சமீப காலமாக பெண்களுக்கு அதிகமாக மாரடைப்பு வரக் காரணம் என்ன?

இதய நோய்களை பொருத்தவரை ஆண்களுக்கும் பெண்களுக்கும் வெவ்வேறு வழிகளில் வித்தியாசமான அறிகுறிகளை ஏற்படுத்துகிறது. இதனால் ஆண்களும் பெண்களும் ஒரே மாதிரியான சிகிச்சை முறையை பெறுவதில்லை.

மேலும் பெண்களில் மூன்றில் ஒருவர் இதய நோயால் இறந்துவிடுகிறார்கள் என்றும் 55 வயதுக்குட்பட்ட பெண்களில் அதிகமானோருக்கு இதய நோய் அதிகமாக இருப்பதாகவும் அமெரிக்கன் ஹார்ட் அசோசியேஷன் கூறுகிறது.

இதய நோய் தடுப்பு நடவடிக்கைகளில் பாலினம் சார்ந்த ஏற்றத்தாழ்வே இதற்கு காரணம் என்றும் கூறப்படுகிறது. மேலும் பெண்களுக்கு ஏற்படும் அறிகுறிகள் ஆண்களில் இருந்து மாறுப்பட்டு இருப்பதால் மருத்துவரால் அதை கணிக்க முடிவதில்லை. எனவே பெண்களின் மாரடைப்பை தவறாக கணிப்பதற்கான வாய்ப்பு ஐம்பது சதவீதம் அதிகமாக இருப்பதாக கூறப்படுகிறது.

சைவ உணவுதான் நல்லது - சைவ உணவுகள் பற்றிய கட்டுக்கதைகளும் உண்மைகளும்...

போதிய சிகிச்சை இல்லை:

பெர்கன் பல்கலைகழகத்தின் ஆய்வின் படி இருதய நோயால் பாதிக்கப்பட்டவர்களில் 50 சதவீதத்திற்கும் அதிகமானவர்களுக்கு சரியான சிகிச்சை அளிக்கப்படுவதில்லை. ஆராய்ச்சியாளர்கள் கூற்றுப்படி மாரடைப்பால் ஆண்களை விட பெண்களே அதிகம் இறக்கின்றனர்.

இதில் முக்கியமான விஷயம் என்னவென்றால் பெண்களில் மாரடைப்பால் இறப்பவர்களில் பாதி பேர் மட்டுமே இருதய செயலிழப்பு காரணமாக இறக்கின்றனர். சில நேரங்களில் உயர் ரத்த அழுத்தத்திற்கு சரியாக சிகிச்சை அளிக்கப்படாமல் கூட அவர்கள் மாரடைப்பு ஏற்பட்டு இறக்கின்றனர். இந்த வகையான மாரடைப்புக்கு இன்னும் சிகிச்சை முறை கண்டுப்பிடிக்கப்படவில்லை.

ஆராய்ச்சியாளர்கள் சுட்டிக்காட்டும் மற்றொரு விஷயம் என்னவென்றால் பெண்கள் அதிகமாக உடல் பருமன் மற்றும் உயர் ரத்த அழுத்தத்திற்கு ஆளாகின்றனர். பெண்கள் ஹார்மோனில் உள்ள ஈஸ்ட்ரோஜனும் இதய ஆரோக்கியத்தில் பாதிப்பை ஏற்படுத்துகின்றன.

international coffee day 2020: தினமும் காபி குடித்தால் உடலுக்குள் என்னென்ன நல்ல விஷயங்கள் நடக்கும்?

முன்னெச்சரிக்கை நடவடிக்கை

பெண்கள் மாரடைப்பில் இருந்து தப்பிக்க தங்களது வாழ்க்கை முறையில் சில மாற்றங்களை உருவாக்கலாம். நீங்கள் புகைப்பிடிப்பவராக இருந்தால் அதை நிறுத்தி கொள்வது நல்லது.

உங்கள் உடல் பருமனை எப்போதும் கட்டுக்குள் வைத்திருங்கள். ஆல்கஹால் உடல் பருமன் மற்றும் இரத்த அழுத்த அளவை அதிகரிக்கிறது. எனவே இது நேரடியாகவே இதய ஆரோக்கியத்தில் பாதிப்பை ஏற்படுத்துகிறது. இதனால் முடிந்த அளவு ஆல்கஹால் பானங்களை அருந்துவதை குறைத்து கொள்ளலாம்.

தினமும் உடற்பயிற்சி செய்வது மிக முக்கியமானதாகும். தினமும் 30 நிமிடங்கள் உடற்பயிற்சி செய்ய வேண்டும். அதே போல தூக்கமும் முக்கியம் ஒரு நாளைக்கு குறைந்தது 7 முதல் 8 மணி நேரம் தூங்க வேண்டும். இவையெல்லாம் மாரடைப்பு வருவதற்கான வாய்ப்பினை குறைக்கும் சாத்தியக்கூறுகள் ஆகும்.