ஃபுட் பாய்சனின் அறிகுறிகள் என்னென்ன... எந்தெந்த காரணங்களால் ஏற்படுகிறது...

அசுத்தமான அல்லது ஆரோக்கியமற்ற உணவை நீங்கள் எடுத்துக் கொண்ட சில மணிநேரங்களுக்குப் பின் புட் பாய்சன் ஏற்படும். இது சில நாட்கள் அல்லது சில வாரங்கள் கூட இருக்கும். அப்போது இந்த புட் பாய்சன் ஏன் ஏற்பட்டது என்பதைக் கண்டறிவது கடினமாகும்.

குமட்டல்

வாந்தி

குளிர்

வயிற்றுப்போக்கு

காய்ச்சல்

சோர்வு

வயிற்றுப் பிடிப்புகள்

பசியின்மை

புட் பாய்சன் ஏற்பட்டால் நீங்கள் மேலே குறிப்பிட்ட இந்த அறிகுறிகளை அனுபவிக்க நேரிடும். பொதுவாக புட் பாய்சன் பெரும்பாலும் வாந்தி மற்றும் வயிற்றுப்போக்குடன் தான் தொடங்குகிறது.

weight loss tips: உடல் எடையை குறைக்க நினைப்பவர்கள் பால் குடிக்கலாமா?

நீங்கள் அசுத்தமான உணவுகளை உட்கொள்ளும்போது புட் பாய்சன் ஏற்படுகிறது. உணவை குளிர்சாதனப் பெட்டியில் வைத்து மீண்டும் மீண்டும் சூடுபடுத்தி உண்பது, சரியாக சமைக்காததது அல்லது எக்ஸ்பயரி ஆன உணவுகளை உண்பது போன்றவற்றின் காரணமாக புட் பாய்சன் ஏற்படும்.

அதுமட்டுமின்றி, உணவைத் தயாரித்து நபரின் கைகள் அழுக்காக இருந்தாலோ அல்லது உடல்நிலை சரியில்லாமல் இருந்து அவர் உணவைத் தயாரிப்பதாலோ இந்த புட் பாய்சன் ஏற்படும் வாய்ப்பு உள்ளது. மேலும், லிஸ்டீரியா, ஈ கோலி, கேம்பிலோபாக்டர் மற்றும் சால்மோனெல்லா போன்ற பாக்டீரியாக்கள் அல்லது நோரோ வைரஸ் போன்ற வைரஸால் புட் பாய்சன் ஏற்படுகிறது.