இதுகுறித்து ஆண்ட்ரோலஜி என்னும் இதழில் ஒரு ஆய்வு வெளியிடப்பட்டது. அந்த ஆய்வின் மூலம் ஒட்டு மொத்த விந்தணுக்களின் எண்ணிக்கை, விந்தணுக்களின் தரம் ஆகியவை எவ்வாறு மாறுகிறது என்பதை கண்டறிய முடிகிறது. மர விதைகளானது விந்தணுக்களின் டி.என்.ஏவை வெறும் 14 வாரங்களில் மாற்றி அமைக்கும் என கண்டறியப்பட்டது. இந்த் ஆய்வில் மொத்தம் 72 ஆரோக்கியமான ஆண்கள் பங்கேற்றனர்.
உணவு முறை
அனைவரும் மேற்கத்திய பாணி உணவு முறையை பின்பற்றுவதாக கூறினர். இந்த உணவுகளில் பொதுவாக சிவப்பு இறைச்சி, பதப்படுத்தப்பட்ட உணவுகள் மற்றும் சர்க்கரை ஆகியவையே அதிகமாக உள்ளன. அவர்களில் 48 பேருக்கு தினசரி உணவில் 48 கிராம் மர விதைகள் கொடுக்கப்பட்டன. இப்படியே மொத்தம் 14 வாரங்கள் தரப்பட்டன. மீதமுள்ள 24 பேர் வழக்கமான வாழ்க்கை முறையையே பின்பற்றினர். அவர்கள் தொடர்ந்து மேற்கத்திய உணவையே உண்டு வந்தனர்.
இந்த சோதனையின் முடிவில் வழக்கமான உணவுகள் உண்பவர்களை விட மர விதைகளை உணவில் சேர்த்துக்கொண்டவர்களின் விந்தணுக்களில் குறிப்பிடத்தக்க அளவில் மாற்றம் தெரிந்தது. எனவே இந்த ஆய்வின் மூலம் உணவில் மர விதைகளை சேர்ப்பது விந்தணுக்களின் தரத்தை மேம்படுத்தும் என கண்டறியப்பட்டது.
இவ்வாறு விந்தணுக்களின் மேம்பாட்டிற்கு உதவும் சில உணவு வகைகளை நாங்கள் பட்டியலிட்டுள்ளோம். இது உங்களுக்கு மிகவும் உதவியாக அமையலாம்.
பூசணி விதை
பூசணி விதைகளில் என்ன உள்ளது என நீங்கள் யோசிக்கலாம். பூசணி விதைகளில் அதிகமாக துத்தநாகம் உள்ளது. இது விந்தணுவின் உருவாக்கத்திற்கு அவசியமான கனிமமாகும். உடலில் துத்தநாகத்தின் அளவில் குறைப்பாடு ஏற்படும்போது டெஸ்டோஸ்டிரோன் அளவும் குறைகிறது. இதனால் விந்தணுவின் தரத்தில் பாதிப்பு ஏற்படுகிறது. இதனால் ஆண் மலட்டுத்தன்மை ஏற்படுவதற்கான வாய்ப்புகள் உள்ளன என ஆய்வுகள் கூறுகின்றன. எனவே விந்தணுவின் தரத்திற்கு துத்தநாகம் முக்கியம் என்பதால் பூசணி விதையும் முக்கியமான உணவாக உள்ளது.
கருப்பு சாக்லேட்
கருப்பு சாக்லேட்கள் எல் அர்ஜினைன் என்ற அமிலோ அமிலத்தை அதிகமாக கொண்டுள்ளன. இது விந்தணுவின் அளவை இரட்டிப்பாக்கும் சக்தி கொண்டது என நிரூபிக்கப்பட்டுள்ளன. எனவே விந்தணு மேம்பாட்டிற்கு கருப்பு சாக்லேட் மிக முக்கியமான உணவு பொருளாகும்.
மாதுளை பழம்
மாதுளை சாறானது ஆக்ஸிஜனேற்றத்திற்கு உதவுகிறது. இது விந்தணுக்களின் தரத்தை மேம்படுத்த உதவி புரிகிறது. மாதுளை சாறு குடிப்பதன் மூலம் ஆண்களுக்கு பாலியல் செயல் திறன் மேம்பாடு அடையலாம் மற்றும் ஆண்களின் விறைப்பு தன்மைக்கு இது உதவும் என ஆராய்ச்சியாளர்கள் கூறுகின்றனர்.
பாக்கெட் பால், கறந்த பால், டெட்ரா பாக்கெட் - மூன்றில் எது பெஸ்ட்? நீங்க நினைக்கறது வேற உண்மை வேற...
கீரை வகைகள்
கீரை வகைகளில் இலைகள் தான் சத்துள்ள உணவாக உள்ளன. மேலும் கீரை வகைகளில் அதிகமாக வைட்டமின் பி ஊட்டச்சத்து உள்ளது. இவை வலுவான ஆரோக்கியமான விந்தணுக்கள் உருவாக உதவுகிறது. விந்தணுக்களின் எண்ணிக்கையை அதிகரிப்பதோடு, அவற்றை ஆரோக்கியமான உயிரணுக்களாகவும் உற்பத்தி செய்யும்.
நம் மூளையை பாதிக்கும் மோசமான உணவுகள் என்னென்ன?... தெரிஞ்சிக்கங்க... கவனமா இருங்க...
ஆரஞ்சு பழம்
ஆரஞ்சு பழமானது வைட்டமின் சி சத்தை பெறுவதற்கான சரியான மூலமாகும். இது விந்து இயக்கம் அவற்றி எண்ணிக்கை மற்றும் உருவவியல் ஆகியவற்றை மேம்படுத்த உதவுகிறது என நிரூபிக்கப்பட்டுள்ளது. வைட்டமின் சி சத்துக்கள் அதிகமாக கொண்ட தக்காளி, முட்டைக்கோஸ் போன்ற மற்ற காய்கறி பழங்களும் இதில் அடங்கும்.
எனவே இந்த உணவு வகைகளை மேற்கொள்வது மூலம் விந்தணுவில் குறிப்பிடத்தக்க மேம்பாட்டை அடைய முடியும்.