அடிக்கடி தலைவலி வருதா? அப்போ நீங்க சாப்பாட்டுல இந்த தப்பெல்லாம் செய்றீங்கனு அர்த்தம்...

உணவைத் தவிர்ப்பது, பட்டினி கிடப்பது போன்றவையும் தலைவலியை உண்டாக்கும்.

கலோரிகள் என்பது நம்முடைய உடலுக்குத் தேவையான ஆற்றலைக் கணக்கிடும் முறை. நம்முடைய உடலில் அன்றாட தேவைக்கும் எனர்ஜிக்கும் தேவைப்படுகிற கலோரிகள் எடுத்துக் கொள்ளாத போது தலைவலி உண்டாகிறது.

புரதச்சத்து பற்றாக்குறையும் கூட, தலைவலியை உண்டாக்கும். மூளை சுறுசுறுப்பாக இயங்கவும் அதற்கான ஆற்றலைப் பெறவும் புரதச்சத்து மிக அவசியம்.

நம்முடைய அன்றாட உணவில் போதிய அளவு புரதச்சத்து இல்லாத போது, தலைவலி ஏற்படும்.

முட்டை, நட்ஸ், சிக்கன், காட்டேஜ் சீஸ், யோகர்ட், பால், பருப்பு வகைகள், மீன் போன்றவற்றில் அதிக அளவில் புரதங்கள் இருக்கின்றன. அவற்றை தினசரி உணவில் அதிகமாக எடுத்துக் கொள்வது நல்லது.

heart attack: மாரடைப்பு பற்றிய கட்டுக்கதைகளும் அதன்பின் இருக்கும் உண்மைகளும்... கட்டாயம் தெரிஞ்சிக்க வேண்டியவை...

பொதுவாக நம்மில் பலருக்கும் இருக்கும் பழக்கமே, தலைவலி இருக்கும்போது சுடச்சுட காபி குடிப்பது தான். ஆனால் அதே காபி நம்முடைய தலைவலியையும் அதிகரிக்கச் செய்யும்.

ஆம். காலையில் அல்லது வெறும் வயிற்றில் காபி குடிக்கக் கூடாது. அதிலுள்ள அதிகப்படியான காஃபைன் தலைவலியை உண்டாக்கும்.

அதிகப்படியான காபி எல்லோருக்கும் ஒரே மாதிரியான பாதிப்புகளை ஏற்படுத்துவதில்லை. காலையில் வெறும் வயிற்றில் குடிக்கும் காபி, நடு இரவில் கூட தலைவலியை உண்டாக்கும்.

நம்முடைய உடல் இயங்குவதற்குத் தேவையான ஆற்றலை, உடல் நாம் உண்ணும் உணவுகளில் உள்ள ஊட்டச்சத்துக்களில் இருந்து தான் பெறுகிறது.

சமீபத்தில் கார்போஹைட்்ரேட் எடுத்துக் கொண்டால் எடை அதிகரிக்கும், சர்க்கரை நோய் வரும் என்ற கருத்தினால் முழுவதுமாக கார்புா உணவுகளைத் தவிர்க்கிறார்கள்.

ஆனால் நம்முடைய உடலுக்குத் தேவையான எனர்ஜி கார்போ மற்றும் நல்ல கொழுப்பு உணவுகளில் இருந்து தான் கிடைக்கிறது. அதனால் முற்றிலுமாக கார்போ உணவுகளைத் தவிர்க்கும்போது, அதன்மூலம் தலைவலி போன்ற பிரச்சினைகள் ஏற்படுகின்றன.

தலைவலியைத் தவிர்க்க உடலுக்குத் தேவையான கார்போ உணவுகளை எடுத்துக் கொள்ள வேண்டியது அவசியம்.

கொழுப்பு கல்லீரல் பிரச்சினையை சரிசெய்யும் 4 யோகாசனங்கள்... தினம் 10 நிமிடம் செய்தால் போதும்...

சர்க்கரையும் சர்க்கரை சேர்க்கப்பட்ட உணவுகளும் சாப்பிடும்போது உடனடியாக ரத்த சர்க்கரை அளவு அதிகரிக்கும். அப்படி அதிகரிக்கும் ரத்த சர்க்கரை திரும்ப இயல்பு நிலைக்கு வரும்போது, தலைவலி ஏற்படும்.

இத்தகைய தலைவலியைத் தவிர்ப்பதற்கு சர்க்கரை சேர்க்கப்பட்ட உணவுகளைத் தவிர்ப்பது தான் தீர்வு. சர்க்கரை உணவுகள் எடுத்துக் கொள்வது முற்றிலும் தவிர்க்கப்பட்ட பிறகும் கூட தலைவலி ஏற்பட்டால் உடனே மருத்துவரை சந்தித்து ஆலோசனை பெறுவது நல்லது.