்கு அருகே சிறிய கட்டிகளோ, மருக்களோ தோன்றுவது
ஆகியவை ஆசனவாய் பிரச்சினைகள் இருப்பதற்கான அறிகுறிகளாக சொல்லப்படுகின்றன.
ஆசனவாய் வெடிப்பு பிரச்சினைக்கு தீர்வு
ஆசனவாய் வெடிப்பு பிரச்சினைக்கென்று தனியே மருத்துவ சிகிச்சைகள் என்று எதுவும் கிடையாது. சில வீட்டு பராமரிப்பு முறைகளின் மூலம் தான் இதற்கு ஓரளவுக்கு தீர்வு காண முடியும்.
சிலர் மலம் கழிக்கப்போனால் ஆசனவாய் வெடிப்புகளில் அதிகமாக வலி ஏற்படும் என்பதாலேயே நீண்ட நேரம் தவிர்ப்பார்கள். இப்படி அதிகமாக சிரமப்படுவதை தவிருங்கள். மலம் கழிக்க வேண்டுமென தோன்றினால் உடனே கழிவறைக்கு செல்லுங்கள்.
ஆசன வாய் வெடிப்பு பிரச்சினைக்கு மிகச்சிறந்த தீர்வு என்று இதை சொல்லலாம். மலச்சிக்கல் வராமல் பார்த்துக் கொள்வது. கடினமான மலக்கட்டு பிரச்சினை இருக்கும்போது அதிகமாக வலி உண்டாகும். அதை தவிர்க்க மலச்சிக்கல் ஏற்படாமல் பார்த்துக் கொள்வது நல்லது.
சிலர் நீண்ட நேரம் கழிவறையில் செலவிடுவார்கள். அதுவும் தவறு. அதிக நேரம் கழிவறையில் உட்கார்ந்திருப்பதை குறையுங்கள்.