கர்ப்பிணிப் பெண்கள் தவிர்க்க வேண்டிய உணவுகள்

ஆரோக்கியமான குழந்தையைப் பெற்றெடுக்க கர்ப்பிணிப் பெண்களுக்கு நோயெதிர்ப்பு சக்தி குறைவாக இருக்கும். ஆகையால் பெண்கள் தங்களது கர்ப்ப காலத்தில் வாழ்க்கை முறை மற்றும் உணவுப் பழக்கவழக்கங்களில் சில மாற்றங்களை செய்துக் கொள்ளவேண்டும்.

கர்ப்பம் தரித்துள்ள பெண்கள், உண்ணும் உணவுகளில் அதிக கவனம் செலுத்த வேண்டும். ஏனெனில் உணவுப் பொருட்களின் மூலம் கிருமிகள், வேதி பொருட்கள் வயிற்றுக்குச் சென்றால், கருச்சிதைவு அல்லது குறைப்பிரசவத்திற்கு வழிவகுக்கும். இதுபோன்ற நேரங்களில் பெண்கள் சாப்பிடக்கூடாத உணவு வகைகள் பற்றி பார்க்கலாம்.

கர்ப்பிணிகள் ஃபெடா சீஸ் உண்பதைத் தவிர்க்க வேண்டும். அதில் உள்ள லிஸ்டெரியா எனும் பாக்டீரியா, குறைப்பிரசவம் மற்றும் கருச்சிதைவை ஏற்படுத்தும் தன்மைக்கு கொண்டது. வேண்டுமானால் சீடர் மற்றும் ஸ்விஸ் சீஸ் சாப்பிடலாம். முக்கியமாக சீஸ் வாங்கும் போது அதில் உள்ள டேபிளில் லிஸ்டெரியா-ப்ரீ சீஸ் என்று குறிப்பிடப்பட்டுள்ளதா என்பதை கவனிக்க வேண்டும்.

கடல் உணவுகளை கர்ப்பிணிகள் அதிகம் உட்கொள்வதைத் தவிர்ப்பது நல்லது. இதிலும், பாக்டீரியாக்கள் மற்றும் மெர்குரி அதிகம் இருக்கும். எனவே இதனை அதிகம் உட்கொள்ளும் போது, அதனால் நரம்பு மண்டலத்தில் நச்சுத்தன்மை கலக்க வாய்ப்புள்ளது. பிரியப்படும் பெண்கள் மாதம் ஒருமுறை சுத்தமான நீரில் வளர்க்கப்பட்ட மீனை சமைத்து சாப்பிடலாம்.

கர்ப்பமாக இருக்கும் போது உணவுகளை நன்கு முழுமையாக சமைத்து தான் சாப்பிட வேண்டும். குறிப்பாக முட்டை, இறைச்சி போன்றவற்றை நன்கு சமைத்து தான் சாப்பிட வேண்டும். நன்கு சமித்துவிட்டால் அதில் உள்ள பாக்டீரியாக்கள் மற்றும்இ நச்சுத்தன்மைகள் நீங்கிவிடும், கருவில் வளரும் குளந்தை எவ்வித பாதிப்பும் இல்லாமல் ஆரோக்கியமான முறையில் வளரும்.